ရန်ကုန်စီးပွားရေး တက္ကသိုလ်တွင် American BSc in Business Administration ဘွဲ့ ဖွင့်လှစ်မည်

Thandar.jpg

ရန်ကုန်စီးပွားရေးတက္ကသိုလ်နှင့် ဒိန်းမတ်နိုင်ငံရှိ Niels Brock Copenhagen Business College တို့ပူးပေါင်းကာ American BSc in Business Administration Degree Program အား ရန်ကုန်စီးပွားရေးတက္ကသိုလ် လှိုင်နယ်မြေတွင် ဖွင့်လှစ်မည်ဖြစ်ကြောင်း ရန်ကုန်စီးပွားရေးတက္ကသိုလ်မှ တာဝန်ရှိသူ တစ်ဦးက ပြောကြားပါသည်။

ဤသင်တန်းရည်ရွယ်ချက်မှာ အရည်အသွေးမြင့်မားသော လူတော်လူကောင်းများ မွေးထုတ် ပေးရန် ပေါ်ပေါက်လာစေရန် ဖြစ်ပါသည်။ BSc (Business Administration) သင်တန်းကို နိုင်ငံတကာအဆင့်မီ စနစ်တကျ သင်ကြားပေးမည်ဖြစ်သည်။ နိုင်ငံတော်၏ပညာရေးဆိုင်ရာ ဆောင်ရွက်ချက်များ တိုးတက်မှု ကို တစ်ဖက်တစ်လမ်းမှ အထောက်အကူပြုမည်ဖြစ်ပြီး စီးပွားရေး လုပ်ငန်းစီမံခန့်ခွဲမှုဆိုင်ရာ အသိပညာများ ပိုမိုကျယ်ပြန့် ဆင့်ပွားနိုင်စေရန် ရည်ရွယ်ကြောင်း သိရှိရပါသည်။

အဆိုပါ Program သည် ကာလအားဖြင့် ၄ နှစ်ကြာမြင့်မည် ဖြစ်ပြီး ၁ နှစ်လျှင် Semester ၂ ခုဖြင့် ဘာသာရပ် ၈ ခုသင်ကြားရမှာ ဖြစ်သည်။ ဒိန်းမတ်နိုင်ငံရှိ Niels Brock Copenhagen Business College မှဆရာ၊ ဆရာမများနှင့် ရန်ကုန်စီးပွားရေး တက္ကသိုလ်မှ ဆရာ၊ ဆရာမကြီးများမှ ပူးပေါင်း သင်ကြားပေးမည်ဖြစ်ပြီး နောက်ဆုံးနှစ် ပြီးဆုံးပါက American BSc Business Administration ဘွဲ့ကိုရရှိမှာဖြစ်ကြောင်း သိရှိရပါသည်။

အဆိုပါဘွဲ့ ရရှိပြီး၍ Master ဘွဲ့များအား ဆက်လက် တက်ရောက်လိုပါက ဒိန်းမတ်နိုင်ငံနှင့် အမေရိကန်နိုင်ငံရှိ တက္ကသိုလ်ကြီးများ တိုက်ရိုက် တက်ရောက်နိုင်ကြောင်း သိရှိရပါသည်။ အသေးစိတ် သိရှိလိုပါက ရန်ကုန်စီးပွားရေး တက္ကသိုလ် စီမံခန့်ခွဲမှုပညာဌာန၊ ပတ္တမြားဆောင်၊ လှိုင်နယ်မြေ ဖုန်း- ၀၉၇၈၈၄၈၂၂၃၄၊ ၀၉၇၈၈၄၈၂၂၃၅၊ ၀၉၉၇၃၅၆၃၀၈၃၊ ၀၉၉၇၃၅၆၃၀၈၄ သို့ဆက်သွယ် စုံစမ်းနိုင်ကြောင်း သိရှိရပါသည်။