နယူးယောက်စီးတီးရှိ အများပြည်သူသုံးဖုန်းများကို အလွန်လျင်မြန်သည့် Wi-Fi hub များ အဖြစ် ပြောင်းလဲ

10690351_10152520398307825_3144845835388421262_n.jpg

နယူးယောက်စီးတီးရှိ အာဏာပိုင်များသည် မြို့တော်ရှိ အများပြည်သူသုံး ဖုန်းများကို ကမ္ဘာပေါ်ရှိ အကြီးဆုံးနှင့် အမြန်ဆန်ဆုံး အခမဲ့ Wi-Fi ကွန်ရက်အဖြစ် အသွင်ပြောင်းလဲရန် စီစဉ်နေကြောင်း သိရသည်။

LinkNYC ဟုအမည်ရသည့် ၎င်းစီမံကိန်းသည် ဒေါ်လာသန်း၂၀၀ ကုန်ကျနိုင်ကြောင်း မြို့တော်အာဏာပိုင်များက တနလာင်္နေ့တွင် ထုတ်ဖော်ပြောကြားသွားခဲ့သည်။ ၎င်းစီမံကိန်းသည် အများပြည်သူသုံး ဖုန်းအဟောင်းများနေရာတွင် တစ်စက္ကန့်လျှင် 1 gigabit မြန်နှုန်းဖြင့် အင်တာနက် အသုံးပြုနိုင်သော အရွယ်အစား ၉.၅ပေ ရှည်လျားသည့် Big Apple မှ ထုတ်လုပ်သော hub ထောင်ပေါင်းများစွာဖြင့် အစားထိုးသွားမည် ဖြစ်သည်။

အဆိုပါ စီမံကိန်းကို ပူးပေါင်းလုပ်ဆောင်ရန်အတွက် CityBridge အဖွဲ့အစည်းမှ ရရှိထားပြီး မြို့တော်ဘုတ်အဖွဲ့ဝင်များ အနေဖြင့် စီမံကိန်း တည်ဆောက်မှု မစတင်မီ စီမံကိန်း အတည်ပြုမှုများ လိုအပ်နေသေးကြောင်း သိရသည်။ CityBridge အဖွဲ့အစည်းတွင် အင်တာနက်ချိတ်ဆက်မှု နည်းပညာကို ကူညီပေးသွားရန် မိုဘိုင်းချစ်ပ်ထုတ်လုပ်သည့် Qualcomm ကုမ္ပဏီပါဝင်လာသည့်အပြင် မြို့တော်ရှိ အများပြည်သူသုံး ဖုန်းများတွင် ကြော်ငြာခြင်းနှင့် ထိန်းသိမ်းမှုများအတွက် Titan ကြော်ငြာ ကုမ္ပဏီမှ တာဝန်ယူ ဆောင်ရွက်ပေးသွားမည် ဖြစ်သည်။

ယခုစီမံကိန်းသည် လူအများမှ အင်တာနက် ပိုမိုအသုံးပြုနိုင်ရန်အတွက် အရေးကြီးသည့် ခြေလှမ်း ဖြစ်လာမည် ဖြစ်ကြောင်း နယူးယောက်စီးတီး မြို့တော်ဝန် ဘေးလ်ဒီဘလာချီယို၏ ဥပဒေဆိုင်ရာ အကြံပေးအဖွဲ့မှ မာယာဝိုင်လေက ပြောကြားခဲ့သည်။ ဆက်လက်ပြီး မာယာက Wi-Fi အသုံးပြုနိုင်သည့် hub များ တည်ဆောက်မည့် စီမံကိန်းသည် မြို့တော်ဝန်ဆောင်မှုများနှင့် အင်တာနက်ချိတ်ဆက် အသုံးပြုနိုင်ရန် မိုဘိုင်းကို မှီခိုအသုံးပြုနေရသည့် ဝင်ငွေနည်းပါးသော နယူးယောက်မြို့နေသူများ အတွက် အရေးပါလာမည် ဖြစ်ကြောင်း ပြောကြားသွားခဲ့သည်။

Ref: CNET