တက္ကသိုလ်ဝင်စာမေးပွဲ ဝင်ခွင့်များ စတင်လျှောက်ထားနိုင်

19484_953041008040034_6329032939344711404_n_SMT_Myanmar-Examinations-Department's-Facebook-Page_News_2015Oct02.jpg

တက္ကသိုလ်ဝင် စာမေးပွဲဝင်ခွင့် လျှောက်လွှာပုံစံများကို အောက်တိုဘာလ ၁ ရက်မှစတင်ကာ မြန်မာနိုင်ငံစာစစ်ဦးစီးဌာနတွင် သတ်မှတ်ထားသောနှုန်းထား များဖြင့် ရောင်းချပေးမည်ဖြစ်ကြောင်း သိရသည်။

စာမေးပွဲ ဝင်ခွင့်လျှောက်လွှာ တင်သွင်းရာတွင် ဘာသာတွဲ အမှတ်စဉ် (၁)၊ (၅)၊ (၆)၊ (၇)၊ (၈) များဖြင့် ဖြေဆိုမည့်သူများသည် အစိမ်းရောင် ဝင်ခွင့်လျှောက်လွှာနှင့် ကတ်ပြားပုံစံဖြင့် လည်းကောင်း၊ ဘာသာတွဲ အမှတ်စဉ် (၂)၊ (၃)၊ (၄) များဖြင့် ဖြေဆိုမည့်သူများ အတွက် ပန်းရောင်ဝင်ခွင့်လျှောက်လွှာနှင့် ကတ်ပြားပုံစံဖြင့် လည်းကောင်း တင်သွင်းရန် ခွဲခြား သတ်မှတ်ထားသည်။ ပြင်ပဖြေဆိုရန် လျှောက်လွှာ တင်သွင်းသူများ၏ စာမေးပွဲဝင်ကြေးကို သက်ဆိုင်ရာ မြို့နယ် ပညာရေးမှူးရုံးများတွင် စာမေးပွဲ ဝင်ကြေးအတွက် ကျသင့်ငွေ တံဆိပ်ခေါင်းများ ၀ယ်ယူကာ ဝင်ခွင့်လျှောက်လွှာ၏ လက်ဝဲဘက်ထိပ်ပိုင်းတွင် ကပ်၍ မိမိတို့ အမှန်တကယ် နေထိုင်သည့် မြို့နယ်ပညာရေးမှူးရုံးတွင် အောက်တိုဘာလ ၁ ရက်မှ ၃၁ ရက်အတွင်း တင်သွင်းရမည်ဖြစ်သည်။

အခြေခံပညာအထက်တန်း ကျောင်းများ၊ ကျောင်းခွဲများ၊ တွဲဖက်ကျောင်းများနှင့် ကိုယ်ပိုင် အထက်တန်းကျောင်းများမှ ဖြေဆိုရန် လျှောက်လွှာ တင်သွင်း မည့် ကျောင်းသား၊ ကျောင်းသူများ၏ စာမေးပွဲဝင်ကြေး အတွက် ကျောင်းအုပ်ကြီးများသည် စာမေးပွဲဝင်ကြေး ကျသင့်ငွေ တံဆိပ်ခေါင်းများ ဝယ်ယူပြီး လျှောက်လွှာ တစ်စောင်ချင်းတွင် ကပ်၍ စုပေါင်းကာ မြန်မာနိုင်ငံစာစစ်ဦးစီးဌာနသို့ အောက်တိုဘာလ ၁ ရက်မှ ၃၁ ရက်အတွင်း တင်သွင်းရမည်ဖြစ်သည်။  

လျှောက်လွှာပုံစံများနှင့် ငွေသွင်းတံဆိပ်ခေါင်းများကို နေပြည်တော်၊ ရုံးအမှတ် ၅၂၊ မြန်မာနိုင်ငံစာစစ်ဦးစီး ဌာန (ရုံးချုပ်)၊ ရန်ကုန်မြို့၊ လှိုင်မြို့နယ်၊ လှိုင်တက္ကသိုလ်နယ်မြေ၊ မြန်မာနိုင်ငံစာစစ်ဦးစီးဌာန (ဇွဲကပင်ဆောင်) နှင့် မြန်မာနိုင်ငံစာစစ်ဦးစီးဌာန၊ အမှတ် ၁၆၆၊ လသာလမ်း၊ ရန်ကုန်မြို့တို့တွင် ဝယ်ယူ နိုင်မည်ဖြစ်သည်။