မြန်မာနိုင်ငံကွန်ပျူတာအသင်းချုပ်မှ ITPEC စာမေးပွဲများ ကျင်းပမည်

DSC_0146.jpg

သတင်းအချက်အလက်နှင့် ဆက်သွယ်ရေး နည်းပညာဖွံ့ဖြိုး တိုးတက်ရေးအတွက် မြန်မာနိုင်ငံ ကွန်ပျူတာ အသင်းချုပ်မှကြီးမှူး၍  Information Technology Professionals  Examination  Council (ITPEC) အသိအမှတ်ပြုစာမေးပွဲကို ကျင်းပမည်ဖြစ်ကြောင်း သိရသည်။

Information Technology Passport  Examination (IT Passport) စာမေးပွဲသည် IT ဆိုင်ရာ အခြေခံ ဗဟုသုတရှိပြီး IT နှင့် သက်ဆိုင်သောလုပ်ငန်းတွင် တာဝန်ထမ်းဆောင်နေသူများအတွက် လည်းကောင်း၊ Fundamental Information  Technology  Engineer Examination (FE) စာမေးပွဲ သည် IT ဗဟုသုတ အခြေခံကျွမ်း ကျင်မှုရှိပြီးသူများ၊ Programmer များ၊ Program Design ရေးဆွဲသူများနှင့် Software Development လုပ်ငန်းများတွင် လုပ်ကိုင်နေသူများ အတွက် လည်းကောင်း၊  Applied Information Technology Engineer Examination (AP) စာမေးပွဲသည် IT ဗဟုသုတများနှင့် ကျွမ်းကျင်မှုများကို လက်တွေ့ နယ်ပယ်တွင် အသုံးချနိုင်စွမ်း (Apply) ရှိသူများ၊ အဆင့်မြင့် IT လူ့စွမ်းအားအရင်းအမြစ်အဖြစ် အသက်မွေးဝမ်းကျောင်း ပြုလိုသူများ အတွက်လည်းကောင်း၊ အလုပ်အကိုင် အခွင့်အလမ်း အတွက် ကျွမ်းကျင်မှု အသိအမှတ်ပြု အောင်လက်မှတ် ရရှိစေမည့် စာမေးပွဲအသီးသီး ဖြစ်ကြောင်း သိရသည်။

စာမေးပွဲများသို့ ကွန်ပျူတာ တက္ကသိုလ် ကျောင်းသား၊ ကျောင်းသူများ၊ နည်းပညာ တက္ကသိုလ် ကျောင်းသား၊ ကျောင်းသူများ၊ မြန်မာနိုင်ငံ ကွန်ပျူတာပညာရှင် အသင်းဝင်များနှင့် IT စိတ်ဝင်စားသည့် မည်သူမဆို ဝင်ရောက် ဖြေဆိုနိုင်မည်ဖြစ်သည်။

စာမေးပွဲ အမျိုးအစားများဖြစ်သည့် Information Technology Passport Examination(IP), Fundamental Information Technology Engineer Examination (FE), Applied Information Technology Engineer Examination (AP) စသည်တို့ကို အောက်တိုဘာလ ၂၅ ရက်တွင် MICT Park ၌ဖြေဆိုရမည်ဖြစ်ကြောင်း သိရသည်။

စာမေးပွဲဖြေဆိုလိုသူများအ နေဖြင့် အောက်တိုဘာလ၂၁ ရက် နောက်ဆုံးထား စာရင်းပေးသွင်း ရမည် ဖြစ်ကြောင်း သိရသည်။    MCPA Member များအနေဖြင့် ၅၀ ရာခိုင်နှုန်း Discount ခံစားခွင့်ရရှိမည် ဖြစ်သည်။

စာမေးပွဲနှင့်ပတ်သက်၍ အသေးစိတ်သိရှိလိုပါက မြန်မာနိုင်ငံ ကွန်ပျူတာအသင်းချုပ် (MCF) ဖုန်း-၀၁-၆၅၂၃၀၇၊ ၂၃၀၅၂၃၃ နှင့် မြန်မာနိုင်ငံ ကွန်ပျူတာပညာရှင် အသင်း (MCPA) ဖုန်း-၀၉-၇၃၀၈၈၃၀၀ သို့ ဆက်သွယ်စုံစမ်းနိုင်မည် ဖြစ်သည်။