ကျန်ရှိသော ဆက်သွယ်ရေးဆိုင်ရာ နည်းဥပဒေများ သုံးလေးလအတွင်းပြီးနိုင် ဟုဆို

DSC_6252-[1].gif

ကျန်ရှိနေသေးသော ဆက်သွယ်ရေးဆိုင်ရာ နည်းဥပဒေများ သုံးလေးလအတွင်း ပြီးစီးနိုင်ကြောင်း ဆက်သွယ်ရေး ညွှန်ကြားမှုဦးစီးဌာနမှ သိရသည်။

“နည်းဥပဒေလေးခုက ဘယ်တော့ပြီးမလဲ သတ်မှတ်ထားတာကျတော့ အမြန်ဆုံးဖြစ်အောင်တော့ လုပ်နေတယ်။ သုံးလေးလအတွင်းတော့ပြီးမယ် ထင်ပါတယ်၊ ကျွန်တော်တို့ကလည်း အကြမ်းဖျင်းပဲ ပြောလို့ ရတယ်။ တချို့ကိစ္စလေးတွေက ကျွန်တော်တို့ဝန်ကြီးဌာနနဲ့တင် မပြီးတဲ့ကိစ္စလေးတွေ ရှိတယ်၊ တခြားနဲ့ ညှိနှိုင်းရပြီး လုပ်ရတဲ့ဟာတွေ ရှိတယ်၊ လိုင်စင်နည်း ဥပဒေတုန်းကလည်း ခဏခဏ ပြောရတယ်လေ၊ တစ်ပတ်နှစ်ပတ်လောက်ဆို ထွက်တော့မယ်၊ အဲဒါနဲ့ကို ရွှေ့နေတာများပြီဆိုတော့ ကျွန်တော်တို့ အဲဒီဟာရဲ့အတွေ့အကြုံလည်းရှိနေတော့ သိပ်တော့ ကြာမယ်တော့မထင်ပါဘူး၊ အမြန်ဆုံးတော့ ပြီးအောင်လုပ်မှာပါ” ဆက်သွယ်ရေး ညွှန်ကြားမှုဦးစီးဌာနမှ တာဝန်ရှိသူတစ်ဦးဖြစ်သည့် ဦးသန်းထွန်းအောင်က ပြောသည်။

လက်ရှိတွင် လိုင်စင်နှင့် ပတ်သက်သော နည်းဥပဒေထွက်ရှိခဲ့ပြီးဖြစ်ကာ ဆက်သွယ်ရေးဆိုင်ရာ နည်းဥပဒေလေးမျိုး ထွက်ရှိရန် ကျန်နေသေးကြောင်းသိရသည်။