အိုင်စီတီကဏ္ဍအတွက် ရေးဆွဲမည့် မဟာစီမံကိန်းများတွင် လူမှုအသိုက်အဝန်း အတွက် အကာအကွယ်များ ထည့်သ

12119911_10207493530077584_4517046004002976057_o.jpg

အိုင်စီတီကဏ္ဍ အတွက် ရေးဆွဲမည့် မဟာစီမံကိန်းများတွင် လူမှုအသိုက်အဝန်း အတွက် အကာအကွယ်များ ထည့်သွင်းရေးဆွဲရန် လိုအပ်ကြောင်း MCRB (မြန်မာ့ စီးပွားရေးကဏ္ဍ တာဝန်ယူမှုရှိရေး အထောက်အကူပြု ဌာန) မှ ထုတ်ပြန်ခဲ့သည့် အစီရင်ခံစာတွင် ဖော်ပြထားသည်။

အိုင်စီတီကဏ္ဍအတွက် ရေးဆွဲမည့် မဟာစီမံကိန်းများထဲတွင် ပုဂ္ဂလိကလုပ်ငန်းများ လုပ်ငန်းလည်ပတ်ရာတွင် ဖြစ်သင့်သည့် လူ့အခွင့်အရေးများ၊ သဘာဝ ပတ်ဝန်းကျင်နှင့် လူမှုအသိုက်အဝန်းအတွက် အကာအကွယ်များ ထည့်သွင်းရေးဆွဲရန် ဖော်ပြထားခြင်း ဖြစ်သည်။

အဆိုပါအချက်ကို ထည့်သွင်းသင့်သည့် မဟာစီမံကိန်းများမှာ အိုင်စီတီမဟာစီမံကိန်း၊ နည်းပညာသုံးအုပ်ချုပ်မှု (e-government) နှင့် ဆက်သွယ်ရေး မဟာ စီမံကိန်းတို့ ပါဝင်ကြောင်းသိရသည်။ ယင်းအပြင် မဟာစီမံကိန်းတိုင်း တစ်ခုချင်းတွင် ပို၍ကျယ်ပြန့်သည့် အစိုးရပိုင်းဆိုင်ရာ ပွင့်လင်းမြင်သာမှု၊ တာဝန်ယူ တာဝန်ခံမှုရှိရေးနှင့် အများပြည်သူ ပါဝင်နိုင်စေရေးတို့ကို ဖော်ဆောင်ရေး သန္နိဋ္ဌာန်တစ်ရပ်အပေါ် အခြေခံပြီးလုပ်ဆောင်သင့်သည်ဟု ဆိုထားသည်။

မဟာစီမံကိန်းများအပေါ် နယ်ပယ်အသီးသီးမှ တာဝန်ရှိလူပုဂ္ဂိုလ်များ ပူးပေါင်းပါဝင်ပြီး မှတ်ချက်များ ပေးနိုင်စေရန်အတွက် လုံလောက်သည့် အချိန်ကာလတစ်ခု ထားရှိပေးကာ ပွင့်လင်းပြီး အများပြည်သူ ပါဝင်သည့် အဓိပ္ပာယ်ပြည့်ဝသော ဆွေးနွေး တိုင်ပင် နှီးနှောဖလှယ်မှုများ ဖြစ်ပေါ်စေရေး ဆောင်ရွက်သင့်သည်ဟု လည်း ပြောကြားထားသည်။ အိုင်စီတီကဏ္ဍအတွက် မဟာဗျူဟာမြောက် လမ်းကြောင်းသစ်များ ဖွံ့ဖြိုးတိုးတက်စေရေး လုပ်ဆောင်ရာတွင် အရှည်သဖြင့်နှင့် စုပေါင်း များပြားလာနိုင်သည့် လူ့အခွင့်အရေး၊ သဘာဝပတ်ဝန်းကျင်နှင့် လူမှုရေးရာ သက်ရောက်မှုကိစ္စရပ်များကို အမျိုးအမည်ခွဲခြားခြင်း၊ ကာကွယ်ခြင်းနှင့် ထိခိုက်မှု လျော့နည်းအောင် လုပ်ဆောင်ခြင်းတို့ကို ဆောင်ရွက်ရန် လိုအပ်ကြောင်း သိရသည်။

အဆိုပါအချက်ကို ICT Park များ ပိုမိုဖွံ့ဖြိုးရေး၊ ကုန်ထုတ်လုပ်မှုများ တိုးမြှင့်နိုင်ရေး သို့မဟုတ် ပြင်ပစီးပွားရေး လုပ်ငန်းများမှ အလုပ်အပ်ခြင်းများ တိုးမြှင့်ရရှိနိုင်ရေး တို့တွင် အသုံးချနိုင်သည်ဟု ဆိုသည်။

ယင်းအချက်များပါဝင်သည့် အစီရင်ခံစာကို စက်တင်ဘာလ အတွင်းက ထုတ်ပြန်ခဲ့ခြင်းဖြစ်သည်။ အစီရင်ခံစာကို ထုတ်ပြန်ရုံသက်သက် မဟုတ်ဘဲ ပြန်လည် အကောင်အထည်ဖော်နိုင်ရန် ရည်ရွယ်သည်ဟု MRCB မှ Regional Outreach Manager ဒေါ်ဝေဖြိုးမြင့်က ပြောသည်။