ဖောက်ထွင်းမြင်နိုင်သည့် OLED display panel ကို Samsung မိတ်ဆက်ပြသ

18900_10152989471452825_8949027901350593438_n.jpg

Samsung သည် ၅၅ လက်မအရွယ် OLED display နှစ်မျိုးကို ဟောင်ကောင်ကွန်ဗန်းရှင်းစင်တာတွင် ပြုလုပ်ခဲ့သော ကုန်စည်ပြပွဲတစ်ခုတွင် မိတ်ဆက်ပေးခဲ့သည်။ ၎င်း display နှစ်မျိုးအနက် တစ်မျိုးမှာ ဖောက်ထွင်းမြင်နိုင်သည့် display ဖြစ်ပြီး ကျန်တစ်မျိုးမှာ မှန်ကဲ့သို့ ပုံရိပ်ထင်နိုင်သည့် display ဖြစ်သည်။

အဆိုပါ display များကို ကနဦးတွင် လက်လီအရောင်းဆိုင်များ၌ ထားရှိသွားမည်ဖြစ်ပြီး ၎င်းသည် ဈေးဝယ်သူများကို ပိုမိုဆွဲဆောင်မှု ရှိစေပြီး ဈေးဝယ်ယူမှု ပုံစံကို ပြောင်းလဲရာတွင် အထောက်အကူ ဖြစ်စေမည်ဟု Samsung က ဆိုထားသည်။

၎င်း display များတွင် ပါဝင်သည့် Intel ၏ Real Sense နည်းပညာသည် display ကို virtual အဝတ်လဲခန်းတစ်ခုအသွင် အသုံးပြုနိုင်စေမည် ဖြစ်သည်။ အဆိုပါ နည်းပညာတွင် အဆင့်မြင့် 3D ကင်မရာများအပြင် အသံနှင့် ကိုယ်အမူအရာ ထိန်းချုပ်မှုစနစ် ပါဝင်သောကြောင့် ဈေးဝယ်သူအနေဖြင့် အဝတ်အစားနှင့် လက်ဝတ်လက်စားများကို ပြင်ပတွင် ဝတ်ဆင်ထားသကဲ့သို့ item များကို မဝယ်ယူမီ display ပေါ်တွင် သင့်လျော်မှန်ကန်သော ရှုထောင့်အမျိုးမျိုးမှ စမ်းသပ်ဝတ်ဆင်နိုင်မည် ဖြစ်သည်။

ထို့အပြင် mirror OLED နည်းပညာသည် တစ်ချိန်ချိန်တွင် အိမ်များရှိ မှန်များကို အစားထိုးနိုင်ဖွယ်ရှိကြောင်း Samsung မှ ပြောကြားခဲ့သည်။

Ref: CNET