ကယ်ဆယ်ရေးဌာနများတွင် Ytalk ဖြင့် အခမဲ့ ဖုန်းခေါ်ဆိုခြင်း မိသားစုများ အခြေတကျဖြစ်သည့်အထိ ရည်ရွယ

11224630_487992558033830_6211272761937869445_n.png

ကယ်ဆယ်ရေး ဌာနများတွင် Ytalk ဖြင့် အခမဲ့ ဖုန်းခေါ်ဆိုခြင်းကို မိသားစုများ အခြေတကျ ဖြစ်သည့်အထိ ရည်ရွယ်ထားကြောင်း VMG Telecom မှ မန်နေဂျင်းဒါရိုက်တာ မစမိုင်းလ်က ပြောသည်။

အခမဲ့ခေါ်ဆိုနိုင်သည့်နိုင်ငံ သတ်မှတ်မထားကြောင်း၊ နေရာအပေါ်မူတည်၍ ခေါ်ဆိုသည့်နိုင်ငံများ ကွာခြားသွားကြောင်း သိရသည်။

“ဘယ်နေရာတွေပေးလဲ ဆိုတော့ ကချင်ပြည်နယ်မှာ ဆိုရင် အမေရိကားကို ရောက်နေတဲ့သူများတယ်။ အဲ့ဒီတော့ ကချင်ပြည်နယ်ဆို အမေရိကားကို ဦးစားပေးပြီးလုပ်တယ်။ တချို့ ပုသိမ်နားနီးတဲ့နေရာတွေဆို မလေးရှားမှာ သွားအလုပ်လုပ်တာတွေ များတယ်။ အဲ့လိုမျိုးပေါ့။ အစ်မတို့ နိုင်ငံကို မသတ်မှတ်ထားဘူး ဆိုတာက သတ်မှတ်ထားရင် အဲ့ဒါ အလှူ မဟုတ်တော့ဘူး။ အဲ့ဒါကို မကန့်သတ်ဘဲနဲ့ ထားတာဖြစ်ပါတယ်” ဟု ပြောကြားသည်။

ကယ်ဆယ်ရေးစခန်း တစ်နေရာတွင် ဖုန်းလေးလုံးစီထားရှိကြောင်း၊ ယင်းကို အလှည့်ကျဆက်နိုင်မည် ဖြစ်ကြောင်း သိရသည်။

“ရေဘေးသင့်နေရာတွေမှာ ဖုန်းတွေ ထားပေးထားတယ်။ အဲဒီဖုန်းကနေပြီးတော့ နိုင်ငံခြားမှာရှိတဲ့ သူတို့ မိဘတွေ၊ ဆွေမျိုးတွေကို မိနစ်အကန့်အသတ်မရှိ ဆက်လို့ရမှာဖြစ်ပါတယ်။ ဖုန်းတွေကိုတော့ ကယ်ဆယ်ရေး စခန်းတွေမှာ ထားထားပေးတယ်” ဟု ဆက်လက်ပြောကြားသည်။

အများဆုံးအနေဖြင့် တစ်နာရီဆက်တိုက် ပြောနိုင်မည်ဖြစ်ကြောင်း၊ Donation ကာလကို အခြေတကျ ဖြစ်သွားသည်အထိ ရည်ရွယ်ကြောင်း ဆိုသည်။