ပြည်တွင်းအိုင်စီတီနယ်ပယ်သို့ ဝင်ရောက်ရန် မလေးရှားနည်းပညာ ကုမ္ပဏီတစ်ခု လာရောက်လေ့လာ

11800625_867447316674526_8086001175143399125_n.jpg

မလေးရှား နည်းပညာကုမ္ပဏီ တစ်ခုဖြစ်သော SKALI Group Enterprise Web ကုမ္ပဏီမှ ကိုယ်စားလှယ် အဖွဲ့သည် ပြည်တွင်း အိုင်စီတီ နယ်ပယ်သို့ ဝင်ရောက်ရန် အတွက် လာရောက် လေ့လာမှုများ ပြုလုပ်နေသည်ဟု မြန်မာနိုင်ငံ ကွန်ပျူတာလုပ်ငန်းရှင်အသင်းမှ သိရသည်။

SKALI Group Enterprise Web ကုမ္ပဏီသည် Malaysian External Trade Development Corporation(MATRADE) အဖွဲ့အစည်း၏ အဖွဲ့ဝင်ကုမ္ပဏီ တစ်ခုဖြစ်ပြီး မြန်မာနိုင်ငံ၌ နည်းပညာ ဆိုင်ရာ လုပ်ငန်းများ ဝင်ရောက်လုပ်ကိုင်နိုင်ရန် မြန်မာနိုင်ငံ ကွန်ပျူတာလုပ်ငန်းရှင်အသင်းနှင့် ချိတ်ဆက်၍ လေ့လာနေခြင်း ဖြစ်သည်။

SKALI Group Enterprise Web ကုမ္ပဏီသည် Data Center လုပ်ငန်းနှင့် Application ဝန်ဆောင်မှု လုပ်ငန်းများကို အဓိကထား လုပ်ကိုင်နေသည့် နည်းပညာ ကုမ္ပဏီဖြစ်ပြီး မလေးရှားနိုင်ငံ အတွင်း အစိုးရလုပ်ငန်းများကို ၇၀ ရာခိုင်နှုန်း ဝန်ဆောင်မှုပေးအပ်နေပြီး အများပြည်သူကို ၃၀ ရာခိုင်နှုန်း ဝန်ဆောင်မှုပေးအပ်နေကြောင်း သိရသည်။

“အဓိကကတော့ သူတို့တွေအနေနဲ့ Partner လာရှာတာပဲ။ နိုင်ငံတကာမှာသုံးတဲ့ Open Source Software တစ်ခုကိုလည်း ဒီနိုင်ငံမှာ မိတ်ဆက်ချင်ကြတယ်။ သူတို့တွေ ဒီနိုင်ငံထဲမှာ အလုပ် လုပ်ဖြစ်ကြဖို့ များပါတယ်။ သူတို့ကိုလည်း ဒီကပွဲတွေကို ဖိတ်ထားသေးတယ်” ဟု မြန်မာနိုင်ငံ ကွန်ပျူတာလုပ်ငန်းရှင်အသင်းမှ တာဝန်ရှိသူ တစ်ဦးက ပြောသည်။

မြန်မာနိုင်ငံ၏ အိုင်စီတီအခန်းကဏ္ဍသည် နှစ်အနည်းငယ်အတွင်း တိုးတက်ပြောင်းလဲလာသည့်အတွက် နိုင်ငံတကာမှ နည်းပညာကုမဏီများ၏ စိတ်ဝင်စားမှုရရှိလာခဲ့ပြီး မကြာခဏ လာရောက်လေ့လာမှုများ ရှိသည်ဟုလည်း မြန်မာနိုင်ငံ ကွန်ပျူတာအသင်းအချုပ်မှ တာဝန်ရှိသူတို့က ဆိုသည်။

လက်ရှိအချိန်၌ မြန်မာနိုင်ငံတွင် ဆက်သွယ်ရေးလုပ်ငန်းလိုင်စင်များ ချထားပေးနေခြင်း၊ အိုင်စီတီစီးတီးဟုသော စီမံကိန်းကို အကောင်အထည်ဖော်ဆောင်နေခြင်း စသည့် လုပ်ငန်းစဉ်များ လုပ်ကိုင်နေခြင်းသည် နိုင်ငံတကာရှိ နည်းပညာကုမ္ပဏီများကို စိတ်ဝင်စားမှု ပိုမိုရရှိစေသည်ဟု သိရသည်။