သိန်းပေါင်း နှစ်ထောင်နီးပါးကို ရက်ပိုင်းအတွင်း SMS မှ တစ်ဆင့်ရရှိ

11141329_701864533247629_7968319952136134485_n.jpg

ယခုလ ၇ ရက်မှစတင်၍ SMS မှတစ်ဆင့် အလှူငွေများ ကောက်ခံခဲ့သည့် မြန်မာဆက်သွယ်ရေးလုပ်ငန်းသည် ရက်ပိုင်းအတွင်း သိန်းပေါင်း နှစ်ထောင်နီးပါးကို SMS မှတစ်ဆင့် လက်ခံရရှိခဲ့သည်ဟု သတင်းထုတ်ပြန်ခဲ့သည်။

SMS ဖြင့် တစ်ကြိမ်ငွေလှူဒါန်းလျှင် ၅၀၀ ကျပ်ဖြစ်ပြီး စတင်အလှူခံခဲ့သည့် နေ့မှစ၍ လေးရက်မြောက်နေ့ သြဂုတ်လ ၁၀ ရက် စာရင်းဇယားအရ အလှူငွေ ကျပ်သိန်းပေါင်း ၁၈၅,၅၇၄,၅၀၀ ရရှိခဲ့သည်ဟု မြန်မာဆက်သွယ်ရေး လုပ်ငန်းက ကြေညာခဲ့ခြင်း ဖြစ်သည်။

အသုံးပြုသူအရေအတွက် ၁၃ သန်းဝန်းကျင်ကို ပိုင်ဆိုင်ထားသည့် မြန်မာ့ဆက်သွယ်ရေးလုပ်ငန်းသည် ၎င်းတို့၏ SMS စနစ်ကို ရေဘေးအလှူအတွက် အခမဲ့ SMS ပေးပို့၍ လက်ကျန်ဘီလ်မှ ၅၀၀ ကျပ် လှူဒါန်းခြင်းကို အကောင်အထည်ဖော် ဆောင်ရွက်ခဲ့ခြင်း ဖြစ်သည်။

အလားတူ အသုံးပြုသူ အရေအတွက် ၉.၅ သန်းကို ပိုင်ဆိုင်ထားသည့် Telenor သည်လည်း SMS ဖြင့် တစ်ကြိမ်လျှင် ၅၀၀ ကျပ် ငွေလှူဒါန်းနိုင်သည့် အစီအစဉ်ကို စတင်ခဲ့သည်။ အဆိုပါအလှူကဲ့သို့ SMS ဖြင့် ငွေလှူဒါန်းသည့် အစီစဉ်မှ ရရှိလာသည့် ငွေပမာဏကိုမူ Telenor က ထုတ်ပြန်ထားခြင်းမရှိသေးပေ။

ဆက်သွယ်ရေးအော်ပရေတာ တစ်ခုဖြစ်သော Ooredoo သည် ငွေပမာဏ သတ်မှတ်ထားခြင်း မရှိသော အလှူကို ပြုလုပ်နိုင်ရန် SMS Channel ကို ဖွင့်လှစ်ထားသော် လည်း ၎င်းတို့ ပိုင်ဆိုင်သော အသုံးပြုသူနှင့် SMS အလှူမှ ရရှိလာသော အလှူငွေများကို ထုတ်ပြန်ထားခြင်းမရှိပေ။

Ooredoo သည် 4548 ဟူသော SMS Channel ကို ဖွင့်လှစ်ထားခြင်းဖြစ်ပြီး အဆိုပါ SMS Channel မှတစ်ဆင့် ပမာဏသတ်မှတ်ထားခြင်းမရှိသော လက်ကျန်ဘီလ်ကို လှူဒါန်းနိုင်ရန် စီစဉ်ထားခြင်းဖြစ်ကာ အသုံးပြုသူများမှ လှူဒါန်းသည့် ငွေပမာဏအလိုက် ၎င်းတို့မှလည်း လိုက်လံလှူဒါန်းမည်ဟု ကြေညာထားသည်။

မြန်မာ့ဆက်သွယ်ရေးလုပ်ငန်းနှင့် Telenor တို့သည် 2001 ဟူသော SMS Channel ကိုဖွင့်လှစ်ထားခြင်းဖြစ်ပြီး Text နေရာ၌ 500 ဟူ၍ ဖြည့်သွင်းကာ အကြိမ်ပမာဏ သတ်မှတ်ခြင်းမရှိဘဲ SMS ပေးပို့ခ အခမဲ့အနေဖြင့် ငွေကြေးလှူဒါန်းနိုင်ရန် စီစဉ်ထားခြင်းဖြစ်သည်။