ဘရာဇီးလ်တွင် Windows Phone က iOS ထက် ပိုမိုရေပန်းစားနေ

11081005_10153179432382825_8167013047464438469_n.jpg

ဘရာဇီးလ်နိုင်ငံတွင် Windows Phone သုံးစွဲမှုသည် Apple ၏ iOS သုံးစွဲမှုထက် ပိုမိုရေပန်းစားလျက်ရှိကြောင်း Kantar Worldpanel ဈေးကွက်သုတေသနအဖွဲ့၏ အစီရင်ခံစာသစ်အရ သိရသည်။

ဘရာဇီးလ်၏ Windows Phone ဈေးကွက်ရှယ်ယာသည် ၂၀၁၄ ခုနှစ် စက်တင်ဘာလက ၃.၆ ရာခိုင်နှုန်း ရှိခဲ့ရာမှ ၂၀၁၅ ခုနှစ် ဇူလိုင်လတွင် ၅.၉ ရာခိုင်နှုန်းအထိ မြင့်တက်ခဲ့ကြောင်း Kantar မှ ဖော်ပြခဲ့သည်။ iOS ဈေးကွက်ရှယ်ယာသည် ၂၀၁၄ ခုနှစ် စက်တင်ဘာလက ၆.၁ ရာခိုင်နှုန်း ရှိခဲ့ရာမှ ၃.၅ ရာခိုင်နှုန်းအထိ ကျဆင်းသွားခဲ့သည်။ Android မှာ ဘရာဇီးလ်၏ စမတ်ဖုန်းရောင်းချမှုနှုန်းကို လွှမ်းမိုးထားပြီး ၂၀၁၅ ဇူလိုင်လတွင် ၈၉.၅ ရာခိုင်နှုန်းအထိ ရှိလာခဲ့သည်။

Microsoft ၏ ဘရာဇီးလ်နိုင်ငံအတွင်း စွမ်းဆောင်ရည်သည် အံ့အားသင့်စရာ မဟုတ်ပေ။ ယခုနှစ် ဧပြီလတွင် Windows Phone သည် ဘရာဇီးလ်၏ ရောင်းအားနှင့် ဈေးကွက်ရှယ်ယာတို့၌ iOS နှင့် တန်းတူယှဉ်ပြိုင်နိုင်ခဲ့ကြောင်း စတီဗင်အီလော့ပ်က ကြေညာခဲ့သည်။ ထို့နောက်တွင် Apple ၏ ဈေးကွက်ရှယ်ယာ ကျဆင်းလာခဲ့ပြီး Microsoft ၏ အောင်မြင်မှုက ပိုမိုပေါ်လွင်လာခဲ့သည်။

Apple ၏ ဘရာဇီးလ် ဈေးကွက်ရှယ်ယာ ကျဆင်းခြင်းမှာ နိုင်ငံ၏ ဘဏ္ဍာရေး ကျပ်တည်းမှု အကျိုးဆက်ကြောင့် ဖြစ်ဖွယ်ရှိသည်။ ဘရာဇီးလ်၏ ၂၀၁၅ ဒုတိယသုံးလပတ် စမတ်ဖုန်းရောင်းအားသည် လွန်ခဲ့တစ်နှစ်နှင့် နှိုင်းယှဉ်လျှင် ၁၂ ရာခိုင်နှုန်း ကျဆင်းခဲ့ကြောင်း IDC မှ ဖော်ပြခဲ့သည်။

Ref: PhoneArena