အမေရိကန်ပြည်ထောင်စုသို့ သုံးပတ်တာ သွားရောက်ရမည့် Southeast Asia Youth Leadership Program သို့ လျှောက်ထားနိုင်

Southeast-Asia-Leadership-Program.gif

အမေရိကန်ပြည်ထောင်စုသို့ သုံးပတ်တာ သွားရောက်ရမည့် လူငယ်ဖွံ့ဖြိုးရေး ခေါင်းဆောင်မှု၊ ပရိုဂရမ် Southeast Asia Youth  Leadership Program (SEAYLP) သို့ ဒီဇင်ဘာလ ၅ ရက် နောက်ဆုံး ထား၍ လျှောက်ထားနိုင်ကြောင်း သိရှိရသည်။

Southeast Asia Youth Leadership Program (SEAYLP) သည် အမေရိကန် ပြည်ထောင်စုသို့ သုံးပတ်တာ သွားရောက်ရမည်ဖြစ်ပြီး ခေါင်းဆောင်မှုနှင့် လူငယ်ဖွံ့ဖြိုးမှုအတွက်  ရည်ရွယ်သော exchange ပရိုဂရမ် တစ်ခုလည်း ဖြစ်သည်။ အဆိုပါ ပရိုဂရမ်ပြီးမြောက်ပါက ၂၀၁၅ ခုနှစ်တွင် မိခင်တိုင်းပြည်လူထု အတွင်း ပရောဂျက်များ ဆက်လက် ပြုလုပ် ရမည်ဖြစ်ကြောင်း သိရသည်။

လျှောက်ထားရန် လိုအပ်ချက် အနေဖြင့် အသက် ၁၅ နှစ်မှ ၁၇ နှစ်အတွင်း ဖြစ်ရမည်ဖြစ်ပြီး မြန် မာနိုင်ငံရှိ ကျောင်း၊ တက္ကသိုလ် များတွင် လက်ရှိကျောင်းတက် ရောက်နေသော အထက်တန်း (သို့) တက္ကသိုလ် ပထမနှစ် ကျောင်းသား၊ ကျောင်းသူများ ဖြစ်ရမည်ဖြစ်သည်။ ထို့အပြင် လူထုလုပ်ဆောင်မှုများ၊ အများပြည်သူ အကျိုးပြုလုပ်ငန်းများတွင် စိတ်ပါဝင်စားသူ ဖြစ်ရမည်ဖြစ်ပြီး ပညာရေးနှင့် လူမှုရေးစွမ်းရည်များ တွင် ကောင်းမွန်ရမည်ဖြစ်သည်။ ခေါင်းဆောင်နိုင်ရမည့်အပြင် ရင့်ကျက်ပြီး သဘောထားကြီးသူ ဖြစ်ရမည်။

အရွယ်ရောက်ပြီး သော  လျှောက်ထားသူများသည် ဆရာ (သို့မဟုတ်) လူငယ်များနှင့် လက်တွဲလုပ်ဆောင်သော လူထုအခြေပြု ခေါင်းဆောင် ဖြစ်ရမည်။ ခေါင်းဆောင်မှု စွမ်းရည်ကို ပေါ်လွင်အောင် ဖော်ပြနိုင် ရမည့်အပြင် လူငယ်များအား စွမ်းရည်မြှင့်တင် ပေးရန် စိတ်ပါဝင်စားသူ ဖြစ်ရ မည်။ ပရိုဂရမ် ပြီးဆုံး၍ အမေရိ ကန် ပြည်ထောင်စုမှ ပြန်သည့် အချိန်တွင် အခြားသော SEAYLP ပရိုဂရမ်ပါဝင်သူများနှင့် အလုပ်အတူတူ တွဲလုပ်ရန် ကတိခံဝန်ချက် ပေးနိုင်သူ ဖြစ်ရမည်။ လျှောက်ထားသူ နှစ်မျိုးနှစ်စားစလုံး အတွက် ထောက်ခံပေးမည့် သူတစ်ဦးလည်း လိုအပ်မည် ဖြစ်သည်။

အဆိုပါ ပရိုဂရမ်တွင် အလုပ်ရုံဆွေးနွေးပွဲများ၊ ခေါင်းဆောင်မှု စွမ်းရည် လေ့ကျင့်ပေးမှုများ၊ အပြန်အလှန် ဆွေးနွေးပေးသော Session များ၊ အဖွဲ့လိုက် လုပ် ဆောင်ရမည့် လေ့ကျင့်ခန်းများ သင်ရိုးပြင်ပ လှုပ်ရှားမှုများ၊ အမေ ရိကန်နိုင်ငံသား မိသားစုဝင်များ၏  အိမ်တွင် Homestays နေထိုင်ရ မည့် အစီအစဉ်များလည်း ပါဝင် မည် ဖြစ်သည်။

အသေးစိတ် သိရှိလိုသူများ အနေဖြင့် http://burma.usembassy.gov/asia-youth.html တွင် လေ့လာနိုင်ပြီး အမေရိကန် သံရုံး ဖုန်း-၅၃၆၅၀၉၊ ၅၀၅၁၁၃ လိုင်းခွဲ ၄၃၆၉ သို့ ဆက်သွယ် စုံစမ်းမေးမြန်းနိုင်သည်။