Migrant, refugee နှင့် asylum-seeker ဆိုတဲ့ စကားလုံးတွေကို ဘယ်လို မှန်ကန်အောင် သုံးမလဲ

Migrant,-refugee,-asylum-seeker-(Bengin-Ahmad).jpg

ယခုနှစ်တွင် များသောအားဖြင့် အာဖရိကနှင့် အရှေ့အလယ်ပိုင်းဒေသတို့မှ သိန်းနှင့်ချီသောသူများသည် အကြောင်းအရင်း မျိုးစုံနှင့်  ဥရောပတိုက်သို့ ဝင်ရောက်နိုင်ရန် ကြိုးစားခဲ့ကြပါသည်။ အချို့သူများသည် ယေဘုယျအားဖြင့် သူတို့နိုင်ငံများကို ဝန်းရံလာသည့်စစ်ပွဲများမှ ရှောင်ပြေးကြခြင်းဖြစ်သည်။ အချို့မှာ သူတို့ ကိုယ်တိုင်နှင့် သူတို့မိသားစုများအပေါ် အတိအကျ ကျရောက်လာမည့် ခြိမ်းခြောက်မှုများမှ ထွက်ပြေးကြခြင်းဖြစ်သည်။ အချို့မှာမူ သူတို့ ထွက်ခွာခဲ့ သည့် နိုင်ငံများတွင် ရရှိနိုင်သော လစာများထက် များစွာပိုမိုမြင့်မားသည့် လစာမျိုး ဥရောပနိုင်ငံများတွင် ရရှိလျက် အလုပ်လုပ်ကိုင်နိုင်ရန် မျှော်လင့်၍လာကြသူများ လည်း ရှိပါသည်။ ထို့ပြင် အချို့သူများသည် ဥရောပတွင် အလုပ်မလုပ်နေသူများကိုပင် ကျန်းမာရေး ကြည့်ရှုစောင်မပေးမှုနှင့် ငွေကြေးအချို့ထောက် ပံ့ပေးမှုများ ရှိကြောင်းကြားမိကြမည်မှာ သံသယဖြစ်ဖွယ် မရှိပါ။ သတင်းနှင့် စာနယ်ဇင်းများသည် ဤကဲ့သို့အမျိုးအစား ရှင်းလင်းကွဲပြားစွာရပ်တည်နေကြသည့် လူများ အကြောင်းကိုပင် ဖော်ပြပေးရန် မကြာခဏပင် အချိန် (သို့မဟုတ်) နေရာမရှိဘဲ ဖြစ်တတ်ပါသည်။ ဤသို့ဆိုလျှင် ကျွန်ုပ်တို့သည် ထိုသူများကိုမည်သို့ခေါ်ဝေါ်ကြပါ သနည်း။ Migrant (ရွှေ့ပြောင်းနေထိုင်သူ) ဟူသောစကားလုံးသည် အဖြေပုံစံ ပေါက်ပါသည်။

သို့သော် ဤစကားလုံးတွင်ပြဿနာများစွာ ရှိပါသည်။ Migration (ရွှေ့ပြောင်းနေထိုင်ခြင်း) ဆိုသည်မှာ လူအများက မိမိတို့ကြီးပွားတိုးတက်ရေးအတွက် မိမိတို့ ဘာသာ ဆုံးဖြတ် လုပ်ကိုင်ကြခြင်းမျိုး ဖြစ်သည်။ ထုံးတမ်းအစဉ်အလာအရ “migrants” (ရွှေ့ပြောင်းနေထိုင်သူများ) အား (အကယ်၍ သူတို့သည် သင်နေထိုင်သောနို င်ငံသို့ လာကြပါက) “immigrants” (ရွှေ့ပြောင်းဝင်ရောက် အခြေချနေထိုင်သူများ) ဟူ၍လည်းကောင်း သို့မဟုတ် (အကယ်၍သင်နေ ထိုင်နေသောနိုင်ငံမှ ထွက်ခွာနေကြသူများ ဖြစ်ပါက) “emigrants” (ရွှေ့ပြောင်းထွက်ခွာသွားကြသူ များ) ဟူ၍ လည်းကောင်း ခေါ်ဝေါ်ကြပါသည်။ ”Migrant” (ရွှေ့ပြောင်း နေထိုင်သူ) ဟူသော စကားလုံးမှာ ထိုအသုံးအနှုန်းများနှင့်နှိုင်းယှဉ်လျှင် ကြားနေအမြင်ရှိခြင်း ဆိုသည့် ကောင်းကွက်ကလေး အနည်းဆုံး ရှိနေပါသည်။

သို့သော် ဤသို့ဆိုလျှင် ဘဝသစ်တစ်ခုကို ရှာဖွေနိုင်ရန် စဉ်းစားတွေးခေါ်ထားသည့် ဆုံးဖြတ်ချက် တစ်ခုပြုလုပ်လိုက်ခြင်း ဟူသည့် သွယ်ဝိုက်သော အဓိပ္ပာယ် သက်ရောက်မှုမျိုး ရှိလာပြန်ပါသည်။ ဤသို့ပြောင်းရွှေ့ခြင်းမျိုး ဆိုသည်မှာ ရေးကြီးသုတ်ပျာနှင့် သယ်နိုင်သမျှဘာမဆို ဆွဲယူပြီး မကြာခင် ရောက်ရှိလာတော့မည့် အ ကြမ်းဖက်မှုတစ်ခုခု၏ ခြိမ်းခြောက်မှုမှ ထွက်ပြေးခြင်းမျိုးဖြစ်သည်ဟု စိတ်ကူးထဲတွင် မပေါ်ပေါက်စေပါ။ ၎င်းကဲ့သို့ ထွက်ပြေးပြောင်းရွှေ့သူများကို ဖော်ပြပေးသည့် စကားလုံးများတွင်လည်း ပြဿနာရှိပါသည်။ ”Refugee” (ဒုက္ခသည်) ဟူသည့် စကားလုံးသည် passive word (အပြုလုပ်ခံပြစကားလုံး) ဖြစ်သည်။ (စကားလုံး အဆုံးသတ်ပုံမှာ ပြင်သစ်ဘာသာ စကားအရ past participle ခေါ်ပြုလုပ်ခံပြပုဒ်ကို ဖော်ညွှန်းသည့် အဆုံးသတ်ပုံမျိုး (-ee) ဖြစ်နေပါသည်။ သို့သော် အင်္ဂလိပ်ဘာ သာစကားတွင်မူ -ee နှင့်အဆုံးသတ်သော စကားလုံးတိုင်းသည် passive subjects အပြုလုပ်ခံ ကတ္တားပုဒ်ကိုမဖော်ပြပါ။) သို့သော် ပိုမိုကြီးမားသည့်ပြဿနာမှာ “refugee” (ဒုက္ခသည်) ဖြစ်ကြောင်းကို တရားဥပဒေအရ တရားဝင်သတ်မှတ်ပြီး ဖြစ်ပါက ထိုသူအား အိမ်ပြန်ပို့၍မရတော့ပါ။ ယဉ်ကျေးသည့်နိုင်ငံများအားလုံး လက်မှတ်ရေးထိုးကာ   သဘောတူညီလိုက်ကြသည့် ဒုက္ခသည်အဆင့်အတန်းအဖြစ် သတ်မှတ်ခြင်းဆိုင်ရာ ၁၉၅၁ ခု အများ သဘောတူညီချက်တွင် refugee ဟူသည် သူ/မ ၏ လူမျိုးစုနွယ်၊ ဘာသာရေး၊ နိုင်ငံသားဖြစ်မှု၊ နိုင်ငံရေးထင်မြင်ယူဆချက် သို့မဟုတ် တစ်စုံတစ်ခုသော လူမှုအဖွဲ့ တွင်အသင်းဝင်ဖြစ်ခြင်း စသည်တို့တစ်ခုခု အပေါ်အခြေခံ၍ ရက်စက်ကြမ်းကြုတ်စွာနှင့် မမျှတစွာခွဲခြားဆက်ဆံခြင်း ခံရမည်ဆိုသည့် အကြောင်းရင်းခိုင်လုံမှုရှိသည့် အကြောက်တရား တစ်ခုခုကြောင့် မိမိနိုင်ငံသို့မပြန်ရဲ သို့မဟုတ် မပြန်ချင်သောသူဟု အဓိပ္ပာယ်ဖွင့်ဆိုထားပါသည်။ အတည်ပြုသတ်မှတ်ပြီးသော နိုင်ငံတကာဒုက္ခသည် ဥပဒေ (principle of non-refoulement ဟု အများခေါ်ဆိုကြသော ရက်စက်ကြမ်းကြုတ်စွာနှင့် မမျှတစွာ ခွဲခြားဆက်ဆံခြင်း အမှန်တကယ်ခံနေရသည့် ဒုက္ခသည်အား ထိုသို့ပြုမူဆက်ဆံမည့်သူထံ ပြန်ပို့ခြင်းအားတားမြစ်သည့်ဥပဒေ) အရ ဤကဲ့သို့သောအကြောင်းရင်း ခိုင်လုံမှု ရှိသည့် ရက်စက်ကြမ်းကြုတ်စွာနှင့် မမျှ တစွာခွဲခြား ဆက်ဆံခြင်း ခံရရန်ရှိသည့် အကြောက်တရား ကိုရင်ဆိုင်ရရန်  တစ်စုံတစ် ယောက်အားပြန်ပို့ခြင်းသည် တရားဥပဒေကို ချိုးဖောက်ခြင်းဖြစ်လာပါသည်။

The Sunday Times (ယူကေမှ တနင်္ဂနွေသတင်းစာတစ်စောင်) ၏ မကြာသေးမီက ခေါင်းကြီးပိုင်းတစ်ခုတွင် “UK deports 52 Syrian refugees” (အင်္ဂလန် နိုင်ငံသည် ဆီးရီးယား ဒုက္ခသည် ၅၂ ဦးအား နိုင်ငံပြန်ပို့လိုက်ခြင်း) ဟုရေးသားထားချက်သည် (ဥပဒေအရစကားပြောလျှင်) ဗြိတိန်နိုင်ငံ သည် နိုင်ငံတကာ ဥပဒေကို ပြင်းထန်စွာ ချိုးဖောက်မိပြီဟု အဓိပ္ပာယ်ရပါသည်။

သို့သော် ထိုဆောင်းပါး၏ စာသားအရ တကယ့် အဖြစ်အပျက်သည် ထိုကဲ့သို့ မဟုတ်ကြောင်း ထင်ရှားစွာတွေ့နိုင်ပါသည်။ Deportees (နိုင်ငံသို့ပြန်ပို့ခံရသူများ) (ဤနေရာတွင်လည်း ပြုလုပ်ခံရသူ ပုဒ်ဖြစ်သော -ee နှင့်အဆုံးသတ်ထားပါသည်။) သည် ဥပဒေအရ refugees (ဒုက္ခသည်များ) အဆင့်သို့ မရောက် ရှိခဲ့သေးပေ။  

၎င်းတို့သည် “asylum-seekers”(နိုင်ငံရေးခိုလှုံခွင့်ရရှိရန် ကြိုးပမ်းနေသူများ) သို့မဟုတ် ဒုက္ခသည်အဖြစ် အဆင့် သတ်မှတ်ခံရမှုကို ရရှိရန် ကြိုးပမ်းနေသူများ အဆင့်တွင်သာ ရှိနေခဲ့ပါသည်။  

ဤသို့ ပိုမို၍ ကြားနေကျသော အသုံးအနှုန်းသည် သတင်းထောက် သို့မဟုတ် နိုင်ငံရေးသမားကို ငါးမျှားချိတ်မှလွတ်သွားစေပါသည်။ သို့သော် asylum-seeker ဟူသော အသုံးအနှုန်းတွင်လည်း ပြဿနာများရှိနေပါသည်။

နိုင်ငံရေး ခိုလှုံခွင့်ရရှိရန် ကြိုးပမ်းမှုလုပ်ငန်းစဉ်သည် ခက်ခဲရှုပ်ထွေးပြီး တကယ်တမ်း မလိုအပ်သည့် ရှည်လျားသော ရုံးလုပ်ငန်းအဆင့်ဆင့်ကို ကျော်ဖြတ် ရသဖြင့် ပြောင်းရွှေ့နေထိုင်ကြခြင်းကို ဆန့်ကျင်သော နိုင်ငံရေးသမားများက ၎င်းကိုပေးရန် ကြိုးစားနေသည့် မကောင်းအမြင် အရောင်ကွဲမျိုး ရရှိသွား သည် ဖြစ်သည်။ ဆိုလိုသည်မှာ ဥရောပရှိလူများစွာတို့သည် “asylum-seekers” (နိုင်ငံရေး ခိုလှုံခွင့်ရရှိရန် ကြိုးပမ်းနေသူများ) ဆိုသည်မှာ အမှန်တကယ်တွင် မိမိ သဘောတိုင်းအိမ်မှ ထွက်ခွာလာကြပြီး အလကားရသည့် ဝင်ငွေနှင့် အကျိုးခံစားခွင့်များပါရှိသည့် သက်သောင့်သက်သာ ရှိသော ဘဝမျိုးကို ဥရောပတွင် ရှာဖွေနေကြသူများဟု ယူဆကြပါသည်။ လူများစွာတို့သည် asylum-seeker ဟူသောစကားလုံးကို “scrounger” (လိုချင်သောအရာတစ်ခုကို မိမိဘာသာ မကြိုးစားဘဲ သူတစ်ပါးထံမှ လက်ဖြန့် တောင်းယူတတ်သူ)  ဟူသောစကားလုံး၏ အဓိပ္ပာယ်ဆင်တူသော စကားလုံး အဖြစ် သုံးစွဲနေကြခြင်းကို ရှင်းလင်းစွာ သိလာသည်နှင့် တစ်ပြိုင်နက် asylum-seekers များခံစားရရှိနေကြသည့် ရှက်ဖွယ်ကောင်းသော ပြုမှုဆက်ဆံမှုမျိုး (ဥပမာ – ရာဇဝတ်မှုများတွင် အပြစ်ရှိကြောင်း သက်သေပြခံလျှင် ခြံစည်းရိုး ပိတ်ထည့်ခံထားရခြင်းမျိုး) အဘယ့်ကြောင့် ရရှိကြသည်ဆိုသည့် ကိစ္စမှာ ပိုမို၍ နားလည်လွယ်လာပါသည်။

ဤသို့သော  အားလုံးရှုပ်ထွေးနေသည့် စီးဆင်းမှုထဲတွင် ဝင်ရောက်ရောယှက်၍ ပါဝင်နေသည်မှာ သူတို့ထွက်ခွာခဲ့သော နေရာများထက် ဝင်ငွေများ၊ ကျန်းမာရေး ပြုစု စောင့်ရှောက်ပေးမှုနှင့် နေထိုင်ရေး ကိစ္စများတွင် များစွာ ပိုမိုကောင်းမွန်သော ဥရောပတွင် အလုပ်လုပ်ရန် အမှန်တကယ် မိမိဆန္ဒ အလျောက် ပြောင်းရွှေ့လာသူများပင်ဖြစ်ပါသည်။ ဤကဲ့သို့သော လူများကို ရှုံ့ချမှု အတိုင်းအတာတစ်ခု ပါဝင်သော လေသံမျိုးနှင့် “economic migrants” (စီးပွားရေး အရရွှေ့ပြောင်း နေထိုင်သူများ) ဟု မကြာခဏခေါ်ဝေါ်ကြပါသည်။ (ဆိုလိုသည်မှာ သူတို့သည် “အမှန်တကယ် ဒုက္ခသည်များ” မဟုတ်ကြပါ။) လစာ ပိုမိုမြင့်မားသော နေရာသို့ ရွှေ့ပြောင်းခြင်းသည် စီးပွားရေး သဘောအရ စီမံခန့်ခွဲမှု ကောင်းမွန်ခြင်းကို ပြသည်။ မိမိ၏ မိသားစုအတွက် ထိုသို့ပြုလုပ်ခြင်းမှာလည်း ရည်ရွယ်ချက် မြင့်မြတ်ပါသည်။ သို့သော် လူများစွာတို့သည် ၎င်းအကြောင်းပြချက်မျိုးနှင့် ဥရောပသို့ရွှေ့ပြောင်းရန် အခွင့်အရေး မရှိသောကြောင့် နောက် အခွင့် အရေး တစ်မျိုးဖြစ်သော asylum (နိုင်ငံရေးခိုလှုံခွင့်) ကိုရယူရန် ကြိုးစားလာကြပါသည်။ ဤအချက်သည် ၎င်းတို့၏ပြုလုပ်ရသော အကြောင်းရင်းခံ မည်မျှပင် မြင့်မြတ်စေကာမူ ရိုးသားရမည် ဟူသော သူတို့၏ တာဝန်မှ ယိုယွင်းပျက်စီးခြင်းပင်ဖြစ်သည်။ အမေရိကန်နိုင်ငံတွင် ဤကဲ့သို့သော ပြောင်းရွှေ့နေ ထိုင်သူများသည် ပုံမှန်အားဖြင့် နယ်စပ်ကို တိတ်တဆိတ် ကျော်ဖြတ်ကာ စာရွက်စာတမ်းများမရှိဘဲနှင့် အလုပ်လုပ်ကိုင်နေကြပါသည်။ သူတို့အား ထောက်ခံ သူများသည် ဤစာရွက်စာတမ်း မရှိမှုကို အခွင့်အရေးယူကာ သူတို့အား “undocumented” (မှတ်တမ်းတင်ထားခြင်းမရှိသော) ဟုခေါ်ဝေါ်ကြသော်လည်း သူတို့ကို ဆန့်ကျင်သူများက “illegalimmigrants” (တရားမဝင်ရွှေ့ပြောင်း အခြေချနေထိုင်သူများ) ဟုခေါ်ဝေါ်ကြပါသည်။

၎င်းနောက် ထိုစကားလုံးကိုပါ “illegals” (တရားမဝင်သူများ) ဟု အတိုချုံ့ခေါ်ဝေါ်လိုက်ကြပါသည်။

ချမ်းသာသော နိုင်ငံများမှ လူများစွာတို့သည် အစဉ်အမြဲလုပ်ခဲ့သလို နိုင်ငံရေးအရ သတ်မှတ်ထားသည့် နယ်နိမိတ်များကို ကျော်ဖြတ်ချင် သို့မဟုတ် ကျော်ဖြတ်ရန် လိုအပ်ကြသည် ဆိုသော အချက်ကို လက်ခံ သဘောပေါက်ခြင်း မရှိကြသေးပါ။ အကယ်၍ စိတ်ကိုလှုံ့ဆော်စေသည့် အချက်များသည် ရောထွေးနေပါက ၎င်း သည်ပြစ်မှုတစ်ခုမဟုတ်ပါ။ လူ့အခွင့်အရေးဆိုင်ရာ မဟာမင်းကြီးရုံးမှ Pia Oberoi (ပီယာအိုဘဲရွိုင်း) က ဤသို့ရေးသားပါသည်။ “သန်းပေါင်း များစွာသော ရွှေ့ပြောင်းနေထိုင်သူများ အတွက် အတိုင်းအတာ အမျိုးမျိုးရှိသော အတင်း အဓမ္မဖိအား အမျိုးမျိုးကြောင့်လုပ်ရခြင်းနှင့် မိမိသဘောဆန္ဒ အလျောက် လုပ်ကြခြင်းဟူသည့် အချက်နှစ်ချက်သည် ၎င်းတို့ခရီးစဉ်များ၏ အဓိက သွင်ပြင် လက္ခဏာဖြစ်လာရပါသည်။ ၎င်းခရီးစဉ်များသည်လည်း ရှည်လျားကာ ဦးတည်ရာ အမျိုးမျိုးရှိကာ လူတစ်ယောက်၏ ပတ်ဝန်းကျင် အခြေအနေများနှင့် နေထိုင်သည့်အဆင့်အတန်းတို့လည်း ခရီးစဉ်ရှေ့သို့သွားသည်နှင့်အမျှ မကြာခဏပင် ကြီးမားစွာ ပြောင်းလဲနိုင်ပါသည်။” အခြားစကားလုံးများနှင့် ပြောင်းလဲ၍ပြောရလျှင် သူမက အလွန်ချောမွေ့သော စကားလုံးများနှင့် ရေး သားထားသလိုပင် “လူသားတုိ့၏ အတွေ့အကြုံနယ် နိမိတ်များဆိုသည်မှာ ကျွန်ုပ်တို့၏ အလွန်အနုစိတ်စွာ ရေးဆွဲထားသော ဥပဒေဆိုင်ရာအမျိုးအစားခွဲခြား သတ်မှတ်ထားခြင်းတုိ့က ဖြစ်စေချင်သလို အစီအစဉ်သေချာမကျသကဲ့သို့ သပ်ရပ်စွာခွဲခြားနိုင်ခြင်းလည်းမရှိပါ။”

စကားလုံးများသည် သပ်ရပ်ပါသည်။ ဘဝက ရှုပ်ထွေးပါသည်။ လက်ရှိသုံးစွဲ၍ ရနိုင်သော ရှုပ်ထွေးနေသည့်ဝေါဟာရများသည် ရွှေ့ပြောင်းနေထိုင်ကြခြင်း၏ အကောင်းဆုံး ဆိုသော အရာကို မသက်မသာဖြစ်စေသည့် မည်သည့်အရာမှ မပါစေဘဲ ရရှိရန်ကြိုးစားသောအနေနှင့် အနောက် တိုင်းနိုင်ငံများက ရေးဆွဲ ထားသည့် တစ်ဝက်သာစဉ်းစား တွေးခေါ်ထားသော မူဝါဒ အရှုပ်အထွေးများအတွက် သင့်လျော်ပါသည်။ “Migrants” (ရွှေ့ပြောင်းနေထိုင်သူများ) ဟူသော အသုံးအနှုန်းသည် ထိုရွေ့လျားနေသော လူများအားလုံး အတွက် အကောင်းမွန်ဆုံး ယေဘုယျကျသော အသုံးအနှုန်း ဖြစ်ကောင်းဖြစ်နိုင်ပါသည်။ သို့သော် ရေးကြီး သုတ်ပျာနှင့်လုပ်ကိုင်နေရခြင်း သဘောမျိုးမပါရှိပါ။ နိုင်ငံရေးသမားများနှင့် မဲပေးကြသူများ သတိပြုကြရမည်မှာ စီးပွားရေးဆိုင်ရာ ပြောင်းရွှေ့နေထိုင် သူများနှင့် နိုင်ငံရေး ခိုလှုံခွင့် ရရှိရန် ကြိုးစားနေသူများသည်လည်း အခြားသောအရာများ အားလုံးထက် လူသားများဖြစ်နေသည်ဆိုသည့် အချက်ပင်ဖြစ်ပါသည်။

ဗဟုသုတဖြစ်ဖွယ်ရာဝေါဟာရနှင့် ရှင်းလင်းချက်များ A refugee (ဒုက္ခသည်) ဆို သည်မှာ သူတို့၏လူမျိုးစုနွယ် . . .  စသည်တို့အပေါ်အခြေခံ၍ ရက် စက်ကြမ်းကြုတ်စွာနှင့် မမျှတစွာ ခွဲခြား ဆက်ဆံခြင်းခံ ရရန် အကြောင်းရင်း ခိုင်လုံမှုရှိသည့် အကြောက်တရားကြောင့် သူတို့၏နိုင်ငံသို့ပြန်၍မရ သို့မဟုတ် မပြန်ချင်တော့သည့် သူဟု ကုလသမဂ္ဂက အဓိပ္ပာယ်ဖွင့်ဆိုထားပါသည်။

(၁) refugee  (Noun)

နိုင်ငံရေး၊ ဘာသာရေး သို့မဟုတ် စီးပွားရေးဆိုင်ရာအကြောင်း အရင်းများကြောင့် (သို့မဟုတ်) စစ်မက်ဖြစ်ပွားခြင်းကြောင့် သူတို့၏ကိုယ်ပိုင်နိုင်ငံမှ ထွက်ပြေးလွတ် မြောက်လာသောသူ။

(၂) immigrant (Noun)

အခြားနိုင်ငံတစ်ခုသို့  ထိုနေရာတွင် အမြဲတမ်းနေထိုင်ရန် ရောက်ရှိလာသောသူ။

(၃) persecution (Noun)

တစ်စုံတစ်ယောက်သော သူအား သူတို့၏မျိုးနွယ်စု၊ ဘာသာ ရေး သို့မဟုတ် နိုင်ငံရေးယုံကြည်ချက်များကြောင့် အချိန်ကာလ ကြာရှည်စွာ တရားမျှတခြင်းမရှိဘဲ (သို့မဟုတ်) ရက်စက်စွာ ဆက်ဆံခြင်း (သို့မဟုတ်) တစ်စုံတစ်ယောက်အား သူတို့ဘာသာလွတ်လပ်စွာ နေခွင့်ပေးရန် ငြင်းဆိုခြင်းဖြင့် စိတ်အနှောင့် အယှက်ပေးခြင်း။

(၄) armed conflict (Noun)

တစ်ဖက်နှင့်တစ်ဖက် ဆန့်ကျင်သော ထင်မြင်ယူဆချက်များ သို့မဟုတ်  စည်းမျဉ်းစည်းကမ်းများ ရှိကြသောသူများအကြား လက်ရှိ ဖြစ်နေသည့်သဘောမတူညီမှုနှင့် ၎င်းသဘောမတူညီမှုပေါ် လက်နက်များ သုံစွဲခြင်း။

(၅) asylum (Noun)

ကာကွယ်ပေးထားခြင်း သို့မ ဟုတ် လုံခြုံစိတ်ချရမှုရှိခြင်း။ အထူးသဖြင့် နိုင်ငံရေး အကြောင်းများကြောင့် မိမိနိုင်ငံအားစွန့်ခွာ ရန်ဖိအားပေးခြင်း ခံရသော နိုင်ငံခြားသားများအား အစိုးရ တစ်ခုမှ ပေးသည့် အကာအကွယ်။ ခိုလှုံခွင့်။

(၆) influx (Noun)

လူ သို့မဟုတ် အရာဝတ္ထုများ အရေအတွက် မြောက်မြားစွာ တစ်ပြိုင်နက်တည်း ရောက်ရှိလာခြင်း။

(၇) minority (Noun)

မိမိတို့ထက်ပိုမို၍ကြီးမားသော အုပ်စုရှိသော ကွဲပြားသည့် လူမျိုးစုနွယ် သို့မဟုတ် နိုင်ငံသားများနေထိုင်နေသည့်နိုင်ငံ သို့မဟုတ် နေရာဒေသ တစ်ခုတွင် နေထိုင် လျက် ရှိသည့် နိုင်ငံသား သို့မဟုတ် လူမျိုးစုနွယ်အုပ်စု။

(၈) migration legislation (Noun)

မိမိတို့၏မွေးရာမြေ မဟုတ်သောနိုင်ငံတစ်ခုသို့ ဝင်ရောက် အခြေချ နေထိုင်ကြသူများနှင့် ပတ်သက်ပြီး အစိုးရမှအကြံပြုတင်ပြ ပေးကာ လွှတ်တော်မှ တရားဝင် သတ်မှတ်ပေးထားသည့် ဥပဒေ တစ်ခု (သို့) ဥပဒေတွဲများ။

(၉) asylum seeker (Noun)

မကြာခဏပင် နိုင်ငံရေး အကြောင်းများကြောင့်ဖြစ်စေ သို့မဟုတ်  စစ်မက်ဖြစ်ပွားမှုကြောင့်ဖြစ်စေ၊ လုံခြုံစိတ်ချမှုရနိုင်ရေးအတွက် မိမိ ကိုယ်ပိုင်နိုင်ငံကို စွန့်ခွာ ရသည့် သူ။ အခြားနိုင်ငံ တစ်ခုသို့ ခရီးသွားကြပြီး ထိုနိုင်ငံ၏ အစိုးရက သူတို့အား အကာကွယ်ပေးရန်နှင့် ထိုနိုင်ငံတွင် နေထိုင်ခွင့် ပေးရန် မျှော်လင့်ထားကြ သူများ။

(၁၀) detention centre (Noun)

လိုအပ်သည့် စာရွက်စာတမ်းများ မပါရှိဘဲ နိုင်ငံတစ်ခုသို့ဝင် ရောက်လာသူများအား တိုတောင်းသည့် အချိန်အတိုင်းအတာတစ်ခု ထိန်းသိမ်းထားနိုင်သည့်နေရာ။

Economist.com နှင့် learnenglish.britishcouncil.org မှ Migrant, refugee, asylum-seeker… နှင့် Refugees တို့မှ ကိုးကားဘာသာပြန်ဆို ထားခြင်း ဖြစ်ပါတယ်။