ဟောင်းသော်လည်း တန်ဖိုးမလျော့သည့် ကားအမျိုးအစား (၁၀) မျိုးကို Motors.com.mm ရွေးချယ်

Motor.jpg

ကားအရောင်းအဝယ် ဝက်ဘ်ဆိုက်တစ်ခုဖြစ်သည့် Motors.com.mm အနေဖြင့် ကားပိုင်ရှင်များက ယင်းတို့၏ ကားများကို ပြန်လည်ရောင်းချရာတွင် တန်ဖိုးလျော့ကျမှု မများစေရန်၊ ကားတန်ဖိုးလျော့ကျမှုနှုန်း အနည်းဆုံးဖြစ်သည့် ကားအမျိုးအစား (၁၀) မျိုးကို ရွေးချယ်ခဲ့သည်။

အဆိုပါ ကားအမျိုးအစား (၁၀) မျိုးမှာ မြန်မာ့ကားဈေးကွက် တစ်ခုတည်းအပေါ် အခြေခံပြီး သုံးသပ်တန်ဖိုးဖြတ်ရွေးချယ်ပေးခဲ့ခြင်း မဟုတ်ကြောင်း၊ အာရှစံနှုန်းတစ်ခုအနေဖြင့် Motors.com.mm ဈေးကွက်ပျံ့နှံ့ရာ အာရှနိုင်ငံများနှင့် အာရှဒေသများအတွက် အခြေခံပြီးသုံးသပ် တန်ဖိုးဖြတ်ရွေးချယ်ခဲ့ဖြစ်သည်ဟု ဆိုသည်။  “ကားတစ်စီးက ဘယ်လောက်ကောင်းနေနေ၊ အင်ဂျင်ဘယ်လောက် ကောင်းနေဆဲဖြစ်ဖြစ် ဝယ်ယူပြီးရင် တန်ဖိုးကျသွားတတ်တာ နည်းနည်းတော့ ရယ်စရာကောင်းပါတယ်။ ကားဝယ်ပြီးပြီးချင်း အချိန်အနည်းငယ်အတွင်းမှာပဲ သင်အများကြီးမောင်းပြီးသလိုမျိုး သင့်ရဲ့ကားအသစ်က ၂၀ ရာခိုင်နှုန်းလောက် တန်ဖိုး ကျသွားတတ်ပါတယ်။ ဒါပေမဲ့ ဒီ့အတွက်ကြောင့်တော့ သင့်အနေနဲ့ ကားဝယ်ဖို့မရပ်တန့်သင့်ပါဘူး။ မှန်ကန်တဲ့ဝယ် ယူမှုဖြစ်ဖို့ကတော့ ကားဈေးကွက်ရဲ့ အသက်သွေးကြောတွေအကြောင်း သိအောင်လုပ်၊ သေချာစဉ်းစားချင့်ချိန်ပြီး ဆုံးဖြတ်ဖို့တော့လိုပါတယ်။ ကားအမျိုးအစားအလိုက် တန်ဖိုးလျော့တဲ့နှုန်းမတူကြပါဘူး” ဟု ပြောကြားထားသည်။

အချိန်သုံးနှစ်ခန့် မောင်းနှင်အသုံးပြုပြီးသော်လည်း တန်ဖိုးရှိနေဆဲကားမော်ဒယ် (၁၀) မျိုးတို့မှာ Jeep Wrangler, Honda Fit, Fiat Abarth 500, Volkswagen Scirocco, Audi A3, Honda CR-V, Subaru Outback, Toyota Prius, Honda Odyssey, Toyota Avalon တို့ဖြစ်ကြောင်း Motors.com.mm   မှပြောကြားထားသည်။ Jeep Wrangler အား ပြန်ရောင်းမည်ဆိုပါက မူရင်းဈေး၏  ၆၇
ရာခိုင်နှုန်းကို ပြန်လည်ရရှိမည်ဖြစ်ပြီး ဟောင်းသော်လည်း ဈေးအမာဆုံး ကားအမျိုးအစားဖြစ်ကြောင်း၊ Honda Fit  မှာ  မူရင်းဈေး၏ (၆၃) ရာခိုင်နှုန်းကို ပြန်လည်ရရှိမည်ဖြစ်ကြောင်း၊ Fiat Abarth 500 မှာ မူရင်းဈေး၏  (၆၀) ရာခိုင်နှုန်း ရရှိမည်ဖြစ်ကြောင်း ဆိုထားသည်။ Volkswagen Scirocco မှာ (၅၈) ရာခိုင်နှုန်း၊ Audi A3 မှာ ( ၅၇)  ရာခိုင်နှုန်း၊ Honda CR-V မှာ (၅၆) ရာခိုင်နှုန်း၊ Subaru Outback မှာ (၅၅) ရာခိုင်နှုန်း ပြန်လည် ရရှိမည်ဖြစ်ကြောင်း ဆိုသည်။ Toyota Prius မှာ  (၄၈) ရာခိုင်နှုန်း၊ Honda Odyssey မှာ (၄၈) ရာခိုင်နှုန်းနှင့် Toyota Avalon မှာ (၄၄) ရာခိုင်နှုန်းတို့ အသီးသီး ရရှိနိုင်ကြောင်း သိရသည်။