အခန်းတွင်းရှိ လေထုညစ်ညမ်းမှုကို စောင့်ကြည့်ပေးသော Laser Egg gadget ကို တရုတ်ကုမ္ပဏီ မိတ်ဆက်

Origins-Detector-Board-1.jpg

ဘေကျင်းအခြေစိုက် Origins Technology သည် Laser Egg ဟုအမည်ရသော နောက်ဆုံးပေါ် ထုတ်ကုန်တစ်မျိုးကို မိတ်ဆက်ခဲ့သည်။ အဆိုပါ ထုတ်ကုန်သည် အိမ်နှင့်အသေးစား လုပ်ငန်းများတွင် လေထုညစ်ညမ်းမှုကို တိကျစွာစောင့်ကြည့် ပေးမည်။

၎င်း gadget ကို ယွမ် ၃၇၉ (ကန်ဒေါ်လာ ၆၂) ဖြင့်ရောင်းချ သွားမည်ဖြစ်ပြီး ဘက်ထရီ ပါဝင်သည့်အပြင် လက်တစ်ဖက်တည်းဖြင့် အလွယ်တကူ သယ်ဆောင်သွားနိုင်သည်။ ထို့အပြင် gadget ၏မျက်နှာစာ display တွင်လက်ရှိ တိုင်းတာရရှိသည့် လေအရည်အသွေးကို ပြသပေးမည် ဖြစ်သည်။ Origins ကုမ္ပဏီသည် Laser Egg ဖြန့်ချိရန်အတွက် ပြင်ပရှိလေ အရည်အသွေး တိုင်းတာပေးသော တရုတ်နိုင်ငံ၏ နာမည်ကျော် app တစ်ခုနှင့် ပူးပေါင်း၍ ကိုယ်ပိုင် app တစ်ခု ဖန်တီးခဲ့သည်။ ၎င်းတုိ့ ဖန်တီးခဲ့သော China Air Quality Index app ဖြင့် သုံးစွဲသူများသည် မြို့များရှိလေထု တိုင်းတာချက်များကို ကြည့်ရှုနိုင်သည့်အပြင် အိမ်အတွင်းရှိ လေထုညစ်ညမ်းမှုကို ကြည့်နိုင်မည်ဖြစ်သည်။

အဆိုပါ app များကို အသုံးပြုသူများသည် မြေပုံလုပ်ဆောင်ချက်ကိုလည်း အသုံးပြုနိုင်မည်ဖြစ်သည်။

Ref : TechInAsia