၂၀၁၅ ခုနှစ်အတွက် The Honda Young Engineer and Scientist ဆုကို မြန်မာကျောင်းသားများ လျှောက်ထားနိုင်

MAJA-Facebook.jpg

Honda Foundation နှင့် Myanmar Association of Japan Alumni (MAJA ) တို့မှ ပူးပေါင်း ပေးအပ်သော The Honda Young Engineer and Scientist’s  Award ကို မြန်မာ ကျောင်းသားများ လျှောက်ထားနိုင်မည် ဖြစ်ကြောင်း သိရသည်။

အဆိုပါ ဆုမှာ ပညာသင် ထောက်ပံ့ကြေးဆုဖြစ်ပြီး  လာရောက် လျှောက်ထားသော ကျောင်းသား၊ ကျောင်းသူများ ထဲမှ နှစ်ဦးကို ရွေးချယ်ကာ ပညာသင် ထောက်ပံ့ကြေး အဖြစ် ကန်ဒေါ်လာ ၃,၀၀၀ ပေးအပ်မည် ဖြစ်သည်။

၎င်းဆုကို ရန်ကုန်နည်းပညာတက္ကသိုလ်၊ မန္တလေးနည်းပညာတက္ကသိုလ်၊ ရန်ကုန်အနောက်ပိုင်း နည်းပညာတက္ကသိုလ်၊ နည်းပညာတက္ကသိုလ် (သန်လျင်)၊ နည်းပညာတက္ကသိုလ် (မှော်ဘီ) စသည့် တက္ကသိုလ်များတွင် နောက်ဆုံးနှစ် သို့မဟုတ် စတုတ္ထနှစ်တွင် ပညာသင်ကြားလျက်ရှိသော အသက် ၂၅ နှစ်နှင့် ၂၅ နှစ် အောက် ကျောင်းသား၊ ကျောင်းသူများ လာရောက်လျှောက်ထားနိုင်မည်ဖြစ်သည်။

လျှောက်ထားလိုသူများသည် ဇွန်လ ၁၅ ရက်မှ ၁၆ ရက် အထိ MAJA ရုံးခန်းတွင် လျှောက်ထားနိုင်မည်ဖြစ်ပြီး ဇူလိုင်လ ၁၁ ရက်တွင် စာမေးပွဲဖြေဆိုရမည် ဖြစ်သည်။ လျှောက်လွှာနှင့် အတူ ဓာတ်ပုံနှစ်ပုံ ( 3×4 cm ၊ ၃ လအတွင်း ရိ်ုက်ကူးထားသော ဓာတ်ပုံဖြစ်ရမည်၊ ဓာတ်ပုံနောက်ကျောဘက်တွင် အမည်နှင့် ကျောင်း အမည်ကို ရေးသားထားရမည်။)၊ လက်ရှိကျောင်း သားဖြစ်ကြောင်းနှင့် တက်ရောက်နေသော အတန်း ထောက်ခံစာ ( မိတ္တူ )၊ မှတ်ပုံ တင်မိတ္တူ၊ ကျောင်းတွင် သင်ယူနေသော ဘာသာရပ်နှင့် ပတ်သက်၍ ကိုယ်တိုင် ပါဝင် လုပ်ဆောင် ခဲ့ဖူးသော လှုပ်ရှားမှုများ၊ တီထွင်မှုများရှိပါက ပူးတွဲတင်ပြရမည် ဖြစ်သည်။

လျှောက်လွှာ ပုံစံများကို MAJA ရုံးခန်း၊ အခန်းအမှတ် ၇၀၇၊ အဆောက်အဦ စီ၊ ၇ လွှာ၊ ပုလဲကွန်ဒို၊ ဗဟန်းမြို့နယ် ဖုန်း – ၀၉-၈၆၁၂၁၅၁၊ ၀၉-၈၆၁၃၈၄၈ တွင်လာရောက် ထုတ်ယူနိုင်မည် ဖြစ်သည်။