မြေပြိုမှုများကြောင့် ဖိုက်ဘာ ဆက်ကြောင်းများ ချို့ယွင်း

IMG_4341.jpg

မိုးသည်းထန်စွာ ရွာသွန်းခြင်းနှင့် မြေပြို ရေကြီးခြင်းများကြောင့် တနင်္သာရီတိုင်းဒေသကြီး အတွင်း ဖိုက်ဘာဆက်ကြောင်းများ ချို့ယွင်းမှုဖြစ်ပွားခဲ့သည်ဟု ဆက်သွယ်ရေး အော်ပရေတာ တစ်ခုဖြစ်သည့် Telenor Myanmar မှ သတင်းထုတ်ပြန်ခဲ့သည်။

ဖိုက်ဘာဆက်ကြောင်း ချို့ယွင်းခြင်းကြောင့် တနင်္သာရီတိုင်းဒေသကြီး အတွင်း ဖုန်းခေါ်ဆိုခြင်းနှင့် အင်တာနက် အသုံးပြုခြင်းများ ပြုလုပ်နိုင်မည် မဟုတ်ကြောင်းနှင့် ဖိုက်ဘာ ဆက်ကြောင်းများ မူလအတိုင်း အမြန်ဆုံး ကောင်းမွန်လာစေရန် ပြင်ဆင်မှုများ ပြုလုပ်နေပြီဖြစ်ကြောင်း သိရသည်။

အလားတူ မြန်မာ့ဆက်သွယ်ရေး လုပ်ငန်းသည်လည်း စစ်ကိုင်းတိုင်းဒေသကြီး၊ မကွေးတိုင်းဒေသကြီး၊ ပဲခူးတိုင်းဒေသကြီး (အနောက်) တို့၌ ရေကြီးမှုများကြောင့် ကြုံတွေ့ခဲ့ရသည့် ဆက်သွယ်ရေး ဆိုင်ရာ အခြေခံ တည်ဆောက်မှုတို့ကို ပြန်လည် ပြင်ဆင်ခြင်း လုပ်ငန်းများ လုပ်ကိုင်နေသည်ဟု သိရသည်။

စစ်ကိုင်းတိုင်းဒေသကြီးနှင့် ကချင်ပြည်နယ်တို့တွင်လည်း မကြာသေးခင် ဆက်သွယ်ရေး အော်ပရေတာတစ်ခုဖြစ်သည့် Ooredoo Myanmar ၏ ဆက်သွယ်ရေး ကွန်ရက်များ ပြတ်တောက်ခဲ့ပြီး ယခုအချိန်၌ ပြန်လည် ကောင်းမွန်နေပြီဖြစ်ကြောင်း သိရသည်။

ရခိုင်ပြည်နယ်နှင့် ရန်ကုန်တိုင်းဒေသကြီးအတွင်းရှိ ချို့ယွင်းခဲ့သော ဆက်သွယ်ရေး ကွန်ရက်အချို့ကိုလည်း မြန်မာ့ ဆက်သွယ်ရေးလုပ်ငန်း အနေဖြင့် မကြာသေးခင် က ပြင်ဆင်မှုများ ပြုနိုင်ခဲ့ပြီး အချို့သော ဒေသများကိုမူ ကွန်ရက်ပြင်ဆင်မှုများ ဆက်လက် လုပ်ဆောင်နေရသည်ဟု သိရသည်။

Telenor ၏ ကွန်ရက်များအနေဖြင့် ရှမ်းပြည်နယ်၊ ကယားပြည်နယ်နှင့် ကချင်ပြည်နယ်တို့တွင် မကြာသေးခင်က ချို့ယွင်းမှုများ ဖြစ်ပေါ်ခဲ့သော်လည်း ပြန် လည်ကောင်းမွန်သည့် အခြေအနေသို့ ပြန်လည် ရောက်ရှိနေပြီ ဖြစ်ကြောင်း အဆိုပါ ဆက်သွယ်ရေး အော်ပရေတာ၏ ထုတ်ပြန်ချက်အရ သိရသည်။

မြန်မာနိုင်ငံအနေဖြင့် ဇူလိုင်လနှောင်းပိုင်းနှင့် သြဂုတ်လအစောပိုင်း၌ မြစ်ရေကြီးမှုနှင့် မိုးသည်းထန်စွာ ရွာသွန်းမှုများ ဖြစ်ပွားခဲ့ပြီး ဆက်သွယ်ရေးဆိုင်ရာ အခြေခံ တည်ဆောက်မှုများ ချို့ယွင်း ပျက်စီးခဲ့ကြောင်း ပြည်တွင်းရှိ ဆက်သွယ်ရေးအော်ပရေတာများက ထုတ်ပြန်ထားခြင်း ဖြစ်သည်။

လက်ရှိအချိန်၌ ဆက်သွယ်ရေး အော်ပရေတာများသည် ပြန်ကြားရေဝန်ကြီးဌာနမှ ထုတ်ပြန်ထားသည့် မြစ်ရေးကြီးမှု အခြေအနေများကို ၎င်းတို့၏ မိုဘိုင်းဖုန်း အသုံးပြုသူများထံ အခမဲ့ SMS များပေးပို့၍ သတိပေးမှုများ ပြုလုပ်ဆောင်ရွက်နေကြောင်း အဆိုပါ SMS စနစ်ကို လက်ခံရရှိခဲ့သည့် မိုဘိုင်းဖုန်း အသုံးပြုသူများက ပြောသည်။