နိုင်ငံအတွင်း၌ MPT ဆင်းမ်ကတ် အသုံးပြုနေသူ အရေအတွက် ၁၆ သန်းရှိ

IMG_9359.jpg

မြန်မာ့ဆက်သွယ်ရေး လုပ်ငန်း (MPT) ၏ မိုဘိုင်း ဆင်းမ်ကတ်များကို အသုံးပြုနေသူ အရေအတွက်မှာ တစ်နိုင်ငံလုံး အတိုင်းအတာဖြင့် ၁၆ သန်းအထိ ရှိလာပြီ ဖြစ်ကြောင်း ဆက်သွယ်ရေး၊ သတင်းအချက်အလက်နှင့် နည်းပညာဝန်ကြီးဌာနမှ သတင်းရရှိသည်။

၂၀၁၅၊ သြဂုတ်လဆန်းပိုင်း တွင် တစ်နိုင်ငံလုံး၌ MPT ဆင်းမ်ကတ်ကို သုံးစွဲနေသူ စုစုပေါင်း ၁၄ သန်းခန့်ရှိခဲ့ရာမှ ရက်သတ္တ ပတ် ခုနစ်ပတ်အတွင်း ၂ သန်းနီးပါး တိုးတက်လာခဲ့ခြင်း ဖြစ်ကြောင်း သိရသည်။

MPT အနေဖြင့် တစ်လလျှင် ဆင်းမ်ကတ် အရေအတွက် ဆယ် သိန်းကို ဈေးကွက်အတွင်း ဖြန့်ချိပေးနေခြင်းဖြစ်ပြီး တစ်ဦးချင်း မိုဘိုင်းဖုန်းအသုံးပြုမှု တိုးတက် လာနေခြင်းကြောင့် ယခုကဲ့သို့ အ ချိန်ကာလအနည်းငယ်အတွင်း မိုဘိုင်းဖုန်းအသုံးပြုနှုန်း မြင့်တက်နေခြင်းဖြစ်ကြောင်း မြန်မာ့ဆက်သွယ်ရေးလုပ်ငန်းမှ တာဝန်ရှိသူ တစ်ဦးက ဆိုသည်။

ယခု လက်ရှိ ပြည်တွင်း၌ အသုံးပြုနေသော MPT ဆင်းမ်ကတ် ၁၆သန်းတွင် GSM, WCDMA, CDMA 800 MHz,  CDMA  450 MHz အမျိုးအစားများ  ဖြစ်ကြသည်။

ထို့အပြင် မိုဘိုင်းအင်တာနက် အသုံးပြုမှုသည်လည်း နေ့စဉ်မြင့် တက်လျက်ရှိပြီး တစ်ရက်လျှင် မိုဘိုင်းအင်တာနက် အချက်အလက်သုံးစွဲသည့် ပမာဏမှာ 1024 GB (44TB) ခန့် ရှိကြောင်း MPT မှ ဒုတိယ အထွေထွေ မန်နေဂျာ  ဦးခင်မောင်ထွန်းက ပြောသည်။

ယခုလက်ရှိအချိန်တွင် မြန်မာနိုင်ငံ၌ မိုဘိုင်းဆင်းမ်ကတ် အသုံးပြုနေမှု အရေအတွက်မှာ သန်း၃၀ ကျော်ရှိလာပြီ ဖြစ်ပြီး နိုင်ငံခြား ဆက်သွယ်ရေး ကုမ္ပဏီနှစ်ခု၏ ဆင်းမ်ကတ်များကို အသုံးပြုနေသူ အရေအတွက်မှာ စုစုပေါင်း ၁၄ သန်းကျော်ရှိလာပြီ ဖြစ်ကြောင်း သိရသည်။