အခမဲ့ ရောင်းဝယ် ကြော်ငြာနိုင်သည့် ဝက်ဘ်ဆိုက် ပုံစံ အသစ်ဖြင့် ပြန်လည် မိတ်ဆက်

ads.jpg

ပုံစံအသစ်ပြောင်းလဲထားသော အခမဲ့ကြော်ငြာ ၀က်ဘ်ဆိုက်ဖြစ်သည့် www.ads.com.mm ကို ပြန်လည် မိတ်ဆက်ခဲ့သည်။

အဆိုပါဝက်ဘ်ဆိုက်မှာ ပစ္စည်းအသစ်များအပြင် တစ်ပတ်ရစ်ပစ္စည်းများကိုပါ ရောင်းဝယ်နိုင်ရန် ဆောင် ရွက်ထားခဲ့ခြင်းဖြစ်ပြီး ပစ္စည်းတစ်ခုချင်းစီအလိုက် ကဏ္ဍခွဲကာ အလွယ်တကူ ရှာဖွေနိုင်ရန် ဆောင်ရွက် ထားသည် ဟုဆိုသည်။

“Desktop ရော၊ မိုဘိုင်းဗားရှင်းအတွက်ရော နှစ်ခုစလုံး အသုံးပြုနိုင်မှာပါ။ ပစ္စည်း အရောင်းအဝယ် တင်မကဘဲ ကျောင်းသားတွေအတွက် အချိန်ပိုင်း အလုပ် ရှာနိုင်မယ့် ကဏ္ဍကိုလည်း ထည့်သွင်းပေးထားပါတယ်၊ ဒီဝက်ဘ်ဆိုက်ကနေ ပစ္စည်းတွေရောင်းချတာမျိုး မဟုတ်ဘဲ ရောင်းသူ၊ ဝယ်သူတွေကို ချိတ်ဆက်ပေးရုံ သပ်သပ်ပါ” ဟု ads.com.mm ၏ Country Manager Mr.Nico Poma က ပြောသည်။

အဆိုပါဝက်ဘ်ဆိုက်တွင် ပစ္စည်းတစ်ခုခု ရောင်းချလိုပါက ကြော်ငြာတင်မည့်နေရာတွင် အချက်အလက်များ ဖြည့်စွက်၍ အလွယ်တကူ တင်နိုင်မည်ဖြစ်ကြောင်း၊ ပစ္စည်းတစ်ခုခု ဝယ်ယူလိုပါကလည်း ဝက်ဘ်ဆိုက်ထဲ ဝင်ရောက်ကာ မိမိကြိုက်နှစ်သက်သည့် ပစ္စည်းပါ ဖုန်းနံပါတ် သို့မဟုတ် အီးမေးလ်မှတစ်ဆင့် ဆက်သွယ် ဝယ်ယူနိုင်မည်ဖြစ်ကြောင်း သိရသည်။ တစ်ပတ်ရစ်ဖုန်းများ၊ ကွန်ပျူတာပစ္စည်းများ အစရှိသည်တို့ကို ရောင်းချနိုင်မည်ဖြစ်ကာ ဝန်ဆောင်ခ၊ ကော်မရှင်ခ ပေးစရာ မလိုကြောင်း၊ အင်တာနက်ရရှိသည့် မည်သည့်နေရာမှ မဆို ရောင်းဝယ်နိုင်မည်ဖြစ်ကြောင်း သိရသည်။

ရန်ကုန်၊ မန္တလေးမြို့ကြီးများတွင် သာမကဘဲ မြန်မာနိုင်ငံရှိ ပြည်နယ်နှင့် တိုင်းဒေသကြီး မြို့များအလိုက် ရောင်းနိုင်၊ ဝယ်နိုင်ရန် ခွဲခြားပေးထားသည် ကို တွေ့ရသည်။ လက်ရှိတွင် အဆိုပါဝက်ဘ်ဆိုက်တွင် ပစ္စည်းအ မျိုးအစားပေါင်း သုံးသောင်းကျော်ကို ရောင်းနိုင်၊ ၀ယ်နိုင်ရန် ဆောင်ရွက်ထားကြောင်း၊ မြန်မာ-အင်္ဂလိပ် နှစ်ဘာသာဖြင့် အသုံးပြုနိုင်ပြီး လစဉ် ၀က်ဘ်ဆိုက်ကို ကြည့်ရှုသူပေါင်း ခုနစ်သောင်းကျော်ရှိကြောင်း သိရ သည်။