ရန်ကုန်တက္ကသိုလ်တွင် နိုင်ငံရေးသိပ္ပံ ဒီပလိုမာသင်တန်း ဖွင့်မည်

20140628_105049.gif

ရန်ကုန်တက္ကသိုလ်၊ လူ့စွမ်း အားအရင်းအမြစ်ဖွံ့ဖြိုးရေးဌာန အစီအစဉ်ဖြင့် ၂၀၁၄-၂၀၁၅ ပညာသင်နှစ် အတွက် နိုင်ငံရေးသိပ္ပံဒီပလိုမာသင်တန်း” (Diploma in Political Science) ကို ဖွင့်လှစ်မည်ဟု သိရှိရသည်။

သင်တန်းတက်ရောက်ရန် အတွက် ဝင်ခွင့်စာမေးပွဲ ဖြေဆိုရမည် ဖြစ်ပြီး ဝင်ခွင့်စာမေးပွဲဖြေဆိုရန် အတွက် တက္ကသိုလ် တစ်ခုခုမှ ဘွဲ့ ရရှိထားရန် လိုအပ်သည်။ သင်တန်းဝင်ခွင့် လျှောက်လွှာများကို ရန်ကုန်တက္ကသိုလ်၊ နိုင်ငံတကာ ဆက်ဆံရေးပညာဌာန၊ ဝေသာလီ ဆောင်၌ နိုဝင်ဘာလ ၁၉ ရက်တွင် စတင် ရောင်းချပေးမည် ဖြစ်ပြီး နိုဝင်ဘာလ ၂၅ ရက်တွင် လျှောက်လွှာနောက် ဆုံး ရောင်းချ ပေးမည်ဖြစ်သည်။

ဝင်ခွင့်စာမေးပွဲကို ဒီဇင်ဘာလ ၂ ရက်တွင် ဖြေဆိုရမည်ဖြစ်ပြီး ဝင်ခွင့်အောင်မြင်သူများကို ဒီဇင်ဘာလ ၈ ရက်တွင် ထုတ်ပြန် ကြေညာပေးမည် ဖြစ်သည်။ ဝင်ခွင့်အောင်မြင်သူများအနေဖြင့် ဒီဇင်ဘာလ ၁၅ ရက်တွင် စတင်တက်ရောက်ရမည်ဖြစ်သည်။ သင်တန်းချိန်မှာ တနင်္လာနေ့မှ သောကြာနေ့အထိ နံနက် ၇ နာရီမှ ၉ နာရီအထိဖြစ်သည်။ သင်တန်းကာလမှာ ၉ လ ကြာမြင့်မည်ဖြစ်ပြီး သင်တန်းပြီးဆုံးပါက “Diploma in Political Science (DPS)” သင်တန်းအောင် လက်မှတ်ကို ပေးအပ်မည် ဖြစ်သည်။

သင်တန်းဝင်ခွင့်နှင့် ပတ်သက်၍ အသေးစိတ် သိရှိလိုပါက ရန်ကုန်တက္ကသိုလ်၊ နိုင်ငံတကာ ဆက်ဆံရေး ပညာဌာန၊ ဖုန်း-၀၁-၅၃၆၀၈၈ သို့ ရုံးချိန်အတွင်း ဆက်သွယ်မေးမြန်းနိုင်သည်။