ရေဘေးအတွက် သတင်းအချက်အလက်များ ဖော်ပြပေးသည့် ဝက်ဘ်ဆိုက်မှ အွန်လိုင်း အလှူများလည်း ပြုလုပ်န

11167693_10207053214109960_1805656134257918217_o.jpg

ရေဘေးအတွက် သတင်းအချက်အလက်များ ဖော်ပြပေးသည့် ၀က်ဘ်ဆိုက်မှ အွန်လိုင်းအလှူများလည်း ပြုလုပ်နိုင်ကြောင်း သိရသည်။

ရေးဘေးသင့်နေရာများ၊ လက်ရှိဖြစ်ပေါ်နေသည့် သတင်းအချက်အလက်များကို www.myanmar flood.info ဝက်ဘ်ဆိုက်တွင် ဖော်ပြထားပြီး အဆိုပါဝက်ဘ်ဆိုက်တွင် အွန်လိုင်းအလှူ (Online Donations) ပြုလုပ်ရန်နေရာလည်း တွေ့ရသည်။

ယင်းဝက်ဘ်ဆိုက်တွင် လက်ရှိဖြစ်ပေါ်နေသော ရေဘေးဖြစ်စဉ်များနှင့် ရာသီဥတုအခြေအနေများ၊ ပရဟိတအဖွဲ့များ၏ စာရင်းများကိုလည်း ဖော်ပြထားသကဲ့သို့ ရေဘေးသင့်နေရာများ၏ တည်နေရာကိုလည်း ဖော်ပြထားသည်။ အဆိုပါဝက်ဘ်ဆိုက်ကို မိုဘိုင်းဖုန်းဖြင့်လည်း ကြည့်ရှုနိုင်ရန် ဆောင်ရွက်ထားပြီး Google Play Store တွင် ဒေါင်းလုပ်ရယူနိုင်ရန် စီစဉ် ထားသည်ကို တွေ့ရသည်။

ဝက်ဘ်ဆိုက်အတွင်းသို့ ဝင်ရောက်ပြီး Online Donations နေရာမှတစ်ဆင့် လှူဒါန်းနိုင်မည်ဖြစ်သည်။ အဆိုပါနေရာတွင် အွန်လိုင်းမှ လှူဒါန်းနိုင်ရန် ဆောင်ရွက်ထားသော အဖွဲ့များကို တွေ့ရမည်ဖြစ်ပြီး မိမိ နှစ်သက်ရာ ပရဟိတအဖွဲ့၏ Donate နေရာမှတစ်ဆင့် လှူဒါန်းနိုင်မည် ဖြစ်သည်။

Myanmar Flood Information ဝက်ဘ်ဆိုက်တွင် Donations Groups များ၊ သတင်းများ၊ ရေဘေးသင့်ဒေသများ၏ တည်နေရာများ၊ အွန်လိုင်းအလှူ အဖွဲ့အစည်းများကို ဖော်ပြထားသည်။