ရန်ကုန်မြို့တွင် တစ်ဦးချင်း မိုဘိုင်းဖုန်း အသုံးပြုမှု တိုးတက်လာပြီးနောက် အများပြည်သူသုံá

IMG_9015.jpg

မြန်မာနိုင်ငံ၏ မိုဘိုင်းဖုန်းအသုံးပြုနိုင်သည့် အရေအတွက်သည် သန်း ၂၀ ကျော်အထိ မြင့်တက်လာပြီးနောက် ရန်ကုန်မြို့တွင်း ဖွင့်လှစ်ထားသော အများ ပြည်သူ သုံး တယ်လီဖုန်းရုံ (PCO) အရေအတွက်သည် သိသာစွာ လျော့နည်းလာပြီဖြစ်ကြောင်း ဆက်သွယ်ရေး၊ သတင်းအချက်အလက်နှင့် နည်းပညာဝန်ကြီးဌာနမှ စုံစမ်းသိရသည်။

ရန်ကုန်မြို့တွင်း၌ ပြီးခဲ့သည့် ၂၀၁၂ ခုနှစ်ဝန်းကျင်အထိ အများပြည်သူသုံး တယ်လီဖုန်းဆိုင်နှင့် ဖုန်းရုံအရေအတွက် တစ်ထောင်ကျော်ရှိခဲ့ရာမှ ယခုလက်ရှိ အချိန်တွင်မူ  အဆမတန် လျော့နည်းသွားပြီဖြစ်ကြောင်း သိရသည်။

၂၀၁၂ ခုနှစ်အချိန်ကာလ အထိ ရန်ကုန်မြို့တွင်း နေရာအနှံ့ အပြားတွင် ဖွင့်လှစ်ခဲ့သည့် အများပြည်သူသုံး တယ်လီဖုန်းရုံများ သည် ယခုလက်ရှိ အချိန်တွင် နေရာ အများစု၌ ပိတ်သိမ်းလိုက်ပြီ ဖြစ်ပြီး တဖြည်းဖြည်းနှင့် ပိုမို လျော့နည်းလာမည် ဖြစ်ကြောင်း အထက်ပါဝန်ကြီးဌာန၏ တာဝန် ရှိသူ တစ်ဦးက ပြောကြားသည်။

သို့သော် လူနေထူထပ်သည့် ဆင်ခြေဖုံးရပ်ကွက်များတွင်မူ အဆိုပါ တယ်လီဖုန်းရုံများကို ဆက်လက် ဖွင့်လှစ်ပေးထားဦးမည် ဖြစ်ကြောင်းသိရသည်။

မြန်မာနိုင်ငံတွင် မိုဘိုင်းဖုန်းအသုံးပြုသူအရေအတွက်မှာ နှစ် အနည်းငယ်အတွင်း ပြောင်းလဲ တိုးတက်လာခြင်းကြောင့် အများ ပြည်သူသုံး တယ်လီဖုန်းရုံ အရေအတွက် လျော့နည်းလာခြင်းသည် ရန်ကုန်မြို့ တစ်နေရာတည်းတွင် မဟုတ်ပဲ မန္တလေးမြို့တွင်လည်း အလားတူ လျော့နည်းလာခြင်း ဖြစ်ကြောင်း သတင်းရရှိသည်။

မြန်မာနိုင်ငံတွင် မိုဘိုင်းဖုန်းအသုံးပြုသူ အရေအတွက်သည် သန်း ၂၀ ကျော်ရှိလာပြီဖြစ်ပြီး ရန်ကုန်မြို့၏ တစ်ဦးချင်း မိုဘိုင်းဖုန်း အသုံးပြုမှုအခြေအနေသည် အခြားသော မြို့များထက် ပိုမိုများပြားနေခြင်းကြောင့် မြို့၏ အချက်အချာ ကျသည့် လူစည်ကားသည့်  နေရာများတွင် အဆိုပါ ဖုန်းရုံများကို ပိတ်သိမ်းလိုက်ခြင်း ဖြစ်သည်။

ဆက်သွယ်ရေးနှင့် သတင်း အချက်အလက်၊ နည်းပညာ ဝန်ကြီးဌာနသည် အများပြည်သူသုံး တယ်လီဖုန်းရုံများကို နောက်ပိုင်း ကာလများ၌ ဆက်သွယ်ရေး ဝေး လံခေါင်ဖျားသည့် နယ်မြို့များတွင် အဓိကထားရှိပေးသွားမည် ဖြစ်ပြီး လူနေထူထပ်သည့် မြို့ကြီး များတွင်မူ တဖြည်းဖြည်းချင်း လျှော့ချသွားမည်ဖြစ်ကြောင်း မြန်မာ့ ဆက်သွယ်ရေးလုပ်ငန်းမှ သိရသည်။