စာပို့တိုက်ဥပဒေသစ်ကို ကမ္ဘာ့ဘဏ်၏ အကူအညီဖြင့် ရေးဆွဲလျက်ရှိ

poffice.jpg

စာပို့တိုက်ဥပဒေသစ်ကို ကမ္ဘာ့ဘဏ်၏အကူအညီဖြင့် ရေးဆွဲလျက် ရှိကြောင်း သိရသည်။

လက်ရှိ စာပို့တိုက်ဥပဒေသည် ခေတ်ကာလဈေးကွက် အခြေအနေကို ကောင်းစွာလွှမ်းခြုံနိုင်ခြင်း မရှိတော့ဘဲ လက်ရှိအခြေအနေ အထိ စာပို့တိုက်ကဏ္ဍတွင် ထိရောက်သည့် စာတိုက်မူဝါဒနှင့် မဟာဗျူဟာများ ချမှတ်၍ စာပို့တိုက်ဝန်ဆောင်မှုများကို စနစ်တကျ ထိန်းကွပ်ပေးသည့် ဥပဒေနှင့် နည်းဥပဒေများ မရှိခဲ့သည့် အတွက် စာပို့တိုက်ဥပဒေသစ်ကို ကမ္ဘာ့ဘဏ်၏အကူအညီဖြင့် နယ်သာလန်နိုင်ငံတွင် စာပို့တိုက် အတိုင်ပင်ခံနှစ်ဦးတို့မှ ရေးဆွဲလျက်ရှိကြောင်း ဇွန်လ ၁၆ ရက်က နေ ပြည်တော်တွင် ကျင်းပခဲ့သည့် စာပို့တိုက်ဥပဒေ ရေးဆွဲရေးနှင့် ငွေရေးကြေးရေးကဏ္ဍဆိုင်ရာ ညှိနှိုင်းအစည်းအဝေးတွင် ဆက်သွယ်ရေးနှင့် သတင်း အချက်အလက် နည်းပညာဝန်ကြီးဌာန ပြည်ထောင်စုဝန်ကြီး ဦးမြတ်ဟိန်းက ပြောသည်။

အဆိုပါညှိနှိုင်းအစည်းအဝေးတွင် ပြည်ထောင်စုဝန်ကြီးက စာပို့တိုက်ဥပဒေအသစ်ကို အတည်ပြုပြဋ္ဌာန်းနိုင်ရေးအတွက် သတ်မှတ်ထားသည့် လုပ်ငန်းစဉ်များ အတိုင်း ဆက်လက်ဆောင်ရွက်လျက်ရှိကြောင်း၊ ငွေကြေးဆိုင်ရာ စာပို့တိုက်ဝန်ဆောင်မှုများကို ဖြည့်ဆည်း ဆောင်ရွက်ရာတွင် မှန်ကန်ထိရောက်မှု ရှိစေရေး အတွက် ငွေရေးကြေးရေးကဏ္ဍ၏ မူဝါဒနှင့် စည်းမျဉ်းစည်းကမ်းများ၊ လုပ်ငန်းအတွေ့အကြုံများ၊ ဘဏ်လုပ်ငန်းဆိုင်ရာ ကျွမ်းကျင်မှုနှင့် အကြံဥာဏ်တို့ကို ရယူ၍ လိုက်နာဆောင်ရွက်သွားရန် လိုအပ်ကြောင်း ထည့်သွင်းပြောကြားခဲ့သည် ။

မြန်မာ့စာတိုက်၏ ဥပဒေမှာ ၁၈၉၈ ခုနှစ်ကပင် ရှိနေသောကြောင့် လက်ရှိ အသစ်ပြန်လည်ရေးဆွဲနေခြင်း ဖြစ်ကြောင်း၊ ခြောက်လအတွင်းတွင် အကြမ်း ထွက် ရှိနိုင်မည်ဖြစ်ကြောင်း မြန်မာ့စာတိုက်လုပ်ငန်းမှ Deputy General Manager ဦးခမ်းအောင်က ပြောကြားခဲ့ဖူးသည်။

စာတိုက်လုပ်ငန်း ဝန်ဆောင်မှုများအား ပုဂ္ဂလိကသို့ဖိတ်ခေါ်၍ ဆောင်ရွက်နေခြင်းများ ရှိသော်လည်း တရားမဝင် လုပ်ကိုင်နေသည့် လုပ်ငန်းများရှိကြောင်းနှင့် ဥပဒေသစ် ပေါ်ပေါက်လာပါက တရားမဝင် ဆောင်ရွက်ချက်များကို အရေးယူ ဖော်ထုတ်နိုင်မည်ဖြစ်ကြောင်း သိရသည်။ လက်ရှိတွင် မြန်မာတစ်နိုင်ငံလုံး၌ စာတိုက်ပေါင်း ၁,၃၈၄ ခုရှိသည်။