အွန်လိုင်းမှ လုပ်ငန်းဆိုင်ရာ လိုင်စင်လျှောက်ထားမှုများကို မြို့နယ်များအားလုံး အတွက် လျှောá

11816145_830198987094389_1456160256172017882_o.jpg

အွန်လိုင်းမှ လုပ်ငန်းဆိုင်ရာ လိုင်စင်လျှောက်ထားမှုများကို မြို့နယ်များအားလုံးအတွက် လျှောက် ထားနိုင်ကြောင်း ရန်ကုန်မြို့တော် စည်ပင်သာယာရေးကော်မတီမှ သိရသည်။

ယခုအခါ ရန်ကုန်မြို့တွင်း မြို့နယ်များအားလုံးအတွက် လျှောက်ထားနိုင်ကြောင်း ရန်ကုန်မြို့တော် စည်ပင်သာယာရေးကော်မတီ ဝက်ဘ်ဆိုက်မှတစ်ဆင့် ထုတ်ပြန်ထားသည်။

လုပ်ငန်းဆိုင်ရာ လိုင်စင်များ အွန်လိုင်းမှ လျှောက်ထားမှုကို ၂၀၁၃ ခုနှစ် နိုဝင်ဘာလတွင် မြို့နယ်အချို့၌ စတင်ခဲ့ပြီး တိုးချဲ့လာခဲ့ရာ လက်ရှိတွင် ရန်ကုန်မြို့ရှိ မြို့နယ်များအားလုံးမှ လျှောက်ထားနိုင်ပြီဖြစ်ကြောင်း သိရသည်။

အွန်လိုင်းမှတစ်ဆင့် လျှောက်ထားနိုင်သော လိုင်စင်လျှောက်လွှာများမှာ သက်တမ်းတိုးလိုင်စင်များ၊ လုပ်ငန်းလိပ်စာပြောင်း လိုင်စင်လျှောက်လွှာ၊ လုပ်ငန်းအချက် အလက်ပြောင်း လိုင်စင်လျှောက်လွှာ၊ လုပ်ငန်းလိုင်စင် မိတ္တုလျှောက်လွှာ၊ လုပ်ငန်းပိတ်သိမ်းကြောင်း လိုင်စင်လျှောက်လွှာ စသည်တို့ကို လျှောက်ထားနိုင်မည် ဖြစ်ကြောင်း သိရသည်။

ယင်းအပြင် လုပ်ငန်းလိုင်စင်၊ အစားအသောက်လိုင်စင်၊ တည်းခိုခန်းလိုင်စင်၊ ဘော်ဒါဆောင်လိုင်စင်၊ ယာဉ်ဖြင့် လှည့်လည်ရောင်းချခွင့်လိုင်စင်၊ ကိုယ်ပိုင်ဈေးလိုင်စင်၊ ယာယီဇာတ်ရုံပါမစ် တို့ကိုလည်း လျှောက်ထားနိုင်ကြောင်း သိရသည်။ www.ycdc.gov.mm လိပ်စာတွင် လျှောက်ထားနိုင်မည်ဖြစ်ပြီး သက်ဆိုင်ရာဖောင်ကို ဒေါင်းလုပ် ရယူနိုင်မည်ဖြစ်သည်။

လုပ်ငန်းလိုင်စင် လျှောက်ထားခြင်းအတွက် လိုအပ်သည့် အချက်အလက်များကို အဆိုပါဝက်ဘ်ဆိုက်တွင် ဖော်ပြထားသည်ကို တွေ့ရသည်။ အွန်လိုင်းမှ လျှောက်ထားမှု ရရှိပါက သက်ဆိုင်ရာခရိုင်၊ မြို့နယ်စည်ပင်သာယာ အုပ်ချုပ်ရေးမှူးရုံမှ ကွင်းဆင်းစစ်ဆေးမည့်ရက်အား အကြောင်းကြားမည်ဖြစ်ကြောင်း၊ ထိုသို့ ကွင်းဆင်းစစ်ဆေးစဉ် ထပ်မံတင်ပြရန် အထောက်အထားများ လိုအပ်ပါက တစ်ပြိုင်တည်း တောင်းခံမည်ဖြစ်ကြောင်း သိရသည်။

အချက်အလက်ပြည့်စုံပြီး လိုအပ်ချက်မရှိပါက တစ်ပတ်အတွင်း (ရုံးပိတ်ရက်မပါ) လိုင်စင်ခွင့်ပြုကြောင်း အကြောင်းကြားမည်ဖြစ်ကြောင်း၊ ခွင့်ပြုချက်ရရှိ၍ မြို့နယ်စည်ပင် အုပ်ချုပ်ရေးမှူးရုံးတွင် ငွေပေးသွင်းပြီးပါက လိုင်စင်ကတ်ပြား ထုတ်ပေးမည်ဖြစ်ကြောင်း ထုတ်ပြန်ထားသည်။