မြန်မာနိုင်ငံ၏ နယ်မြို့များနှင့် ကျေးလက် ဒေသများ၏ ဆက်သွယ်ရေးနှင့် သတင်းအချက်အလက် သုံးစွဲမ

10487537_737702142942782_8632781815215076153_n.jpg

ဂျပန်နိုင်ငံက မြန်မာနိုင်ငံ၏ နယ်မြို့များနှင့် ကျေးလက်ဒေသ များ၏ ဆက်သွယ်ရေးနှင့် သတင်းအချက်အလက်သုံးစွဲနိုင်မှု ကဏ္ဍဖွံဖြိုးလာစေရန်အတွက် အကူအညီ ပေးသွားရန်ရှိကြောင်း သတင်း ရရှိသည်။

ဆက်သွယ်ရေးကဏ္ဍတွင် ဖွံ့ဖြိုးလာပြီဖြစ်သော မြန်မာနိုင်ငံတွင် ကျေးလက်ဒေသများ၏ အိုင်စီတီ ဖွံ့ဖြိုးမှုအတွက် ဂျပန်နိုင်ငံက ကူညီ ဆောင်ရွက် ပေးလိုခြင်းဖြစ်ပြီး နှစ်အနည်းငယ် အတွင်း၌ မြို့ပြနှင့် ဝေးလံသည့် ယင်းဒေသများတွင် တိုးတက် ပြောင်းလဲမှုများရှိလာရန် အတွက် မြန်မာအစိုးရနှင့် ပူးပေါင်း ဆောင်ရွက်သွားမည် ဖြစ်ကြောင်း ဆက်သွယ်ရေး၊ သတင်းအချက်  အလက်နှင့် နည်းပညာဝန်ကြီး ဌာနမှ စုံစမ်းသိရသည်။

ဂျပန်နိုင်ငံ၏ ယခုကူညီမည့် အစီအစဉ်မှာ မြန်မာနိုင်ငံ ကျေးလက်ဒေသများတွင် နေထိုင်သည့် ဒေသခံများ၏ မိုဘိုင်းဖုန်း၊ အင်တာနက် သတင်းအချက်အလက် သုံးစွဲမှုနှင့် အခြားနည်းပညာ ဝန်ဆောင်မှုများကို  ပိုမိုအသုံးပြုလာနိုင်စေရန်နှင့် ထိုဒေသများတွင် အချိန်အနည်းငယ်အတွင်း၌ ဆက်သွယ်ရေးစနစ်များ တိုးတက်လာရေးဖြစ်ကြောင်း သိရသည်။

ယခုလက်ရှိအချိန်တွင် ဂျပန်နိုင်ငံ၏ JTEC (Japan Telecommunications Engineering and Consulting) အဖွဲ့အစည်းမှ  မြန်မာနိုင်ငံ၏ ကျေးရွာအချို့တွင် e-Village စီမံကိန်းကို ပြည်တွင်းရှိ ပုဂ္ဂလိက ကွန်ပျူတာလုပ်ငန်းရှင်၊ ကွန်ပျူတာပညာရှင်အသင်းအဖွဲ့ အချို့နှင့် ချိတ်ဆက်လုပ်ကိုင် ဆောင်ရွက်ပေးနေကြောင်း သိရသည်။

မြန်မာနိုင်ငံ၏ အိုင်စီတီကဏ္ဍ ဖွံ့ဖြိုးတိုးတက်မှုကို ကူညီ ထောက်ပံ့မှုများပြုလုပ်ရန်အတွက် ဂျပန်နိုင်ငံမှ JTEC အပြင် JICA နှင့် Fuji Chimera Research Institute ကဲ့သို့သော အဖွဲ့အစည်းများသည် သက်ဆိုင်ရာ အစိုးရအဖွဲ့ဝင်များနှင့် ဆွေးနွေးညှိနှိုင်းမှုများကိုလည်း ပြုလုပ်ခဲ့ပြီးဖြစ်ကြောင်း အထက်ပါ ဝန်ကြီးဌာနမှ သိရသည်။

ဆက်သွယ်ရေး၊ သတင်းအချက်အလက်နှင့် နည်းပညာ ဝန်ကြီးဌာနအနေဖြင့် ဂျပန်နိုင်ငံ အစိုးရအဖွဲ့ဝင်အချို့နှင့် ပြီးခဲ့သည့် နှစ်လယ်ပိုင်းက တွေ့ဆုံပြီး မြန်မာနိုင်ငံ၏ ဆက်သွယ်ရေးနှင့် အိုင်စီတီကဏ္ဍကို အကူအညီပေးမည့် ရေရှည် စီမံကိန်းများနှင့် ပတ်သက်ပြီး သဘောတူညီချက်အချို့ထားရှိခဲ့ကြောင်း သိရသည်။