ယူကေ၌ “darling” ဟူသော အကြင်နာစကားကို ပြောပုံပြောနည်းများ

Ways-of-saying-darling-in-the-UK_SMT_Britishcouncil.orgblog_Lessson_2015Aug13.jpg

သင့်ဘာသာစကားမှာ“ darling” ဆိုတဲ့စကားလုံးကို ဘယ်လိုပြောပါသလဲ။ British English မှာရှိတဲ့ ၎င်း၏မူကွဲအမျိုးမျိုးကို Ellie Buchdahl က သုံးသပ်ထားပါတယ်။ ပိတ်၊ သိုးမွေး အစရှိတဲ့အထည်အပိုင်းအစလေးတွေနဲ့ ပြုလုပ်ထားတဲ့ စပ်စောင် (rag-rug) လိုပဲ အင်္ဂလိပ်စကားကလည်း တခြားဘာသာစကားတွေရဲ့ စကားလုံး အတိုအထွာလေးတွေနဲ့ စုပေါင်းထားတာ ဖြစ်ပါတယ်။ ၎င်းသည် စနစ်ကျသောအစီအစဉ်မရှိ၊ သေသပ်မှုမရှိတဲ့ အပြင် သဒ္ဒါကလည်း လိမ်လိုက်ကောက်လိုက်နဲ့ သူ့ဘာသာသူ အထုံးတွေပြန်ဖွဲ့နေတယ်လေ။ ဒါပေမဲ့လည်း အင်္ဂလိပ်စကားမှာ တခြားဘာသာ စကားတိုင်းရဲ့ စိတ်ဝင်စားစရာကောင်းတဲ့ စကားလုံးအ စအနလေးတွေနဲ့ ပြွတ်သိပ်နေပါတယ်။ ဒါကြောင့်လည်း ၎င်းဟာထူးထူးခြားခြားလှပပြီး လုံးလုံးလျားလျား လက်တွေ့အသုံးကျနေတဲ့ ဘာသာစကားဖြစ်တာပေါ့။

“darling” ဆိုတဲ့စကားလုံးကိုပဲ နမူနာကြည့်ကြစို့။

University of Glasgow မှာ Historical Thesaurus အရဆိုရင် darling ရဲ့မူကွဲပေါင်း ၁၀၃ လုံးရှိပါတယ်။ အဲဒီ ၁၀၃ လုံးထဲမှာတော့ “bagpudding” (ငပျော့) ကစလို့“ heart-root ” (အသည်းလေး) နှင့် “pomewater of my eye” (အသည်းကျော်လေး) အစရှိသောစကားလုံးများ ပါဝင်ပါတယ်။  တကယ်တော့လည်းယဉ်ကျေးမှုပေါင်းစုံရှိ လူတွေ နေထိုင်ပြီး နေ့စဉ်နဲ့အမျှ ယောက်ယက်ခတ်ပြီး အလုပ်ရှုပ်နေတဲ့ ယူကေမှာတော့ “darling” စကားလုံးမူကွဲစာရင်းက ဒီထက်ပိုရှည်တာပေါ့။ အကြောင်းကတော့ ကမ္ဘာအရပ်ရပ်မှ ယုံကြည်မှုနဲ့ နောက်ခံအမျိုးမျိုး ရှိတဲ့လူတွေက သူတို့ရဲ့နေ့စဉ်ဘ၀မှာ ဒီအကြင်နာစကားတွေကို ဖောဖောသီသီနဲ့ လွတ်လပ်ပေါ့ပါးစွာသုံးနှုန်းနေလို့ပါပဲ။

“darling” တစ်လုံးကိုပြောတိုင်း အဲဒီလူဟာ ဘယ်လိုလူမျိုးလဲ၊ ယူကေရဲ့ဘယ်အရပ်မှာနေတာလဲ၊ သူရဲ့ယဉ်ကျေးမှုနောက်ခံကဘာလဲဆိုတာတွေ အပြင် ဒီ “darling” လို့အခေါ်ခံရတဲ့သူနဲ့ ခေါ်လိုက်တဲ့ သူတို့ကြားမှာရှိတဲ့ ဆက်ဆံရေးအခြေအနေပါ တွေ့မြင်နိုင်ပါတယ်။ ဒီနေ့ darlings တွေရဲ့အကြောင်းကို British English နည်းအရ ခရေစေ့တွင်းကျ လေ့လာကြည့်ကြပါစို့။

ဖော်ရွေမှုပြ darling (Friendly darling)

Sweetie, love, hun, darl

ယူကေရဲ့တချို့အရပ်တွေမှာ Love၊ chuck နဲ့ duck ဆိုတဲ့ ဂုဏ်ပုဒ်တွေကို အချစ်ဆုံးသူငယ်ချင်းက အစ ဘတ်စ်ကားမောင်းတဲ့သူ အထိ တွေ့တဲ့ သူတိုင်းကို ခေါ်သော အသုံးအနှုန်းဖြစ်ပါတယ်။

ထို့အတူပဲ တောင်ပိုင်းစကားပြောသူတွေကြားမှာတော့ “sweetie” နဲ့ “hun” အစရှိတဲ့အသုံးအနှုန်းကို နေရာတိုင်းမှာကြားရပါတယ်။ (အ ထက်တန်းစားနဲ့ အလယ်တန်းစား လူတွေရဲ့ ပုံသေကားကျပုံစံဖြစ်ပါတယ်။) hen ကိုတော့ လှောင်အိမ်တစ်ခုအတွင်းမှာတွေ့ရတဲ့ အမွေးပါတဲ့ ကြက်ကိုခေါ်သလောက်ကို လူတွေကိုလည်း  ချစ်စနိုးခေါ်တဲ့ စကားလုံး အဖြစ် အသုံးပြုပါတယ်။

သတိပြုရန်။ အစဉ်အလာအားဖြင့် “love”၊ “sweetie” ဆိုတဲ့စကားလုံးတွေဟာ အမျိုးသားတွေသုံးတဲ့အခေါ်အဝေါ်မဟုတ်ပါ။ အရွယ်ရောက်ပြီးအမျိုးသားတစ်ယောက်က ကလေးငယ်တစ်ဦး (သို့) အမျိုးသမီးတစ်ဦးကို “love” လို့ခေါ်ကောင်းခေါ်ပေမယ့်လည်း ပိုပြီးယောက်ျားဆန်တဲ့ အသုံးအနှုန်းကို ပိုနှစ်သက်မှာဖြစ်ပါတယ်။ ဒီအတွက်လည်း အင်္ဂလိပ်စာမှာ – pal၊ mate၊ chum၊ cocky၊ bro၊ dude- အစရှိတဲ့ အခေါ်အဝေါ်တွေ အများကြီးရှိပါတယ်။

ဖော်ရွေမှုထက် အနည်းငယ်ပိုသော darling

အရင်ကကိုယ့်အတွက်ခင်မင်ရတဲ့သူငယ်ချင်းသက်သက်ဖြစ်ခဲ့တဲ့ သူတစ်ယောက်အပေါ် သဘောထားပြောင်းသွားပြီး အမြင်တစ်မျိုးနဲ့ မြင်ရင်ဘာဖြစ်မလဲ။ ဘယ်လိုခေါ်မလဲ။ အင်္ဂလိပ်စာမှာ အထူးသဖြင့် ဗြိတိသျှ အင်္ဂလိပ်စကားမှာတော့ တစ်စုံတစ်ယောက်ကိုအရူးအမူး စွဲလမ်းကြောင်း (have a crush)၊ ကြိုက်ကြောင်း (fancy)၊ သဘောကျ (like) ကြောင်းတွေကို a bit of a crush, to fancy someone, to kind of like someone, to like someone in that way…စသည်တို့ဖြင့် တခြား တစ်ယောက်ကိုရှင်းပြနိုင်ပါတယ်။

ဒီ “darling” ကဲ့သို့သော အခေါ်အဝေါ်တွေနဲ့ ကိုယ်ချစ်ခင်စွဲလမ်းနေတဲ့ သူကိုတော့ ခေါ်လို့မဖြစ်ပါဘူး။ အရင်ကခေါ်ခဲ့ရင်တောင်မှ  အခုသွားခေါ်ရင် ရှုပ်ကုန်ပါလိမ့်မယ်။ အကယ်၍ သင့်ရဲ့ထာဝရအချစ်တွေကို ဖွင့်ဟ၀န်ခံတဲ့အခါ ကျရင်တော့ ခြွင်းချက်သဘောဆောင်သော (conditionals) နဲ့ ဆန္ဒကိုဖော်ပြသော (subjunctives) ကြိယာများ ပါဝင်သော စကားများကိုသုံးရပါမယ်။

ဥပမာ –

So ….

I think ….

I might possibly have started ….

May be we should ….

Do you think ….

Just like ….

Any way ….so?

ကြုံရာလူစိမ်းများအတွက် darling

Beautiful, handsome, sexy…….

တစ်စုံတစ်ယောက်ရဲ့ ပုံပန်းသဏ္ဌာန် (သို့) ကိုယ်လုံးကိုယ်ထည်နဲ့ ပတ်သက်လို့ရည်ရွယ်ပြီးပြောဆိုတာက ရဲတင်းပြီးရိုင်းစိုင်းလှပါတယ်။ အဲဒီအတိုင်းပဲ love နဲ့ဆိုင်တဲ့ အခေါ်အဝေါ်တွေကို မိန်းကလေး (နဲ့ ယောကျာ်းလေး) တွေကို “ကျူ” တဲ့အခါ ညစ်ပတ်ပြီးမှောင်မည်းသော နိုက်ကလပ်များနှင့် online-dating forum ကဲ့သို့သောနေရာများအ တွက် သီးသန့်ဖယ်ထားရပါမယ်။ တီထွင်ထားတဲ့ chat-up line (ကျူတဲ့စကားလုံး) တွေနဲ့ပတ်သက်လာရင် အင်္ဂလိပ်စကားဟာ အသုံးဝင်တဲ့ အမှီအငြမ်းတစ်ခုဖြစ်ပါတယ်။ သံတူကြောင်းကွဲစကားလုံးဖြင့် အဓိပ္ပာယ် နှစ်ခွရပြီး ဟာသမြောက်သောစကားလုံးကို ရွေးချယ်လိုက်တဲ့အတွက် မဖွယ်မရာအကြောင်းအရာသည် ပိုပြီး မဖွယ်မရာဖြစ်လာပါတယ်။ အင်္ဂလိပ်စကားကလည်း သံတူကြောင်းကွဲများ၊ အဓိပ္ပာယ်တူစကားလုံးများကို လိုသလိုဖန်တီးပြောဆိုနိုင်ရန်အတွက် အသုံးတည့်အောင်စီစဉ် ထားတာမဟုတ်ပါလား။

ဥပမာ –

“Do you have any raisins (စပျစ်သီးခြောက်)? How about a date (စွန်ပလွန်သီး/ချိန်းတွေ့ခြင်း) then?”

“Are you Jamaican? Because Jer-making (You’re-making) me crazy!”

ဆယ်ကျော်သက်အရွယ်အတွက် darling

Baby, babes, lover, honey, snookums, lamb chop, cutie-pie, sweetiekins.

ဆယ်ကျော်သက်တွေက သူတို့ချစ်ခင်တဲ့သူကိုခေါ်တဲ့ အခေါ်အဝေါ်တွေအပေါ် အချိန်ကြာကြာအကုန်မခံတာ အကောင်းဆုံးပါပဲ။ ဘာကြောင့်လဲဆိုတော့ စကားအဖြစ်ပြော ရရင် သူတို့ရဲ့စကားလုံးတွေဟာ သွားတွေပိုးစားသွားလောက်တဲ့အထိ ခြွင်းချက်မရှိ ချိုလွန်းလို့ပါပဲ။ ပြောင်းဖူးပေါက်ပေါက်၊ တကျွတ်ကျွတ်ဝါးသံက ရုပ်ရှင်ရုံနောက်တန်း ထိုင်ခုံတွေမှာ ကောင်းပေမယ့် အသက်ကလေးရလာတော့ ဘ၀ဟာလက်တွေ့ပိုကျလာပါတယ်။

ဇနီး/ခင်ပွန်းနှင့် နှစ်ရှည် ဆက်ဆံရေးများ အတွက် darling Dear

ဆယ်စုနှစ်နှစ်စုလောက် ကုန်လွန်ခဲ့ပြီး သားသမီး ၂ ယောက် ၃ ယောက်လောက်ရလာတဲ့ အခါမှာတော့ ၁၀၃ လုံးရှိသောအကြင်နာ စကားလုံးတွေဟာ များလွန်းတယ်လို့ ထင်လာရပါတယ်။ စုံတွဲအများစု ကတော့ ပုံမှန် “darling” အပြင် “dear” နှင့် “love” တို့ကိုပဲအသုံးပြုပါတော့တယ်။ အိမ်ထောင်သက်ရဲ့နှစ် ၆၀ မင်္ဂလာနှစ်ပတ်လည် ရောက်လာတဲ့ အခါမှာတော့ ဗြိတိသျှဇနီးမောင်နှံအများစုကတော့ နံနက်စာ (breakfast) စာရင်းနဲ့ တစ်ဦးနဲ့တစ်ဦး လည်ချောင်းသံခပ်အုပ်အုပ်နဲ့ တစ်လုံးနှစ်လုံးစ ပြောရင်းနဲ့ပဲ ကျေနပ်နေကြပါတော့တယ်။

ကလေးများအတွက် darling

အသက်အရွယ်ရလာတာနဲ့အမျှ ဗြိတိသျှ အင်္ဂလိပ်စကားပြောသူတွေဟာ အချင်းချင်းအတွက် အကြင်နာစကားတွေတီထွင်မှုမှာ စိတ်ဝင်စားမှုတွေ လျော့နည်းသွားပေမယ့် အဲဒီအစား ကလေးတွေအတွက် အကြင်နာစကားလုံးတွေကို ဖန်တီးကြပါတယ်။

ယူကေတောင်ပိုင်းမှာတော့ “my lamb” ဆိုတဲ့စကားလုံးကိုကြားရမှာဖြစ်ပြီး မြောက်ပိုင်းမှာ “chuck”၊ Scotland မှာ “brairnie” (Scots လူမျိုးတွေအတွက် bairn က ကလေးလို့အဓိပ္ပာယ်ရပါတယ်) နှင့် Ireland မှာတော့ “mhuirnin (သို့) “stoirin” ဆိုတဲ့အခေါ်အဝေါ်တွေကိုကြားရမှာဖြစ်ပါတယ်။

ယူကေမှာနေပြီး Jamaican နောက်ခံရှိတဲ့သူတွေကတော့ “pikaninny” ဆိုတဲ့အခေါ်အဝေါ်သုံးကြမှာဖြစ်သလို Hindi ဘာသာစကားပြောသူများ ကတော့”jaan” လို့သုံးကြပါတယ်။

တချို့အခေါ်အဝေါ်တွေကတော့ “my cabbage”, my cinnamon နဲ့ “poopie” လို့တောင်မှ သုံးကြပါတယ်။ သင့်အတွက်ရော နောက်Valentine’s Day မှာ ဘယ်သူက သင့်ရဲ့ darling  ဖြစ်လာမှာလဲ?

Britishcouncil.org/blog မှ Ellie Buchdahl ရဲ့ Ways of saying ‘darling’ in the UK ကို ကိုးကားဘာသာပြန်ထားပါတယ်။