အမေရိကန် မိုးလေဝသစနစ်ကို ဟက်ကာများ တိုက်ခိုက်ခဲ့

weather.jpg

ဟက်ကာများသည် အောက်တိုဘာလက အမေရိကန် မိုးလေဝသစနစ်ကို တိုက်ခိုက်ခဲ့သောကြောင့် ဂြိုဟ်တုမှတစ်ဆင့် အချက်အလက် ပေးပို့မှုများနှင့် အရေးပါသည့် ဝက်ဘ်ဆိုက်အချို့တွင် ထိခိုက်ပျက်စီးမှုများ ဖြစ်ပွားခဲ့ကြောင်း သိရသည်။

ပြီးခဲ့သည့် ရက်သတ္တပတ် အနည်းငယ်အတွင်း ဟက်ကာများက ၎င်းတို့၏ ဝက်ဘ်ဆိုက်လေးခုကို တိုက်ခိုက်ခဲ့ကြောင်း၊ အဆိုပါ တိုက်ခိုက်မှုများကို တားဆီးရန်အတွက် အချို့သော ဝန်ဆောင်မှုများကို ရပ်ဆိုင်းရန် အစိုးရအရာရှိများက တွန်းအားပေးခဲ့ကြောင်း နိုင်ငံတော် အဏ္ဏဝါနှင့် ကမ္ဘာ့လေထုဆိုင်ရာ အဖွဲ့အစည်းဖြစ်သည့် NOAA မှပြောကြားခဲ့သည်။

သို့သော်လည်း အဆိုပါ တိုက်ခိုက်မှုများကြောင့် မိမိတို့၏ ပြည်သူလူထုထံ  မိုးလေဝသ ကြိုတင်ခန့်မှန်း မှုများထုတ်ပြန်ခြင်းကို တားဆီးနိုင်ခဲ့ခြင်း မရှိကြောင်း NOAA မှ ပြောရေးဆိုခွင့်ရှိသူ စကော့စမူလန်က ဆိုခဲ့သည်။

အထက်ပါ တိုက်ခိုက်မှုနှင့် ပတ်သက်၍ အများပြည်သူ သိရှိမှုအနည်းအကျဉ်းသာ ရှိခဲ့ပြီး တိုက်ခိုက်ခံရမှု အကြောင်းကိုလည်း Washington Post မှဦးစွာ ဖော်ပြခဲ့သည်။ သို့ရာတွင် မည်သည့် တိုက်ခိုက်မှုကြောင့် မည်မျှထိခိုက် ပျက်စီးမှုရှိသည်ကိုမူ ရှင်းရှင်းလင်းလင်း မသိရှိရပေ။

ဟက်ကာများက တိုက်ခိုက်ခဲ့သည့် အမေရိကန် မိုးလေဝသ စနစ်သည် နိုင်ငံအတွင်းရှိ စီးပွားရေး လုပ်ငန်းများ၊ စစ်တပ်နှင့်ပြည်တွင်း အစိုးရများအတွက် မိုးလေဝသ အစီရင်ခံစာများကို မနားတမ်း ပေးပို့နေသည့် စနစ်ဖြစ်သည်။

အမေရိကန်မိုးလေဝသစနစ်ကို တိုက်ခိုက်မှုများ ပြုလုပ်ခဲ့ခြင်းသည် အမေရိကန်တွင် ဖြစ်ပွားခဲ့သည့် နောက်ဆုံးပေါ် ဆိုက်ဘာတိုက်ခိုက်မှု ဖြစ်သည်။ ဟက်ကာများသည် ပြီးခဲ့သည့်လက အိမ်ဖြူတော်ကို တိုက်ခိုက်ခဲ့သလို ၎င်းမတိုင်မီကလည်း ဖက်ဒရယ် ကန်ထရိုက်တာဖြစ်သည့် USIS ကိုလည်း

တိုက်ခိုက်မှုများ ပြုလုပ်ခဲ့ကြသည်။

-နောင်နောင် (Ref: CNN)