နိုင်ငံတော်အတွင်း ဂြိုဟ်တု သုံးစွဲနေသူများအား စုစည်း၍ ဂြိုဟ်တုတစ်လုံးတည်း အသုံးပြုနိုင်ေá

ICT.jpg

နိုင်ငံတော်အတွင်း ဂြိုဟ်တုသုံးစွဲနေသူများအား စုစည်း၍ ဂြိုဟ်တုတစ်လုံးတည်း အသုံးပြုကာ ဆောင်ရွက်သွားနိုင်ရေး ဆောင်ရွက်ရမည်ဖြစ်ကြောင်း ဆက်သွယ်ရေးနှင့် သတင်းအချက်အလက် နည်းပညာဝန်ကြီးဌာန ပြည်ထောင်စုဝန်ကြီး ဦးမြတ်ဟိန်းက ပြောသည်။

ဇွန်လ ၁၇ ရက်က နေပြည်တော်တွင် ပြုလုပ်ခဲ့သော မြန်မာဂြိုဟ်တုဆိုင်ရာ အလုပ်ရုံဆွေးနွေးပွဲတွင် ထည့်သွင်းပြောကြားခဲ့ခြင်းဖြစ်ကြောင်း သိရသည်။ ICT ကဏ္ဍမှ ဆက်သွယ်ရေးတစ်ခုတည်း မဟုတ်ဘဲ ကဏ္ဍတော်တော်များများမှာ ဂြိုဟ်တုနည်းပညာဖြင့် ချိတ်ဆက်အသုံးပြုနေကြပြီ ဖြစ်ကြာင်း၊ ဂြိုဟ်တုတစ်ခုကို ဝယ်ယူရုံနှင့် မပြီးသေးဘဲ နည်းပညာပါ လိုအပ်ကြောင်း၊ လူ့စွမ်းအား အရင်းအမြစ်များလည်း လိုအပ်ကြောင်း၊ တစ်ချိန်တွင် မိမိကိုယ်တိုင် ထိန်းသိမ်း ကိုင်တွယ် ဆောင်ရွက်နိုင်သည့် အဆင့်ထိ ရောက်ရှိစေရေးကို မျှော်မှန်းကြိုးပမ်း ဆောင်ရွက်ကြစေလိုကြောင်း ပြည်ထောင်စုဝန်ကြီးက ပြောကြားခဲ့သည် ဟုသိရသည်။

ယခုလုပ်မည့် အစီအစဉ်မှာ လုပ်ငန်းများအား အဆင့်လိုက် ဆောင်ရွက်သွားရမည်ဖြစ်ပြီး ပထမအဆင့်အနေဖြင့် နိုင်ငံတော်အတွင်း ဂြိုဟ်တုသုံးစွဲနေသူများအား စုစည်း၍ ဂြိုဟ်တု တစ်လုံးတည်း အသုံးပြုကာ စုစည်းဆောင်ရွက်သွားနိုင်ရေးကို ဆောင်ရွက်သွားရမည် ဖြစ်ကြောင်းကိုလည်း ပြောကြားခဲ့ကြောင်း သိရသည်။

အထက်ပါအခမ်းအနားတွင် စင်ကာပူနိုင်ငံ အခြေစိုက် SAT Consult Co., မှ Mr. Laurent Valignon နှင့် Mr. Stephone Chenard တို့မှ ဂြိုဟ်တုဆက်သွယ်ရေး နည်းပညာဆိုင်ရာ အသုံးပြုမှုများနှင့် ပတ်သက်၍လည်း ပြောကြားခဲ့ကြောင်း သတင်းထုတ်ပြန်ချက်အရ သိရသည်။