အစားအသောက်ပုံများမှ ကယ်လိုရီ တွက်ချက်ပေးမည့် app တစ်မျိုးကို Google ဖန်တီးနေ

11391747_10152974152772825_1642967162220607232_n.jpg

Google သည် အစားအသောက်နှင့် ပတ်သက်သည့် ဓာတ်ပုံတစ်ပုံကို ပိုင်းခြားစိတ်ဖြာပြီး ၎င်းတွင် ပါဝင်သည့် ကယ်လိုရီ အချက်အလက်များကို တွက်ချက်ပေးမည့် စီမံကိန်းတစ်ခုအတွက် artificial intelligence (AI) သုတေသီများနှင့် တွဲဖက်ဆောင်ရွက်နေကြောင်း အတည်ပြု ပြောကြားခဲ့သည်။

အဆိုပါ စီမံကိန်းကို Im2Calories ဟုခေါ်တွင်ပြီး ၎င်းကို ပြီးခဲ့သည့် ရက်သတ္တပတ်က ဘော့စတွန်တွင် ကျင်းပခဲ့သော Rework Deep Learning Summit ၌ မိတ်ဆက်ပေးခဲ့ကြောင်း Popular Science မှ ဖော်ပြခဲ့သည်။

Popular Science ၏ အဆိုအရ Im2Calories သည် ဓာတ်ပုံတစ်ပုံရှိ pixel တစ်ခုစီကို အတွင်းကျကျ ပိုင်းခြားစိတ်ဖြာကာ တွက်ချက်ပေးမည် ဖြစ်ကြောင်း သိရသည်။ ထို့အပြင် Im2Calories သည် Instagram post များကဲ့သို့ အရည်အသွေးနိမ့်သည့် ဓာတ်ပုံများဖြင့် အလုပ်လုပ်နိုင်ကြောင်း Google သုတေသနသိပ္ပံပညာရှင် ကီဗင်မာဖီက ပြောကြားခဲ့သည်။

Im2Calories သည် စမ်းသပ်အဆင့်သာ ရှိသေးသော်လည်း ကုမ္ပဏီအနေဖြင့် အဆိုပါ နည်းပညာအတွက် မူပိုင်ခွင့်ကို လျှောက်ထားပြီး ဖြစ်ကြောင်း မာဖီက ပြောကြားခဲ့သည်။

Ref: Mashable