လာမည့်နှစ်အတွင်း ဒသမတန်း စာသင်ခန်းများတွင် စာသင်ကြားမှုနှင့် ကျောင်း တက်ရောက်မှုအား ကျောင်း

Myanmar.jpg

လာမည့်နှစ်အတွင်း ဒသမတန်း စာသင်ခန်းများတွင် စာသင်ကြားမှုနှင့် ကျောင်းတက်ရောက်မှုအား ကျောင်းတက်ရာခိုင်နှုန်းဖြင့် ထိန်းချုပ်မည်ဖြစ်ကြောင်း ပြည်သူ့ လွှတ်တော် အစည်းအဝေးတွင် ဆွေးနွေးခဲ့ကြောင်း သိရသည်။

ကျောင်းတက်ရာခိုင်နှုန်းကို ၇၅ ရာခိုင်နှုန်းဖြင့် ထိန်းချုပ်၍ ဖေဖော်ဝါရီလ ၁၈ ရက်အထိ တွက်ချက်ရမည်ဟု ညွှန်ကြားထားပြီး ဖေဖော်ဝါရီလ ၁၈ ရက်အထိ ကျောင်းတက် ရာခိုင်နှုန်း တွက်ချက်ရခြင်းသည် ဒုတိယနှစ် ဝက်ဆုံး စာမေးပွဲ စစ်ဆေးသည်အထိ ကျောင်းတက်ရန် သတ်မှတ်ထားခြင်းဖြစ်သည်။

ဆရာ၊ ဆရာမများအနေဖြင့် ပြန်လှန် သင်ကြားခြင်းဖြင့် ဒုတိယနှစ်ဝက် မစစ်ဆေးမီ အချိန်အထိ သင်ကြားမှုများ ဆောင်ရွက်ပေးလျက် ရှိပါကြောင်း၊ စာမေးပွဲမတိုင်မီ နှစ်လ၊ သုံးလအလိုမှစ၍ ဆရာ၊ ဆရာမများအား စာသင်ကြားခြင်း မပြုရန် ခွင့်ပြုထားခြင်း မရှိဘဲ  ကျောင်းသား၊ ကျောင်းသူများအပေါ် အရေးယူ ဆောင်ရွက်မှုကို စည်းကမ်း ထိန်းသိမ်းအဖွဲ့မှ မိဘများနှင့် ပူးပေါင်း၍ အရေးယူ ဆောင်ရွက်ခြင်းများ ပြုလုပ်ခြင်း၊ ကျောင်း အုပ်ကြီးများက မိဘများနှင့်တွေ့ဆုံသောအခါ ကျောင်းမှန်မှန် တက်စေရန် အတွက် ပူးပေါင်းဆောင် ရွက်ကြရန် နှိုးဆော်ခြင်း၊ ကျောင်း စုဝေးပွဲများတွင်လည်း ကျောင်းအုပ်ကြီးများက ကျောင်းသား၊ ကျောင်းသူများအား မကြာခဏ သတိပေး၍ ဆောင်ရွက်ခြင်း၊ သင်ကြားရေး ဝန်ထမ်းများကို ကျောင်းအုပ်ကြီးက ဘာသာရပ်ခေါင်းဆောင်များနှင့် ပူးပေါင်း၍ စနစ်တကျ ကြီးကြပ်ကွပ်ကဲခြင်း၊ သင်ကြားပြီးသော စာများအား တတ်ကျွမ်းမှုရှိ၊ မရှိ ဝင်ရောက် စစ်ဆေး၍ လမ်းညွှန်ပေးခြင်း၊ စာသင်ချိန် အပြည့် သင်ကြားနိုင်ရေးအတွက် အဆင့်ဆင့်ကြီးကြပ်ကွပ်ကဲမှုများကို တိုးမြှင့် ဆောင်ရွက်သွားမည်ဖြစ်ကြောင်း သိရသည်။