30th Asian – Pacific Children’s Convention in FUKUOKA (APCC)အတွက် လျှောက်လွှာခေါ်ယူ

မြန်မာနိုင်ငံ ဂျပန်ပြန်ပညာသင်ဟောင်းအသင်း (MAJA) သည် ဂျပန်နိုင်ငံ ဖူကူအိုကာမြို့တွင် ၂၀၁၈ ခုနှစ် ဇူလိုင်လ ၁၂ ရက်မှ ၂၄ ရက် အထိကျင်းပမယ့် 30th Asian – Pacific Children’s Convention in FUKUOKA (APCC) အတွက် လျှောက်လွှာတွေ ခေါ်ယူနေပြီဖြစ်တယ်လို့ သိရပါတယ်။

ကျောင်းသားလူငယ်တွေကို ရွေးချယ်စေလွှတ်မှာဖြစ်ပြီး စ်ိတ်ပါဝင်စားသူတွေ လျှောက်ထားနိုင်ပါတယ်။ လျှောက်ထားသူအနေနဲ့ မြန်မာနိုင်ငံသားဖြစ်ပြီး စက်တင်ဘာ ၁ ရက်၊ ၂၀၀၆ ခုနှစ်နှင့် သြဂုတ်လ ၃၁ ရက်၊ ၂၀၀၇ ခုနှစ် အတွင်းမွေးဖွားသူ၊ အခြေခံပညာကျောင်း (သို့မဟုတ်) အခြေခံပညာကျောင်းနှင့် အဆင့်တူ ကျောင်းတွင်ပညာ သင်ယူဆဲဖြစ်ပြီး ကျောင်းအဆင့်ထူးချွန်သူ၊ စည်းကမ်းလိုက်နာတက်သူ၊ အင်္ဂလိပ်ဘာသာဖြင့် ပြောဆိုနိုင်သူ၊ ကျန်းမာကြံ့ခိုင်သူ၊ မိဘအုပ်ထိန်းသူနှင့် ၂ ပတ်ခန့် ခွဲ၍ နေထိုင်တက်ပြီး ဂျပန်နိုင်ငံရှိ ဒေသခံ မိသားစုများနှင့် နေထိုင်နိုင်စွမ်းရှိရမှာဖြစ်ပြီး သက်ဆိုင်ရာကျောင်းမှ ထောက်ခံချက်တင်ပြရန် လိုအပ်မှာဖြစ်တယ်လို့ သိရပါတယ်။ ရွေးချယ်ခံရပါက(MAJA) အသင်းမှ လိုအပ်တဲ့ သင်ကြားလေ့ကျင့်မှုများ ပြုလုပ်ပေးသွားမှာ ဖြစ်သလို လူတွေ့ စစ်ဆေးသော နေ့တွင် Passport Copy တင်ပြရမှာဖြစ်ပါတယ်။

လျှောက်လွှာတွေကို ဇန်နဝါရီလ ၂၂ ရက်မှ ဖေဖော်ဝါရီလ ၉ ရက်အထိ ရုံးချိန်အတွင်းမိဘ(သို့) အုပ်ထိန်းသူ လိုက်ပါ၍ လျှောက်ထားရမှာ ဖြစ်တယ်လို့ သိရပါတယ်။ အသေးစိတ်သိရှိလိုပါက Myanmar Association of Japan Alumni (MAJA) ၀၉- ၂၆၂၆၀၂၁၂၁၊ ၀၉- ၄၂၈၆၁၂၁၅၁ သို့ ဆက်သွယ်စုံစမ်း နိုင်မှာဖြစ်ပါတယ်။

-ဝေဝေ