ဆက်သွယ်ရေး ဝန်ဆောင်မှု လုပ်ငန်းလိုင်စင် ထုတ်ပေးခဲ့သော ပြည်တွင်း၊ ပြည်ပကုမ္ပဏီ ၃၃ ခုအထိ ရှိလာ

IMG_7633.jpg

ဆက်သွယ်ရေးဝန်ဆောင်မှု လုပ်ငန်းလိုင်စင် ထုတ်ပေးခဲ့သော ပြည်တွင်း၊ ပြည်ပကုမ္ပဏီ ၃၃ ခုအထိ ရှိလာကြောင်း ဆက်သွယ်ရေးနှင့် သတင်းအချက်အလက် နည်းပညာ ဝန်ကြီးဌာနမှ သိရသည်။

ယခုလအတွင်း လိုင်စင် ၆ ခုကို ထုတ်ပေးခဲ့ပြီးဖြစ်ကြောင်း စာရင်းများအရ သိရသည်။ အဆိုပါလိုင်စင် ထုတ်ပေးခဲ့သော ကုမ္ပဏီများမှာ Kinetic Myanmar Technology, Actice Business Consolidation Services Co.,Ltd, Be The First Co.,Ltd, Yatanarbon Fiber Services Co.,Ltd, Eco Friendly Tower Co.,Ltd နှင့် Union Internet Co.,Ltd တို့ဖြစ်ကြောင်း တွေ့ရသည်။

ယခုလအတွင်း ယင်းကုမ္ပဏီ ခြောက်ခုအား ထုတ်ပေးခဲ့သော လိုင်စင်အမျိုးအစားများမှာ Network Service Licence, Network Facilities Service (Class) Licence, Network Facilities Service (Individual) Licence တို့ဖြစ်ကြောင်း သိရသည်။ ဆက်သွယ်ရေးနှင့် သတင်းအချက်အလက် နည်းပညာဝန်ကြီးဌာန၊ ဆက်သွယ်ရေးညွှန်ကြားမှု ဦးစီးဌာနမှ ဆက်သွယ်ရေးဝန်ဆောင်မှု လုပ်ငန်းလိုင်စင် လာရောက်လျှောက်ထားသူများအား ဆက်သွယ်ရေးဥပဒေ၊ နည်းဥပဒေများနှင့် အညီ စိစစ် ထုတ်ပေးကြောင်း၊ ဆက်လက်လျှောက်ထားလာသော ပြည်တွင်း၊ ပြည်ပကုမ္ပဏီများအား စိစစ်၍ လိုင်စင်များ ထုတ်ပေးနိုင်ရန် ဆောင်ရွက်လျက် ရှိကြောင်း ပြောကြားထားသည်။

ဆက်သွယ်ရေးဆိုင်ရာ လုပ်ငန်းလိုင်စင်များကို ၂၀၁၅ ခုနှစ် နှစ်အစပိုင်းမှ စတင်၍ထုတ်ပေးခဲ့ခြင်းဖြစ်ကြောင်း၊ ပြည်ပမှ ဝင်ရောက်လာသည့် ဆက်သွယ်ရေး အော်ပရေတာများ အပါအဝင် နည်းပညာကုမ္ပဏီ အားလုံးကို လိုင်စင်သက်တမ်း ၁၅ နှစ်ကြာ ထုတ်ပေးခြင်းဖြစ်ကြောင်း သိရသည်။

ခွင့်ပြုခဲ့သည့် လိုင်စင်အမျိုး အစားများအနေဖြင့် Nation Telecommunications လိုင်စင်, Network Facilities Service (Individual) လိုင်စင်၊ Network Facilities Service (Class) Application Service လိုင်စင်၊ Network Facilities Service (Class) လိုင်စင် စသည်တို့ ပါဝင်ကြောင်း တွေ့ရသည်။

အဆိုပါလိုင်စင်များအနက် Nationwide Telecommunications Licences ကို လက်ရှိဝန်ဆောင်မှု ပေးအပ်နေသည့် ဆက်သွယ်ရေး အော်ပရေတာ သုံးခုကို ပေးခဲ့ပြီးဖြစ်သည်။ လိုင်စင်ထုတ်ပေးခြင်းဆိုင်ရာ နည်းဥပဒေအရ လိုင်စင်သက်တမ်းများကို ငါးနှစ်မှ ၂၀ နှစ်အထိ သတ်မှတ်ပေးနိုင်ကြောင်း သိရသည်။