အရည်အသွေး ပြည့်ဝသည့် လူ့စွမ်းအား အရင်းအမြစ် ရရှိရန် အရည်အသွေးရှိသည့် ပညာရေးစနစ်နှင့် စွမ်á

IMG_20150816_145458.jpg

အရည်အသွေး ပြည့်ဝသည့် လူ့စွမ်းအား အရင်းအမြစ် ရရှိရန် အရည်အသွေး ရှိသည့် ပညာရေးစနစ်နှင့် စွမ်းရည်ပြည့်ဝ ထက်မြက်သော ဆရာ၊ ဆရာမများ လိုအပ်ကြောင်း ဒုတိယ သမ္မတဒေါက်တာ စိုင်းမောက်ခမ်းက ကမ္ဘာ့ဆရာများနေ့ အထိမ်းအမှတ် အခမ်းအနားတွင် ပြောကြားသည်။

“၂၀၁၅ ခုနှစ် ကမ္ဘာ့ပညာရေး ဖိုရမ်က ခရစ်နှစ် ၂၀၃၀ ပညာရေး လုပ်ငန်းစဉ် မူဘောင် ၇ ရပ်ချမှတ်ခဲ့ပါတယ်။ ၎င်းလုပ်ငန်းစဉ်များတွင် ဆရာ၊ ဆရာမများ အရည်အသွေးမြှင့်တင်ရေး လုပ်ငန်းသည်လည်း ပါဝင်ပါတယ်။ ပညာရေး ကဏ္ဍမြှင့်တင်နိုင်ရန် အတွက် ဆရာ၊ ဆရာမများ အရည်အသွေး မြင့်မားလာရေးနဲ့ သက်သာ ချောင်ချိရေးများကိုလည်း အလေးပေး ဆောင်ရွက်သွားရပါမယ်” ဟု ၎င်းက ထပ်မံပြောကြားသည်။

အဆင့်မြင့်ပညာ ကဏ္ဍတွင် လွတ်လပ်သည့် သင်ကြားသင်ယူမှုနှင့် လွတ်လပ်သည့်စီမံခန့်ခွဲမှု စနစ်ကို ကျင့်သုံးသွားမည်ဖြစ်ပြီး ဗဟို ချုပ်ကိုင်မှု မထားဘဲ တက္ကသိုလ် တစ်ခုချင်းစီအလိုက် သီးခြားရေးဆွဲသည့် ပဋိညာဉ်ပါ ပြဋ္ဌာန်းချက်များ အတိုင်း တက္ကသိုလ်ကောင်စီကို ဒီမိုကရေစီနည်းလမ်းတကျ အဖွဲ့ဝင်များ ရွေးချယ်၍ စီမံ ခန့်ခွဲသွားကြရမည်ဖြစ်ကြောင်း ဒေါက်တာစိုင်းမောက်ခမ်းက ထပ်လောင်း ပြောကြားခဲ့သည်။

နှစ်စဉ်တိုးတက်လာနေသည့် ကျောင်းသား၊ ကျောင်းသူများနှင့် ဆရာ၊ ဆရာမများ၏ အင်အား အချိုး ညီမျှစေရန် ဆရာ၊ ဆရာမများကို လုံလောက်စွာဖြည့်ဆည်း ခန့်ထားရမည်ဖြစ်ကြောင်း သိရသည်။

ထို့ပြင် လက်ရှိတာဝန်ထမ်း ဆောင်လျက်ရှိသော ဆရာ၊ ဆရာမများသည် လူ့စွမ်းအား အရင်းအမြစ်ဖွံ့ဖြိုးတိုးတက်ရေးနှင့် ပညာရေး ကဏ္ဍဖွံ့ဖြိုးတိုးတက်ရေး တို့အတွက် ထူးချွန်သူများဖြစ်ကြရန် ကြိုးပမ်းသင့်ကြောင်း ထပ်မံ ပြောကြားသည်။

အဆိုပါကမ္ဘာ့ဆရာများနေ့ အထိမ်းအမှတ် အခမ်းအနားကို  အောက်တိုဘာလ ၅ ရက်က နေပြည်တော်ရှိ မြန်မာအပြည်ပြည်ဆိုင်ရာ ကွန်ဗင်းရှင်းဗဟိုဌာန ၂ တွင်ကျင်းပခဲ့ကြောင်း သိရသည်။