လူမှုရေးမီဒီယာက ရေပန်းအစားဆုံး အွန်လိုင်းအသုံးပြုမှု ဖြစ်လာကြောင်း စစ်တမ်းတစ်ခုဖော်ပြ

11904738_10153165099147825_1706231967061943900_n.jpg

လူမှုရေးမီဒီယာသည် ဖျော်ဖြေမှုကို ကျော်လွန်ကာ ယူကေ၏ လူကြိုက်အများဆုံး အွန်လိုင်းလှုပ်ရှားမှု ဖြစ်လာခဲ့ပြီး တစ်ရက်လျှင် ဝက်ဘ်ပေါ်၌ ကုန်ဆုံးသည့် ပျှမ်းမျှအချိန်မှာ ၂ နာရီနှင့် ၅၁ မိနစ်ဖြစ်ကြောင်း သိရသည်။

Reddit နှင့် Gawker Media ကဲ့သို့သော ဆိုက်များတွင် သုံးစွဲသည့်အချိန် အပါအဝင် လူမှုရေးမီဒီယာ သုံးစွဲမှုသည် စုစုပေါင်း အွန်လိုင်းသုံးစွဲချိန်၏ ၁၇ ရာခိုင်နှုန်းနီးပါးရှိပြီး ပြီးခဲ့သည့်နှစ်ထက် ၁၂.၂ ရာခိုင်နှုန်း မြင့်တက်လာခဲ့ကြောင်း Internet Advertising Bureau (IAB) အဖွဲ့မှ ကောက်ယူခဲ့သော သုတေသန စစ်တမ်းတွင် ဖော်ပြခဲ့သည်။

အဆိုပါ ကာလအပိုင်းအခြားတွင်ပင် တီဗီအစီအစဉ်များ ကြည့်ရှုခြင်း၊ YouTube ဗီဒီယိုများ ကြည့်ရှုခြင်းနှင့် သီချင်းနားထောင်ခြင်း ကဲ့သို့သော ဖျော်ဖြေမှုများကို အွန်လိုင်းမှသုံးစွဲသည့် အချိန်သည် ထက်ဝက်ခန့် ကျဆင်းခဲ့ပြီး ယခင်က ၂၂.၁ ရာခိုင်နှုန်းရှိရာမှ ယခုအခါတွင် ၁၂.၄ ရာခိုင်နှုန်းသာ ရှိခဲ့ကြောင်း ဆိုသည်။

၎င်းအပြောင်းအလဲသည် လူအများက ၎င်းတို့၏ မိုဘိုင်းထုတ်ကုန်များကို ပိုမိုသုံးစွဲလာကြခြင်းကြောင့် ဖြစ်ကြောင်း သိရသည်။ Desktop များမှ ဖျော်ဖြေမှုများအတွက် အွန်လုံးသုံးစွဲမှုအချိန်သည် ၁၈ ရာခိုင်နှုန်း ရှိသော်လည်း စမတ်ဖုန်းများနှင့် iPad ကဲ့သို့သော tablet များမှ သုံးစွဲမှုနှုန်းမှာ ၈ ရာခိုင်နှုန်းသာ ရှိခဲ့သည်။

မိုဘိုင်းထုတ်ကုန်များပေါ်တွင် လူမှုရေးမီဒီယာ သုံးစွဲမှုအချိန်သည် ၂၀ ရာခိုင်နှုန်းကျော်ရှိပြီး desktop များမှ သုံးစွဲမှုမှာ ၁၀ ရာခိုင်နှုန်းအောက်တွင်သာ ရှိသည်။

လက်ရှိတွင် သုံးစွဲသူများ၏ ကွန်ပျူတာများမှ အင်တာနက်သုံးစွဲမှုအချိန်သည် ၄၅ ရာခိုင်နှုန်းရှိပြီး မိုဘိုင်းပေါ်တွင် ၄၀ ရာခိုင်နှုန်း၊ tablet များတွင် ၁၅ ရာခိုင်နှုန်းရှိကြောင်း IAB အဖွဲ့မှ ပြောကြားခဲ့သည်။

ဂိမ်းများသည်လည်း မိုဘိုင်းထုတ်ကုန်များပေါ်တွင် ပိုမိုရေပန်းစားလာပြီး မိုဘိုင်းထုတ်ကုန်များပေါ်တွင် ဂိမ်းကစားသည့် အချိန်မှာ ၈.၆ ရာခိုင်နှုန်းရှိကာ desktop ပေါ်တွင် ၂.၃ ရာခိုင်နှုန်းသာရှိကြောင်း သိရသည်။

အဆိုပါ သုတေသနစစ်တမ်းကို UKOM နှင့် Comscore တို့မှ ဦးစီးဆောင်ရွက်မှု ပြုလုပ်ခဲ့ပြီး လူ ၇၃,၀၀၀ ဦး၏ ထုတ်ကုန်များ၌ ခြေရာခံဆော့ဖ်ဝဲကို ထည့်သွင်းကာ ဝက်ဘ်ဆိုက်နှင့် အွန်လိုင်းဝန်ဆောင်မှုများ သုံးစွဲမှု အချက်အလက်ကို ကောက်ယူခဲ့ခြင်း ဖြစ်သည်။

Ref: TheGuardian