၂၀၀၃ ခုနှစ်နောက်ပိုင်း email spam ပေးပို့မှု ပထမဦးဆုံးအကြိမ် ၅၀ ရာခိုင်နှုန်းအောက် ကျဆင်း

11703375_10153076928627825_6777499657305122036_n.jpg

Symantec ၏ ၂၀၁၅ ခုနှစ် ဇွန်လ အစီရင်ခံစာအရ email spam ပေးပို့မှုနှုန်းသည် ဆယ်စုနှစ်တစ်ခုကျော်တွင် ပထမဦးဆုံးအကြိမ်အဖြစ် ၅၀ ရာခိုင်နှုန်းအောက်သို့ ရောက်ရှိခဲ့ကြောင်း သိရသည်။

ဇွန်လတွင် email message ပေးပို့မှုနှုန်းသည် ၇၀၄ ဘီလီယံရှိခဲ့ပြီး ၎င်းအနက် spam အရေအတွက်မှာ ၃၅၃ ဘီလီယံ ဖြစ်ကြောင်း၊ ၂၀၀၉ ခုနှစ် ဇွန်လက ပေးပို့ခဲ့သော message အရေအတွက် ၆.၃ ထရီလီယံအနက် spam အရေအတွက် ၅.၇ ထရီလီယံ ရှိခဲ့ကြောင်း Symantec မှ ဖော်ပြခဲ့သည်။

Symantec သည် ဖောက်သည်များ၏ သုံးစွဲမှုကို အခြေခံကာ တွက်ချက်ခဲ့ခြင်းဖြစ်ပြီး ဇွန်လ၏ spam ပမာဏသည် ဧပြီလ၏ ၅၂.၂ ရာခိုင်နှုန်းနှင့် မေလ၏ ၅၁.၅ ရာခိုင်နှုန်းထက် လျော့နည်းခဲ့ကြောင်း သိရသည်။

Spam ပမာဏ ကျဆင်းမှုသည် Microsoft ကဲ့သို့သော နည်းပညာကုမ္ပဏီကြီးများက botnet များကို တရားဥပဒေက အရေးယူခြင်း၊ network provider များ၏ လျင်မြန်စွာ တုံ့ပြန်ခြင်း၊ ပိုမိုကောင်းမွန်သည့် တားမြစ်ခြင်းနှင့် စိစစ်ခြင်းတို့ကြောင့် ဖြစ်ကြောင်း ဆိုသည်။

အဆိုပါသတင်းသည် email သုံးစွဲသူများအတွက်သာမက spam ကို တိုက်ဖျက်သည့် ကုမ္ပဏီများအတွက်ပါ သတင်းကောင်းတစ်ရပ် ဖြစ်သည်။

အစီရင်ခံစာတွင် ဖော်ပြသည့် အခြားအချက်အလက်များတွင် ဇွန်လအတွင်း malware အသစ် ထွက်ပေါ်လာမှု ၅၇.၆ သန်းရှိခဲ့ပြီး ၎င်းသည် မေလ၏ ၄၄.၅ သန်းထက် မြင့်တက်လာခဲ့ကြောင်း သိရသည်။ Ransomware တိုက်ခိုက်မှုမှာ နှစ်လဆက်တိုက် မြင့်တက်လာခဲ့ပြီး crypto-ransomware ကလည်း ၂၀၁၄ ခုနှစ် ဒီဇင်ဘာလနောက်ပိုင်း အမြင့်ဆုံးအဆင့်အထိ ရောက်ရှိလာခဲ့ကြောင်း Symantec မှ ဖော်ပြခဲ့သည်။

Ref: VentureBeat