သမဝါယမတက္ကသိုလ်/ကောလိပ်များနှင့် ယွန်းပညာကောလိပ်တွင် ပထမနှစ်ကျောင်းသားများ ခေါ်ယူ

10857736_900210553352379_1804676472900181304_n.jpg

၂၀၁၅-၂၀၁၆ ပညာသင်နှစ်အတွက် သမဝါယမတက္ကသိုလ်/ ကောလိပ်များနှင့် ယွန်းပညာကောလိပ်တွင် ပထမနှစ်ကျောင်းသားများ ခေါ်ယူနေပြီဖြစ်ကြောင်း သိရသည်။

သမဝါယမ တက္ကသိုလ် (သန်လျင်၊ စစ်ကိုင်း) တို့မှ ပေးအပ်မည့်ဘွဲ့များမှာ B.BSc (Regional Development), B.BSc (Accounting and Finance), B.BSc (Applied Statistics), B.BSc (Marketing Management), B.BSc (Social Enterprise Management) နှင့် သမ၀ါယမကောလိပ် (ဖောင်ကြီး၊ မန္တလး) တို့မှ ပေးအပ်မည့် ဒီပလိုမာများမှာ Diploma in Social Enterprise Management (Dip.S.E.M), Diploma in Business Management (Dip.B.M), Diploma in Banking Finance and Insurance (Dip.B.F.I), Diploma in Regional Development (Dip.R.D), Diploma in Financial Management (Dip.F.M), Diploma in Business Accounting (Dip. B.Acct), Diploma in Marketing Management (Dip.M.M), Diploma in Applied Statistics (Dip.A.S) စသည့် ဒီပလိုမာများအပြင် ယွန်းပညာကောလိပ်(ပုဂံ) တွင် Diploma in Lacquerware Technology (Dip.L.T) တို့ကို ပေးအပ်သွားမည် ဖြစ်သည်။ ဘွဲ့အတွက် သင်တန်း ကာလမှာ ၄ နှစ်စီဖြစ်ပြီး ဒီပလိုမာများအတွက် သင်တန်းကာလမှာ ၂ နှစ်စီ ဖြစ်သည်။

အဆိုပါ သင်တန်းများသို့ တက်ရောက်ရန်အတွက် ၂၀၁၅ ခုနှစ် တက္ကသိုလ်ဝင် စာမေးပွဲရမှတ်အပေါ်တွင် မူတည်၍ လိုအပ်ပါက လူတွေ့နှုတ်ဖြေ စာမေးပွဲဖြင့် စိစစ်ရွေးချယ် လက်ခံသွားမည်ဖြစ်သည်။ လျှောက်လွှာနှင့်အတူ တက္ကသိုလ် ဝင်စာမေးပွဲ အောင်လက်မှတ် မိတ္တူနှင့် အမှတ်စာရင်း မူရင်း၊ အကျင့် စာရိတ္တကောင်းမွန်ကြောင်း ရဲစခန်းထောက်ခံချက်မူရင်း၊ ကျန်းမာကြောင်း မြို့နယ်ထောက်ခံချက်မူရင်း စသည်တို့ကို ပူးတွဲတင်ပြရမည် ဖြစ်သည်။

လျှောက်လွှာနှင့် လမ်းညွှန်များကို သမဝါယမဦးစီးဌာန (ညွှန်ကြားရေးမှူးချုပ်ရုံး)၊ အသေးစား စက်မှုလက်မှု လုပ်ငန်းဦးစီးဌာန (ညွှန်ကြားရေးမှူးချုပ်ရုံး)၊ တိုင်းဒေသကြီး/ ပြည်နယ်/ မြို့နယ် သမဝါယမဦးစီးဌာန၊ တိုင်းဒေသ ကြီး/ ပြည်နယ် အသေးစား စက်မှုလက်မှု လုပ်ငန်းဦးစီးဌာနများ၊ သမဝါယမ တက္ကသိုလ်/ ကောလိပ်များနှင့် ယွန်းပညာကောလိပ်တို့တွင် ဝယ်ယူလျှောက်ထားနိုင်မည်ဖြစ်ကြောင်း သိရသည်။

လျှောက်လွှာများကို ၂၀၁၅ ခုနှစ် သြဂုတ်လ ၃၁ ရက် နောက်ဆုံးထား လျှောက်ထားရမည် ဖြစ်သည်။ အသေးစိတ်သိရှိလိုပါက လျှောက်လွှာဝယ်ယူရာ ဌာနများနှင့် ဖုန်း-၀၆၇-၄၁၀၃၄၃၊ ၀၆၇- ၄၁၀၂၇၃ သို့ ဆက်သွယ်စုံစမ်းနိုင်မည် ဖြစ်သည်။