မြန်မာနိုင်ငံ ကွန်ပျူတာပညာရှင်အသင်း အသိအမှတ်ပြု စာမေးပွဲကျင်းပမည်

မြန်မာနိုင်ငံကွန်ပျူတာပညာရှင်အသင်းမှ အသိအမှတ်ပြု Network စာမေးပွဲများကို ဒီဇင်ဘာလ ၁၄ ရက်တွင် ကျင်းပမည်ဖြစ်ပြီး မြန်မာနိုင်ငံကွန်ပျူတာပညာရှင် အသင်းနှင့် အသင်းခွဲများရှိရာ မန္တလေးတိုင်း၊ ဧရာဝတီတိုင်း၊ စစ်ကိုင်းတိုင်း၊ ရှမ်းပြည်နယ်၊ မွန်ပြည်နယ်၊ ပဲခူးတိုင်းနှင့် မကွေးတိုင်းတို့တွင် တစ်ပြိုင်နက် ကျင်းပစစ်ဆေးသွားမည်ဖြစ်ကြောင်း သိရသည်။

မြန်မာနိုင်ငံကွန်ပျူတာပညာရှင်အသင်း၏ စာမေးပွဲများမှာ အိုင်တီပညာရှင်များအဖြစ် အသက်မွေးဝမ်းကျောင်း ပြုလိုသော ကျောင်းသား၊ ကျောင်းသူများ၊ အသင်းဝင်များအတွက် အရည်အချင်းကို အသိအမှတ် ပြုခံနိုင်ရေးအတွက် ဦးတည်စစ်ဆေးသော စာမေးပွဲဖြစ်သည်။

အဆိုပါ စာမေးပွဲများသည် Professional နယ်ပယ်သို့ စတင်ဝင်ရောက်ရန်အတွက် အဓိကလိုအပ်သော အသိပညာများနှင့် ကျွမ်းကျင်မှုများကို ဦးတည်စစ်ဆေးသော စာမေးပွဲဖြစ်သည်နှင့်အညီ စာမေးပွဲ အောင် မြင်သူများသည် ပညာရှင်နယ်ပယ်တွင် စတင်လုပ်ကိုင်သည့် အခြေအနေသို့ ရောက်မည်ဖြစ်ကြောင်း သိရသည်။

Network Associate Examination (NA), Network Professional Examination (NP) များကိုစစ်ဆေး ပေးသွားမည်ဖြစ်ပြီး ဒီဇင်ဘာလ ၁၄ ရက် နံနက် ၉ နာရီမှ နေ့လယ် ၁၂ နာရီအထိ ကျင်းပပြုလုပ် မည်ဖြစ်သည်။ ဖြေဆိုလိုသူများအနေဖြင့် ဒီဇင်ဘာလ ၁၀ ရက် နောက်ဆုံးထား စာရင်းပေးသွင်းရမည်ဖြစ်ပြီး စာမေးပွဲကြေးများအနေဖြင့် ၅,ဝဝဝ ကျပ် (Network Associate Examination)၊ ၁၀,၀၀၀ ကျပ် (Network Professional Examination) ပေးသွင်းရမည်ဖြစ်သည်။ MCPA အသင်းဝင်များအား ၁ဝ ရာခိုင်နှုန်း Discount ပေးမည်ဖြစ်ပြီး Conference Hall, MICT Park, လှိုင်တက္ကသိုလ်နယ်မြေ၊ ရန်ကုန်တွင်ဖြေဆိုရမည်ဖြစ်သည်။