OPPO Mirror 5 အား အဖြူ၊ အပြာ အရောင်နှစ်မျိုးဖြင့် ဝယ်ယူနိုင်မည်

11947756_10205433396854210_8213210962367505776_o.jpg

OPPO မှ အသစ်ထပ်မံ ထုတ်လုပ်လိုက်သည့် Mirrow 5 စမတ်ဖုန်းအား အဖြူ၊ အပြာ အရောင်နှစ်မျိုးဖြင့် ဝယ်ယူနိုင်မည်ဖြစ်ပြီး အဆိုပါစမတ်ဖုန်းကို ၂ဝ၁၅ ခုနှစ် စက်တင်ဘာလဆန်းတွင် ပြည်တွင်း၌ စတင် ဝယ်ယူနိုင်မည်ဖြစ်ကြောင်း သိရသည်။

“ဖုန်းကတော့ စက်တင်ဘာ လဆန်းလောက်ဆို ပြည်တွင်းကို ရောက်ပါပြီ။ ရောင်းချမဲ့ ဈေးနှုန်းကတော့ ၂၇၉,ဝဝဝ ကျပ် ဝန်းကျင်ပါ။ သူ့ရဲ့ထူးခြားချက်က ဒီဇိုင်းပိုင်းမှာ ဆိုရင် ကျောဘက်ကာဗာက စိန်ပုံသဏာန်မျိုး ဖန်တီးထားတာပါ။ ကာဗာကပေါ်မှာ ပါဝင်တဲ့ စိန်အကွက်ဒီဇိုင်းက တကယ့်စိန်ရဲ့ အကွက်လိုမျိုး ရောင်ပြန်တဲ့ ခံစားမှုမျိုးကို ပေးစွမ်းမှာဖြစ်ပါတယ်” ဟု OPPO Myanmar မှ တာဝန်ရှိသူတစ်ဦးက ရှင်းပြသည်။

Mirror 5 စမတ်ဖုန်းအား စိန်ပွင့်ပုံစံ ထူးခြားသော မျက်နှာပြင်နည်းပညာဖြင့် ဖန်တီးထားပြီး စိန်ပွင့်ပုံစံ မျက်နှာပြင်နှင့်အတူ သတ္ထုနှစ်မျိုးစပ် ကိုယ်ထည်နှင့် Cross beam များဖြင့် တည်ဆောက်ထားသောကြောင့် အကြမ်းခံနိုင်မည် ဖြစ်သည်။ GSM Dual SIM အမျိုးအစား ဖုန်းဖြစ်ပြီး မြင်ကွင်းအရွယ်အစား ၅ လက်မ ရှိမည်ဖြစ်သည်။