၁၀ ဒေါ်လာဖြင့် 3GB data သုံးနိုင်မည့် Mi Mobile ကို Xiaomi မိတ်ဆက်

12043009_10153207281252825_1813865083708816188_n.jpg

Xiaomi သည် Mi Mobile ဟုခေါ်သော မိုဘိုင်းဝန်ဆောင်မှုတစ်ခုကို မိတ်ဆက်ကာ ဆက်သွယ်ရေးလုပ်ငန်းထဲသို့ ဝင်ရောက်မည့် ပထမဦးဆုံးခြေလှမ်းတစ်ရပ်ကို စတင်လိုက်သည်။

အဆိုပါ ဝန်ဆောင်မှုကို Xiaomi က MVNO ဟုခေါ်သော Mobile Virtual Network Operator အနေဖြင့် တရုတ်ဈေးကွက်တွင်သာ စတင်ဆောင်ရွက်မည် ဖြစ်ပြီး လစဉ်ကြေး ၅၉ ယွမ်ပေးသွင်းရုံဖြင့် 3GB data သုံးစွဲနိုင်မည် ဖြစ်သည်။

Xiaomi Mi Mobile ကို အစီအစဉ် နှစ်မျိုးဖြင့် စတင်မည်ဖြစ်ပြီး ပထမအစီအစဉ်မှာ China Unicom ၏ ကွန်ရက်ကို အသုံးပြုခြင်း ဖြစ်သည်။ စက်တင်ဘာ ၂၃ ရက်တွင် Mi.com ၌ စတင်ရောင်းချမည့် Mi Mobile သည် ဖုန်းခေါ်ဆိုခြင်း၊ message ပေးပို့ခြင်းနှင့် မိုဘိုင်းအချက်အလက် အသုံးပြုခြင်းတို့ကို prepaid အနေဖြင့် အသုံးပြုနိုင်မည် ဖြစ်သည်။ ဖုန်း တစ်မိနစ် ခေါ်ဆိုခြင်း၊ SMS တစ်စောင် ပေးပို့ခြင်းနှင့် 1MB data သုံးစွဲခြင်းတို့အတွက် ၀.၁၀ ယွမ် ကျသင့်မည် ဖြစ်သည်။

ဒုတိယအစီအစဉ်မှာ China Telecom ကွန်ရက်ကို အသုံးပြုခြင်း ဖြစ်သည်။ အလွန်နည်းပါးသည့် လစဉ်ကြေးဖြင့် သုံးနိုင်မည့် ၎င်းအစီအစဉ်တွင် 3GB data ဖြင့် သုံးစွဲနိုင်မည် ဖြစ်သည်။

အဆိုပါ ဒုတိယအစီအစဉ်ကို အောက်တိုဘာလမှ စတင်မည်ဟု သိရသည်။

Ref: GSMArena