မန္တလေးမြို့တွင် MPT ၏ အရောင်းဆိုင်ခန်း စတင်ဖွင့်

11082326_681211881979561_1185272471016752684_o.jpg

မန္တလေးမြို့တွင် မြန်မာ့ဆက်သွယ်ရေးလုပ်ငန်း၏ အရောင်းဆိုင်ခန်းကို ဇွန်လ ၈ ရက်တွင် စတင် ဖွင့်လှစ်လိုက်ကြောင်း သိရသည်။

အဆိုပါဆိုင်မှာ မြန်မာဆက်သွယ်ရေးလုပ်ငန်း၏ တတိယမြောက်ဆိုင်ဖြစ်ပြီး ၈၄ လမ်း၊ ၃၃လမ်းနှင့် ၃၄ လမ်းတောင့်၊ ချမ်းအေးသာဇံမြို့နယ်တွင် ဖွင့်လှစ်ခဲ့ခြင်း ဖြစ်ကြောင်း သိရသည်။

ရန်ကုန်တွင် အဆိုပါဆိုင်နှစ်ဆိုင် ဖွင့်လှစ်ထားပြီး ယင်းဆိုင်များတွင် ငွေဖြည့်ကတ်များ၊ အီလက်ထရောနစ် ငွေဖြည့်ကတ်များ အစရှိသည် တို့အပြင် မြန်မာ့ ဆက်သွယ်ရေး လုပ်ငန်း၏ ဖုန်းများနှင့်ပတ်သက်၍ ဝန်ဆောင်မှုများ ရရှိမည်ဖြစ်ကြောင်း သိရသည်။ မြန်မာ့ဆက်သွယ်ရေးလုပ်ငန်း အရောင်းဆိုင်များ နိုင်ငံ တစ်ဝန်းလုံး ဖွင့်လှစ်ရန်ဆောင်ရွက်သွားမည် ဖြစ်ကြောင်း သိရသည်။

အဆိုပါဆိုင် (Brand Shop) များကို ရန်ကုန်၊ မန္တလေး၊ နေပြည်တော်တို့တွင် ကနဦး ဖွင့်လှစ်သွားမည်ဖြစ်ပြီး ၎င်းနောက် အခြားပြည်နယ်နှင့် တိုင်းဒေသကြီးများ တွင်ပါ ဆက်လက် တိုးချဲ့ သွားမည်ဖြစ်ကြောင်း၊ ကနဦးအနေဖြင့် ရန်ကုန်တွင် ငါးဆိုင်၊ မန္တလေးတွင် သုံးဆိုင်၊ နေပြည်တော်တွင် နှစ်ဆိုင် ဖွင့်လှစ်သွားရန် စီစဉ်နေကြောင်း၊ နောက်ပိုင်း အခြားပြည်နယ်နှင့် တိုင်းဒေသကြီးများတွင်ပါ တစ်နေရာ နှစ်ဆိုင်နှုန်း ဖွင့်သွားမည်ဖြစ်ကြောင်း မြန်မာ့ ဆက်သွယ်ရေး လုပ်ငန်းမှ သိရသည်။ ယင်းနောက် ခရိုင်မြို့ကြီးများတွင်ပါ ဆက်လက် ဖွင့်လှစ်သွားမည်ဖြစ်ကြောင်း သိရသည်။

ရန်ကုန်ရှိ စာတိုက်ကြီးအနီးတွင် တစ်ဆိုင်၊ တောင်ဥက္ကလာပမြို့နယ်၊ သံသုမာလမ်းတွင် တစ်ဆိုင် ဖွင့်လှစ်ထားသည်။ အဆိုပါဆိုင်များတွင် MPT မှထုတ်သော ထုတ်ကုန်များ တိုက်ရိုက်ရောက်းချခြင်းနှင့် Customer Care တို့ကိုလည်း ဆောင်ရွက်သွားမည်ဟု ဆိုသည်။