အိုင်စီတီကဏ္ဍ၏ သက်ရောက်မှုများအား လေ့လာ ဆန်းစစ်ရာတွင် ထွက်ပေါ်လာသည့် အဓိက အကြောင်းအရာ ငါးရပ်ရá€

12001049_859042440876710_2750395481206864862_o.jpg

အိုင်စီတီကဏ္ဍ၏ သက်ရောက်မှုများအား လေ့လာဆန်းစစ်ရာတွင် ထွက်ပေါ်လာသည့် အဓိကအကြောင်းအရာ ငါးရပ်ရှိကြောင်း သတင်းထုတ်ပြန်ချက်အရ သိရသည်။

မြန်မာ့စီးပွားရေးကဏ္ဍ တာဝန်ယူမှုရှိရေး အထောက်အကူပြုဌာန (MCRB) ၊ ယူကေအခြေစိုက် Institute for Human Rights and Business (IHRB) နှင့် ဒိန်းမတ်အခြေစိုက် Danish Institute for Human Rights (DIHR) တို့ပူးပေါင်းပြီး မြန်မာ့သတင်းအချက်အလက်၊ ဆက်သွယ်ရေးနှင့် နည်းပညာကဏ္ဍ၏ သက်ရောက်မှုများ လေ့လာဆန်းစစ်ခြင်းကို ထုတ်ပြန်လိုက်ရာ အဆိုပါ ထုတ်ပြန်ချက်အရ သိရခြင်းဖြစ်သည်။

ယင်းငါးရပ်မှာ (၁) မူဒါဒ၊ ဥပဒေနှင့် စည်းမျဉ်းမူဘောင်များ၌ လစ်ဟာနေမှုများ၊ (၂) ရယူသုံးစွဲနိုင်မှု၊ (၃) အွန်လိုင်းရှိ ဒီဂျစ်တယ်အန္တရာယ်များ၊ (၄) အော့ဖ်လိုင်း လူ့အခွင့်အရေးဆိုင်ရာ ကိစ္စရပ်များ၊ (၅) လူမှုအသိုင်းအဝိုင်းတွင် မြင်သာသည့် ခွဲခြားခံရမှုများအား ဖြေရှင်းခြင်း (သို့) ပို၍ဆိုးဝါးလာစေခြင်းတို့ ဖြစ်သည်။

“အခုထုတ်ပြန်လိုက်တဲ့ အစီရင်ခံစာက ဖတ်ကြည့်ရုံတင်မဟုတ်ဘူး။ ပြန်ပြီးတော့ အကောင်အထည် ဖော်ဖို့အတွက်ကို ကျွန်မတို့ရည်ရွယ်ပါတယ်။ တတ်နိုင်သလောက်လည်း ကျယ်ကျယ်ပြန့်ပြန့် သိရှိသွားအောင်လုပ်ပါမယ်” ဟု MRCB မှ Regional Outreach Manager ဒေါ်ဝေဖြိုးမြင့်က ပြောသည်။

ပထမအချက်အား ဖော်ပြထားရာ၌ မြန်မာနိုင်ငံတွင် အိုင်စီတီကဏ္ဍမှ ထွက်ပေါ်လာနိုင်သည့် လူ့အခွင့်အရေးဆိုင်ရာ ချိုးဖောက်မှုအန္တရာယ် အများစု အတွက် ခေတ် ကာလနှင့် လျော်ညီသော ဥပဒေများ မရှိသေးကြောင်း၊ ခေတ်မီ ဥပဒေမူဘောင်များ လိုအပ်နေသည့် ကိစ္စရပ်များတွင် ဥပဒေနှင့်အညီ ကြားဖြတ်ရယူခြင်း၊ ကိုယ်ရေးကိုယ်တာ သတင်း အချက်အလက် လုံခြုံရေး၊ သတင်းအချက်အလက် ရယူအသုံးပြုနိုင်ခွင့်၊ အသိအမှတ်ပြု လက်မှတ် ထုတ်ပေးသည့် အဖွဲ့အစည်းများ၊ ဆိုက်ဘာလုံခြုံရေး၊ အချက်အလက် လုံခြုံရေးနှင့် ဆိုက်ဘာမှုခင်းများ စသည်တို့ပါဝင်ကြောင်း သိရသည်။ ဒုတိယအချက်၌ သတင်းအချက်အလက်များကို ရယူရာတွင် အထောက်အကူဖြစ်စေပြီး ရှာဖွေရ လွယ်ကူစေရန်အတွက် ယူနီကုတ် စနစ် စံသတ်မှတ်ခြင်းများနှင့် ဒေသသုံးဘာသာစကားများ ထည့်သွင်းနိုင်ရေးသည် အရေးကြီးသော အချက်ဖြစ်သည်ဟုလည်း ပါဝင်ကြောင်း တွေ့ရသည်။

တတိယအချက်မှာ ဒီဂျစ်တယ်အန္တရာယ်များဖြစ်ပြီး ကိုယ်ရေးကိုယ်တာ အချက်အလက် လုံခြုံရေးဆိုင်ရာ ကိစ္စရပ်များ၊ နည်းမျိုးစုံဖြင့် ဖြစ်ပွားနိုင်သော ဆိုက်ဘာမှုခင်းများ၊ အမုန်းစ ကားပြောဆိုခြင်း၊ အစိုးရ၏ အမိန့်ဖြင့် မိုဘိုင်းဆက်သွယ်ရေးနှင့် အင်တာနက်ကွန်ရက်များကို ဖြတ်တောက်ခြင်း၊ အချို့သော အင်တာနက်စာမျက်နှာများကို တားဆီးပိတ်ဆို့ခြင်းတို့ ပါဝင်ကြောင်း တွေ့ရသည်။

စတုတ္ထအချက်မှာ ဆက်သွယ်ရေးတာဝါတိုင်များ ဆောက်လုပ်ရန် မြေနေရာအသုံးပြုခွင့် ရရှိရန်အတွက် ကြုံတွေ့ရသည့် ရှုပ်ထွေးသော မြေယာဆိုင်ရာ ဥပဒေများနှင့် လုပ်ငန်းအဆင့်များ အစရှိသည်တို့ ပါဝင်ကြောင်း တွေ့ရသည်။

ပဉ္စမအချက်မှာ အိုင်စီတီအသုံးပြုမှုများသည် ကလေးသူငယ်များကဲ့သို့သော ထိခိုက်လွယ်သည့် အစုအဖွဲ့များ၏ အခွင့်အရေးအပေါ် ကောင်းကျိုးဆိုးကျိုးနှစ်ခုစလုံး အကျိုး သက်ရောက်နိုင်စွမ်း ရှိကြောင်း၊ အိုင်စီတီ ကဏ္ဍသည် မသန်စွမ်းသူများကဲ့သို့သော ထိခိုက်လွယ်သည့် အစုအဖွဲ့များအတွက် ယခင်က ယင်းတို့ခံစားခွင့်မရရှိခဲ့သည့် ဝင်ငွေတိုး အခွင့်အလမ်းများ သို့မဟုတ် လိုအပ်သည့် ဝန်ဆောင်မှုများ ရရှိစေခြင်းဖြင့် ပိုကောင်းမွန်သည့် အခြေအနေတစ်ရပ်ကို ဆောင်ကြဉ်းပေးနိုင်ကြောင်း စသည့်အချက်များ ပါဝင်သည်ကို တွေ့ရသည်။