Cyber Crime နှင့် ပတ်သက်သော ဥပဒေတစ်ခုကို ဆောင်ရွက်နေ

12019801_10205093111508527_3047474339919977945_n.jpg

Cyber Crime နှင့် ပတ်သက်သော ဥပဒေတစ်ခုကို အကောင်အထည် ဖော်နေကြောင်း ဆက်သွယ်ရေး ညွှန်ကြားမှု ဦးစီးဌာန (PTD) မှ ဒါရိုက်တာ ဦးသန်းထွန်းအောင်က ပြောသည်။

“အဲဒါကတော့ European Council (EC) လို့ ခေါ်ပါတယ်။ EC ကနေ ပြုစုထားတဲ့ ဥရောပ Cyber Crime Convention ဆိုတာ ရှိပါတယ်။ နိုင်ငံတော်တော် များများလည်း လုပ်နေတယ်။ အဲ့ဒီ Frame Work နဲ့အညီ ကျွန်တော်တို့ လုပ်နေပါတယ်” ဟု ပြောကြားသည်။

မေလ ၁ ရက်မှ စတင်ကာ ဝန်ကြီးရုံး (အမြဲတမ်း အတွင်းဝန်ရုံး) နှင့် ဆက်သွယ်ရေး ညွှန်ကြားမှု ဦစီးဌာန၊ သတင်းအချက်အလက် နည်းပညာနှင့် ဆိုက်ဘာ လုံခြုံရေး ဦးစီးဌာန၊ မြန်မာ့ ဆက်သွယ်ရေးလုပ်ငန်းနှင့် မြန်မာ့ စာတိုက်လုပ်ငန်းတို့ဖြင့် ပြင်ဆင်ပြောင်းလဲ ဖွဲ့စည်းခဲ့ပြီးဖြစ်ကြောင်း သိရသည်။

“ဦးစီးဌာနဆိုတာ အရင်တုန်းကတော့ ဆက်သွယ်ရေးညွှန်ကြားမှု ဦးစီးဌာန တစ်ခုပဲ ရှိတယ်၊ အခုကတော့ ဦးစီးဌာန အသစ်တစ်ခုနဲ့ ဖွဲ့စည်းထားပြီးတော့ Cyber လုံခြုံရေးလည်း မြင့်လာပြီ။ အဓိကတော့ သုံးနေတဲ့ user တွေကို Cyber ဆိုင်ရာကနေ ကာကွယ်ပေးဖို့ပါပဲ” ဟု ဦးသန်းထွန်းအောင်က ပြောသည်။

ပြောင်းလဲလာသော ဖွဲ့စည်းပုံအရ အမြဲတမ်း အတွင်းဝန်ရုံးတွင် ပါဝင်သော ဌာနခွဲ ငါးခုတို့ဖြင့် သက်ဆိုင်ရာ လုပ်ငန်းများကို စတင်ဆောင်ရွက်ရကြောင်း သတင်း ထုတ်ပြန်ခဲ့သည်။

ယင်းဌာနခွဲ ငါးခုတို့မှာ အုပ်ချုပ်ရေးနှင့် လူ့အရင်းအမြစ် စီမံခန့်ခွဲမှုဌာနခွဲ၊ မူဝါဒနှင့် ဥပဒေလုပ်ထုံးလုပ်နည်း စိစစ်ရေးနှင့် လုပ်ငန်းစစ်ဆေးရေးဌာနခွဲ၊ စီမံကိန်းနှင့် စာရင်းအင်း ဌာနခွဲ၊ ဝန်ကြီးဌာနတွင်း စာရင်းစစ်နှင့် ဘဏ္ဍာရေးဌာနခွဲ၊ ပြည်တွင်းပြည်ပ ဆက်ဆံရေးနှင့် သတင်းပြန်ကြားရေး ဌာနခွဲတို့ ဖြစ်ကြောင်း သိရသည်။