Android M နှင့်ပတ်သက်၍ သိထားသင့်သော အချက်များ

3.jpg

ပြီးခဲ့သည့်ရက်များ အတွင်း ဆန်ဖရန်စ္စကိုမြို့တွင် ပြုလုပ်ခဲ့သည့် Google I/O 2015 တွင် Android M developer previw ကိုမိတ်ဆက်ခဲ့သည်။ အဆိုပါ ကွန်ဖရင့်တွင် Android ဗားရှင်းသစ်အတွက် အခြေခံများကို ပြန်လည် သုံးသပ်သွားမည် ဖြစ်ကြောင်း Google ထုတ်ကုန်ဆိုင်ရာ အကြီးတန်း ဒုဥက္ကဌဆန်း ဒါပီချိုင်းက ပြောကြားခဲ့သည်။ Android Lollipop တွင် အမြင်သစ်များကို မိတ်ဆက်ပေးနိုင်ခဲ့ရာAndroid M OS တွင် အမြင်မဆန်းသော်လည်း သုံးစွဲရာ၌ တည်ငြိမ်မှုနှင့် တိုးတက်မှု ရှိလာစေရန် ပြုလုပ်ပေးသွားမည် ဖြစ်သည်။ Google I/O ကွန်ဖရင့်တွင် ကုမ္ပဏီ၏ အင်ဂျင်နီယာဆိုင်ရာ ဒုဥက္ကဌဒေးဗစ်ဘာ့ခ်က Android M အဓိက feature ၆ ခုကို အကျဉ်းချုပ် မိတ်ဆက်ခဲ့သည်။

(၁) App နှင့်သက်ဆိုင်သော ခွင့်ပြုချက်များ

လူအများအပြားက ခန့်မှန်းခဲ့ကြသည့်အတိုင်းပင် Android M သည် app permission များကို ပြန်လည် စစ်ဆေး ပြုပြင်ပေးထားသည်။ ထို့ကြောင့် သုံးစွဲသူများသည် သင့်တော်မှုရှိသော permission များကို လက်ခံနိုင်သလို ငြင်းဆိုမှုများလည်း ပြုလုပ်နိုင်ပြီး app နှင့်သက်ဆိုင်သော ခွင့်ပြုချက်များကို လွယ်ကူစွာ ပြုလုပ်နိုင်သည်။

ယခုအခါတွင် appများအား install ပြုလုပ်ချိန်တွင် app permission များကိုတောင်းဆိုမည် မဟုတ်ဘဲ ၎င်း feature ကို ပထမဆုံးအကြိမ် အသုံးပြုချိန်မှသာ app နှင့် သက်ဆိုင်သည့် ခွင့်ပြုချက်များကိုတောင်းဆိုသွားမည် ဖြစ်သည်။ သုံးစွဲသူများအနေဖြင့် အကျိုးမရှိသည့် ခွင့်ပြုချက်များကို သဘောတူညီစရာ မလိုအပ်ကြောင်း ဘာ့ခ်ကပြောကြားခဲ့ပြီးWhatsApp ကို အသုံးပြု၍ ၎င်း feature ကိုစမ်းသပ်ပြခဲ့သည်။

WhatsApp တွင် voice message အသုံးပြုလိုပါက သုံးစွဲသူများအနေဖြင့် miscအသုံးပြုရန် တစ်ကြိမ်ခန့် တောင်းဆိုမှုများပြုလုပ်ရသည်။ အကယ်၍ voice message ကိုဆက်လက်အသုံးပြုလိုပါက ခွင့်ပြုချက် တောင်းဆိုရန် မလိုအပ်တော့ပေ။ Android M သည် သုံးစွဲသူများကို app များ၏ သတင်းအချက် အလက်များကို ထိန်းချုပ်နိုင်ရန် ပြုလုပ်ပေးထားသောကြောင့် Android အတွက်အပြု သဘောဆောင်သော ခြေလှမ်းတစ်ရပ်ဖြစ်သည်။

သုံးစွဲသူများအနေဖြင့် Settings အတွင်းရှိ later date တွင် app များ၏ ခွင့်ပြုချက်များ(permissions) ကို ပြုပြင်နိုင်သလို ပုံစံအမျိုးမျိုးဖြင့် ပေးထားသော permissions များကိုကြည့်ရှုနိုင်ပြီး ခွင့်ပြုချက်များ ရရှိထားသော app များကို မြင်တွေ့ရမည် ဖြစ်သည်။ အဆိုပါ feature သည် Android အားသုံးစွဲသူများ အပြည့်အဝ ထိန်းချုပ်ခွင့်များ ဖန်တီးပေးထားသည်။

(၂) ဝက်ဘ်ကိုအသုံးပြုခြင်း

Google သည် ဝက်ဘ်ဆိုက်နှင့် app များအသုံးပြုရာတွင် သုံးစွဲသူများအား ပိုမိုကောင်းမွန်သည့် အတွေ့အကြုံများ ထောက်ပံ့ပေးရန် ဝက်ဘ်ဆိုင်ရာ content ရှိ ရေစီးကြောင်းများကို စူးစမ်းရှာဖွေလျက် ရှိသည်။ “Chrome Custom Tabs ဟာ အတွေ့အကြုံခံစားမှုနှင့် ပုံသဏ္ဍာန်တွေကိုထိန်းချုပ်ထားဆဲဖြစ်တဲ့ Chrome ရဲ့အသုံးချနိုင်စွမ်းအားလုံးကို developer များထိန်းချုပ်ခွင့် ပေးထားတဲ့ feature သစ်တစ် ခုဖြစ်ပါတယ်” ဟုဘာ့ခ်ပြောကြားခဲ့သည်။

Chrome Custom Tabsသည် app များတွင် Chrome app အားသီးခြားဖွင့်၍ အသုံးပြုခြင်း အစားစိတ်ကြိုက်ပြင်ဆင်အသုံးပြုနိုင်သော Chrome window ကိုအသုံးပြု app အပေါ်ဘက်တွင် အသုံးပြုနိုင်မည် ဖြစ်သည်။ အဆိုပါ လုပ်ဆောင်ချက်သည် app များနှင့် web အသုံးပြုမှုအကြားပြောင်းလဲအသုံးပြုသည့်အခါ ပိုမိုမြန်ဆန်လာမည် ဖြစ်သည်။

Chrome Custom Tabs သည် app နှင့် ဝက်ဘ်အတွေ့အကြုံများပေါင်းစပ်ခြင်းတွင် အလိုအလျောက် sign-in, saved passwords, autofill နှင့် multi-process security ထောက်ပံ့မှုများကိုလည်း ထည့်သွင်းပေးထားသည်။ ဥပမာအားဖြင့် Pinterest custom tab တွင် Pinterest share ခလုတ်ထည့်သွင်းထားပြီး  overflow menu option များပါဝင်လာနိုင်သောကြောင့် Pinterest developer များသည် ကိုယ်ပိုင် web browser တည်ဆောက်ရန် မလိုအပ်တော့ပေ။

(၃) လက်ဗွေထောက်ပံ့မှု

Google သည် Android M အသုံးပြုထားသောဖုန်းများရှိလက်ဗွေဖတ်စနစ်များ(fingerprint scanners) အတွက် စံသတ်မှတ်မှုကို သတ်မှတ်ပေးသွားမည် ဖြစ် သည်။ ၎င်းလုပ်ဆောင်ချက်အသစ်သည် လက်ဗွေဖတ် စနစ်ဖြင့် ဖုန်းများကို unlock ပြုလုပ်ရုံမကဘဲ Play Store app များအတွင်းသို့မဟုတ် ဆိုင်များ shopping ပြုလုပ်ရာတွင် ဝယ်ယူမှုများလည်း ပြုလုပ်နိုင်မည် ဖြစ်သည်။

ထိုသို့ပြုလုပ်ရန် သုံးစွဲသူ၏ ထုတ်ကုန်တွင် hardware လက်ဖွေဖတ် စနစ်များပါဝင်ရမည် ဖြစ်သည်။ လာမည့်အနာဂတ်တွင် ထွက်ပေါ်လာမည့် စမတ် ထုတ်ကုန်များစွာတွင် Google ၏ထောက်ပံ့မှု အပြည့်အစုံကိုမြင်တွေ့ရဖွယ်ရှိသည်။

(၅) မိုဘိုင်းငွေပေးချေမှုစနစ်

Android Pay သည်ငွေပေးချေမှု လုပ်ငန်းစဉ်များကိုလွယ်ကူမြန်ဆန်ဆောင်ရွက်နိုင်ရန် ဒီဇိုင်းထုတ်ထားသော Google ၏မိုဘိုင်းငွေပေးချေမှု စနစ်သစ်ဖြစ်သည်။ Google သည် Android Pay ကိုရိုးရှင်းမှုခြင်း၊ လုံခြုံမှု ရှိခြင်းနှင့် ရွေးချယ်ထောက်ပံ့မှုများ ပြုလုပ်နိုင်ရန် ရည်မှန်းလျက်ရှိသည်။ သုံးစွဲသူများသည် Android Pay ဖြင့် လက်ရှိအကြွေးဝယ်ကတ်များအသုံးပြု၍ အမေရိကန်ရှိစတိုးဆိုင် ၇၀၀,၀၀၀ကျော်တွင် ထုတ်ကုန်များ ဝယ်ယူနိုင်ရန် ဆောင်ရွက်ပေးမည် ဖြစ်သည်။

Android Pay platform ကို Android 4.4 KitKat နှင့်အထက် NFC ထောက်ပံ့မှု ပါဝင်သည့် ထုတ်ကုန်များ ဖြင့်တွဲဖက်အသုံးပြုနိုင်သည်။ ထို့အပြင် Android Pay အား American Express, Visa, Mastercard နှင့် Discover အပါအဝင် AT&T, Verizon နှင့် T-Mobile ကဲ့သို့ ဆက်သွယ်ရေး ကုမ္ပဏီများကလည်းထောက်ပံ့ မှုပေးထားသည်။

(၅) App link များကိုဖွင့်ခြင်း

“သုံးစွဲသူတစ်ဦးကတစ်နေရာကweblinkတစ်ခုကိုရွေးချယ်လိုက်တဲ့အခါမှာ Android ကဝက်ဘ် browser မှာဖော်ပြမလားဒါမှမဟုတ် link အတွက် ထောက်ပံ့ ထားတဲ့ အခြား app အချို့မှာဖော်ပြရမလားဆိုတာမသိပါဘူး” ဟုဘာ့ခ်ကပြောကြားခဲ့သည်။ အဆိုပါ ပြဿနာသည် Android M မတိုင်မီက Google developer များအတွက် ပြဿနာတစ်ခု ဖြစ်ခဲ့သည်။

သုံးစွဲသူများသည် Android ရှိ app အတွင်း link တစ်ခုဖွင့်ရန် ကြိုးစားသည့်အခါ “Open with” dialogue box ကိုမြင်တွေ့ရမည် ဖြစ်သည်။ ဥပမာအားဖြင့် သုံးစွဲသူများသည် link အား YouTube သို့မဟုတ် Chrome  ဖြင့်ဖွင့်ရန် တောင်းဆိုမှုကို မြင်တွေ့ရမည် ဖြစ်သည်။

Android M တွင် Appများ၌ link များကိုတိုက်ရိုက်ဖွင့်နိုင်ရန်ပြောင်းလဲမှုများ ပြုလုပ်ထားပြီး dialog box အားမြင်တွေ့ရတော့မည် မဟုတ်ပေ။ အကယ်၍ သုံးစွဲသူအနေဖြင့် အီးမေးလ်အတွင်းရှိ Twitter link ကို tap ပြုလုပ်၍ ဖွင့်သည့်အခါ Twitter app ၌ဖော်ပြပေးမည် ဖြစ်သည်။

(၆) ပါဝါနှင့် အားသွင်းခြင်း

Android M တွင်စမတ်ထုတ်ကုန် standby time များတိုးတက်မှု ရှိလာစေရန် Doze ဟုအမည်ရသည့် လုပ်ဆောင်ချက်အသစ် ပါဝင်လာသည်။ Background process များကိုလျှော့ချရန် လှုပ်ရှားမှု ခြေရာခံခြင်းများ အသုံးပြုထားသောကြောင့် Android အနေဖြင့် သုံးစွဲသူက အိပ်ပျော်နေချိန်သို့မဟုတ် စားပွဲပေါ်တွင် စမတ် ထုတ်ကုန်ကို တင်ထားခြင်းကဲ့သို့ ထုတ်ကုန်အား အသုံးမပြုသည့်အချိန်၌ အသိအမှတ်ပြုမှုများ ပြုလုပ်ပေးမည် ဖြစ်သည်။

Google သည် Nexus 9 ထုတ်ကုန်နှစ်ခုကို စမ်းသပ်ခဲ့ကြောင်း၊ ထုတ်ကုန် တစ်ခုချင်းတွင် Lollipop နှင့် Android M preview တို့ကိုအသုံးပြုထားကြောင်း၊ M အနေဖြင့် standby time နှစ်ဆခန့် ပိုမိုသာလွန် ကြောင်းကိုတွေ့ရှိရကြောင်း ဘာ့ခ်ကပြောဆိုခဲ့သည်။ Doze mode ဝင်နေချိန်မှာပင် Android သည် alarm များသို့မဟုတ် အရေးပါသော သတိပေးချက်များကို အကြောင်းကြားပေးမည် ဖြစ်သည်။

Android M သည် အားသွင်းရပိုမိုမြန်ဆန်သော USB Type-C ကိုလည်း ထောက်ပံ့ပေးထားပြီး သုံးစွဲသူများ၏ ဖုန်းများဖြင့် အခြား ထုတ်ကုန်ကိုလည်း အားသွင်းနိုင်မည်ဖြစ်သည်။

Android M ထွက်ရှိမည့်ရက်

ယခုအခါတွင် Android M Developer Preview သည် Nexus 5, Nexus 6, Nexus 9 နှင့် Nexus Player တို့တွင် ထွက်ရှိနေပြီ ဖြစ်ပြီး ၂၀၁၅ခုနှစ် တတိယသုံးလပတ်၌ နောက်ဆုံး Android M ဗားရှင်းထွက်ရှိလာမည် ဖြစ်သည်။