ကမ္ဘာကြီးကို ပြောင်းလဲပစ်မည့် 3D PRINTING

3D-Printing-Trends.jpg

3D ရုပ်လုံးကြွ ထုတ်လုပ်ခြင်း နည်းပညာသည် ၂၀၁၅ ခုနှစ်အတွင်း၌ ရေပန်းစားနေသော နည်းပညာများထဲမှ တစ်ခုအပါအဝင်ဖြစ်ပြီး လက်ရှိကာလတွင်လည်း နည်းပညာ နယ်ပယ်တွင် မျှော်လင့်ထားသည့် အမြင့်ဆုံးအဆင့်သို့ပင် ရောက်ရှိနေခဲ့ပြီ ဖြစ်ပါသည်။ ယခုအချိန်အခါတွင် အဆိုပါ နည်းပညာကို အသုံးပြုကာ ဆေးဝါးကုသခြင်းမှသည် စီးပွားရေး လုပ်ငန်းများကို လုပ်ကိုင်လာ နိုင်သည်အထိ ပတ်ဝန်းကျင်ရှိ အရာဝတ္ထုတိုင်းကို လိုက်လံတုပ ထုတ်လုပ်လျက် ရှိပေသည်။ ဥပမာ အနေဖြင့် သင့်စက်ရုံရှိ စက်ပစ္စည်း ကိရိယာများထဲမှ အစိတ်အပိုင်း တစ်ခုပျက်စီး သွားပါက ပြင်ပတွင် လိုက်လံရှာ ဝယ်နေစရာ မလိုအပ်ဘဲ မိမိကိုယ်တိုင်ပင် 3D ပရင်တာကို အသုံးပြုကာ အစားထိုးရန် လွယ်ကူစွာ ထုတ်လုပ်နိုင်မည်ဖြစ်ပြီး အဆိုပါ ထုတ်လုပ်မှုအတွက် 3D ဒီပရင်တာအပြင် နည်းပညာ အနည်းငယ် နားလည်ရုံဖြင့် မိမိအိမ်၌ပင် လုပ်ဆောင်နိုင်မည် ဖြစ်သည်။

3D ပုံနှိပ် ထုတ်ဝေခြင်း ဆိုသည်မှာ ပလတ်စတစ်၊ သတ္တု သို့မဟုတ် ကာဘွန်ဖိုက်ဘာ အစရှိသည့် အမျိုးမျိုးသော ဒြပ်ပစ္စည်းများကို အသုံးပြုကာ မည်သည့်အရာဝတ္တု ပုံမျိုးကိုမဆို ရုပ်လုံးကြွ ထုတ်လုပ်ခြင်းပင်ဖြစ်ပြီး ၎င်းကို Additive Manufacturing-AM ဟုလည်း ခေါ်ပါသည်။ AM နည်းပညာသုံး လုပ်ဆောင်မှုများကို ၁၉၈၀ ခုနှစ် ကတည်းကပင် စတင်အသုံးပြု လာသော်လည်း ၂၀၁၀ ခုနှစ်သို့ ရောက်ရှိမှသာ အဆင့်အတန်းမီသော အခြေအနေတစ်ခု ဖြစ်ခဲ့ပါသည်။  ထို့ကြောင့် စက်ရုံများ၊ စီးပွားရေး လုပ်ငန်းများတွင် မိမိစိတ်ကြိုက် အသုံးအဆောင်များကို အခြားတစ်နေရာမှ ဝယ်ယူအသုံးပြုခြင်းထက် 3D ဒီပရင်တာကို အသုံးပြုကာ မိမိတို့စိတ်ကြိုက် ပစ္စည်းများ ထုတ်လုပ်ခြင်းကို လုပ်ဆောင် လာနိုင်သည့်အပြင် 3D ပရင်တာ အသုံးပြုခြင်းကြောင့် ထုတ်လုပ်မှု ကုန်ကျစရိတ်ကိုလည်း သက်သာစေပါသည်။ ထို့အပြင် 3D ပရင့် ထုတ်လုပ်ခြင်း လုပ်ငန်းသည် ယခုအခါ သေးငယ်သော စွန့်ဦးတီထွင်မှု ဈေးကွက်ဖြစ်သည့် ကိုယ်ပိုင်စီးပွားရေး လုပ်ငန်းများအကြားတွင် နာမည်ကျော်ကြား လာသည်သာမက ယနေ့နာမည်ကြီး ကုမ္ပဏီများ ဖြစ်သည့် Boeing နှင့် General Electric ကဲ့သို့လေယာဉ် ထုတ်လုပ်သော ကုမ္ပဏီကြီးများပင်လျင် 3D ပရင်တာကို အသုံးပြုကာ ၎င်းတို့၏ လေယာဉ်များ၊ ဂျက်အင်ဂျင်များ၏ အစိတ်အပိုင်း အတော်များများကို ထုတ်လုပ်လျက် ရှိနေခဲ့ပြီဖြစ်သည်။

3D ပရင်တာ ထုတ်လုပ်ခြင်း လုပ်ငန်းလည်း နာမည်ကြီး ရန်ပုံငွေစိုက်ထုတ်ကာ ဦးဆောင်တီထွင်မှု ပြုလုပ်လျက်ရှိသည့် အဖွဲ့အစည်းများဖြစ်သည့် Kickstarter အဖွဲ့ကပင် ရန်ပုံငွေ စိုက်ထုတ်ကာ တီထွင်ထုတ်လုပ် လျက်ရှိပြီး အိမ်တိုင်ရာရောက် ဝန်ဆောင်မှု ပေးလျက်ရှိသည့် Amazon ကုမ္ပဏီတို့မှလည်း လက်လီရောင်းချခြင်းများကို ကမ္ဘာအနှံ့သို့ ပို့ဆောင်ပေး လျက်ရှိပါသည်။ ၂၀၁၂ ခုနှစ်တွင် 3D ပရင်တာ ရောင်းချမှုနှင့် အသုံးပြုထုတ်လုပ်မှု ဈေးကွက်သည် ၄၉ ရာခိုင်နှုန်းခန့် ရှိနေခဲ့ပြီး ဈေးကွက်တန်ဖိုး ဒေါ်လာ ၂.၂ ဘီလီယံ တန်ဖိုးရှိခဲ့ပါသည်ဟု ခန့်မှန်း စစ်တမ်းများက ဖော်ပြနေသည်။ ထို့အပြင် ၂၀၁၄ ခုနှစ်၌ ၇၅ ရာခိုင်နှုန်းအထိ ရှိလာခဲ့သည်ဟု  ဈေးကွက်သုတေသန ပြုစောင့်ကြည့် လေ့လာသည့် အဖွဲ့အစည်းဖြစ်သော Allied Market Research မှ ထုတ်ဖော်ပြောဆိုခဲ့ ပြီးလာမည့် ၂၀၂၀ ခုနှစ်သို့ ရောက်လျင် ကမ္ဘာအနှံ့တွင် 3D ထုတ်လုပ်မှုနှင့် ဝန်ဆောင်မှု ဈေးကွက်သည် အမေရိကန် ဒေါ်လာ ၈.၆ သန်းခန့် တန်ကြေး ရှိနေမည်ဟု ခန့်မှန်းထားကြပါသည်။

ဆေးပစ္စည်းဆိုင်ရာ ထုတ်လုပ်သော စက်ရုံများတွင်လည်း သွားဘက်ဆိုင်ရာ ကိစ္စရပ်များအတွက်  3D ရုပ်လုံးကြွ ထုတ်ဝေခြင်းသည်  လျင်မြန်စွာ တိုးတက်လျက်ရှိသလို အခြားသော ဇီဝဗေဒ ပညာရပ်ပိုင်းဆိုင်ရာ ကိုယ်ခန္ဓာအစိတ်အပိုင်းများ ထုတ်လုပ်ခြင်းတွင်လည်း ပို၍ပို၍ အောင်မြင်လာလျက် ရှိပေသည်။ 3D ပုံနှိပ်ထုတ်ဝေခြင်းတွင် အဓိက အသုံးပြုသော ပလတ်စတစ် ဒြပ်ပစ္စည်း နှစ်မျိုးရှိပြီး ၎င်းတို့မှာ ABS ဟုခေါ်သော Acrylonitrile Butadiene Styrene နှင့် PLA ဟုခေါ်သော Polylactic Acid တို့ဖြစ်ကြပါသည်။ Acrylonitrile Butadiene Styrene ကို 3D ထုတ်လုပ်ရာတွင် အပူပေးအသုံးပြုရပြီး Polylactic Acid မှာမူ အပူပေးရန် မလိုအပ်ချေ။ PLA များကို တောက်ပြောင် ချောမွတ်သော ချည်မျှင်များ ထုတ်လုပ်မှုတွင် ရွေးချယ်အသုံးပြု ကြသည်။ 3D ရုပ်လုံးကြွ ထုတ်လုပ်ရန်အတွက် Computer Aided Design (CAD) သို့မဟုတ် 3D Scanner သို့မဟုတ် ဒစ်ဂျယ်တယ် ကင်မရာနှင့် Photogrammetry Software များကို အသုံးပြုရန် လိုအပ်ပါသည်။

3D ရုပ်လုံးကြွ ထုတ်လုပ်မှုတွင် ထုတ်လုပ်မည့် ပစ္စည်းအရွယ်အစား၊ အမြန်နှုန်း၊ အရည်အသွေးတို့ကို အဓိကထား စဉ်းစားရွေးချယ် လုပ်ဆောင်ရန် လိုအပ်ပေသည်။ အဘယ်ကြောင့်ဆိုသော် လျင်မြန်မှုကို ဦးစားပေးလျင် ထွက်ပေါ်လာမည့် ပစ္စည်း၏ အရည်အသွေးသည် ကျဆင်းသွား နိုင်သောကြောင့် ဖြစ်သည်။

လက်ရှိအချိန်တွင် 3D Printer ပုံစံမျိုးစုံကို ဈေးကွက်တွင် ရွေးချယ်၍ ဝယ်ယူရရှိနိုင်ပြီ ဖြစ်ပါသည်။  ထိုသို့ ရွေးချယ်ရာတွင် ပရင်တာအလေးချိန်၊ LCD Display ပါဝင်မှုရှိမရှိ၊ အာမခံအနေဖြင့် ရက်ပေါင်း ၉၀ အနည်းဆုံး ပါဝင်ပြီး အီးမေးလ်၊ ဖုန်း၊ သို့မဟုတ် ဝယ်ယူသည့် ကုမ္ပဏီ၏ ဝက်ဘ်ဆိုဒ်များတွင် မေးမြန်းနိုင်မှု ရှိမရှိ၊ ချိတ်ဆက်မှု အပိုင်းတွင်လည်း USB၊ Flash Drive၊ SD Card၊ Wi-Fi အစရှိသည်ဖြင့် ထုတ်လုပ်သည့် ကုမ္ပဏီပစ္စည်းပေါ် မူတည်၍ ပါဝင်မှုလည်း ကွဲပြားခြားနား ကြပါသည်။ OS အပိုင်းတွင် Windows 8, 7, Vista, XP, Mac OS တို့ကို 3D ပရင်တာအတော် အများအပြားတွင် အသုံးပြုနိုင်ပြီး Linux OS အတွက်မူ ကန့်သတ်ချက်များ ရှိသည်ကို တွေ့ရှိရသည်။

ဈေးကွက်တွင် ရောင်းချလျက်ရှိသော 3D ပရင်တာများမှာ Ultimaker 2၊ Cubify CubePro၊ Cubify Cubex၊ Lulzbot TAZ၊ Ainwolf AW3D XL အစရှိသည်ဖြင့် နာမည်မျိုးစုံဖြင့် ဒီဇိုင်းပေါင်းစုံရှိပြီး ဈေးနှုန်းအနေဖြင့် အမေရိကန်ဒေါ်လာ သုံးထောင်မှ  အနိမ့်ဆုံး တစ်ထောင့်သုံးရာ အထိရှိပါသည်။ ကောင်းမွန်သော 3D ပရင်တာ အများစုတွင် USB ချိတ်ဆက်နိုင်မှု၊ ထုတ်ဝေခြင်းဆိုင်ရာ ပြဿနာရပ်များတွင် ဖြစ်ပေါ်တတ်သည့် စက်နှင့်အရည်အသွေး ဆိုင်ရာထိန်းသိမ်းနိုင်သည့် Tools များ ပါဝင်ရမည်ဖြစ်သလို အရေးကြီးဆုံး အနေဖြင့် ဆော့ဖ်ဝဲပါဝင်မှုတို့ ဖြစ်ပါသည်။ ဆိုလိုချင်သည်မှာ အချို့သော 3D ပရင်တာ အများစုတွင် ၎င်းတို့ကိုယ်ပိုင် ထုတ်ဆော့ဖ်ဝဲနှင့်သာ အလုပ်လုပ်ဆောင် သောကြောင့်ဖြစ်ပါသည်။ သို့သော် သင့်တော်သော ဆော့ဖ်ဝဲများကိုလည်း အင်တာနက်တွင် ရှာဖွေကာ ငွေကြေးမပေးရဘဲ ဒေါင်းလုပ်ချယူ အသုံးပြုနိုင်သည်ဟု အကြံပြုထားပါသည်။

တရုတ်နိုင်ငံတွင် 3D ပရင်တာ အသုံးပြုကာ ပုံဖော်ထုတ်ဝေထားသော ကွန်ဂရစ် တုံးများဖြင့် အိမ်ဆောက်ရာတွင် အသုံးပြုလျက် ရှိကြသလို လူ့အသုံးဆောင်ဆိုင်ရာ ဖိနပ်များ၊ အဝတ်အစားများ၊ လက်ဝတ်အသုံး အဆောင်များကိုပါ 3D ရုပ်လုံးကြွ ထုတ်လုပ်နိုင်သည့်အပြင် ခြေလက်အင်္ဂါ များကိုသာ တုပထုတ်လုပ် နိုင်သည်သာမက ကျွန်ုပ်တို့ ကိုယ်တွင်းရှိ အသည်းလို အစိတ်အပိုင်း မျိုးကိုပင် သရီးဒီပရင်တာ အသုံးပြုခြင်းဖြင့် ထုတ်လုပ်နိုင်စွမ်း ရှိပေသည်။ ထို့ကြောင့်လည်း သရီးဒီ ပရင်တာသည် ထုတ်လုပ်မည့် ပစ္စည်းအတွက် မှန်ကန်သော ကုန်ကြမ်းသာရရှိလျင် ဘာမဆို ထုတ်လုပ်နိုင် ဖြစ်ပေသည်။

“သရီးဒီ ထုတ်လုပ်မှု အကြောင်းကို ဆိုင်မှာထိုင်ရင်း သူငယ်ချင်းတွေကို ရှင်းပြတော့ ကျွန်တော်တို့ကို ဝိုင်းရယ်နေခဲ့ကြတာကို မှတ်မိနေတယ်”လို့ သြစတြေးလျတွင် ပထမဦးဆုံး 3D ရုပ်လုံးကြွ ထုတ်လုပ်မှုဆိုင်ဖွင့်သူ နည်းပညာရှင် Stuart Grover နှင့် Howard Wood တို့က ၎င်းတို့၏ အတွေ့အကြုံကို ပြန်ပြောပြခဲ့ကြပါသည်။ ဆက်လက်ပြီး 3D ပရင်တာ ထုတ်လုပ်မှုသည် မကြာတော့မည့် အနာဂတ်ကာလတွင် မိမိအိမ်တွင်ပင် လိုချင်သော ပစ္စည်းများကို ထုတ်လုပ်နိုင်တော့မည် ဖြစ်သည်ဟုလည်း ၎င်းတို့နှစ်ဦးက ခန့်မှန်းနေခဲ့ ကြပါသည်။ ယခုအချိန်တွင် 3D ရုပ်လုံးကြွ ထုတ်လုပ်ခြင်းသည် Open Source တစ်ခုကဲ့သို့ ဖြစ်လာပြီး Shapeways နှင့် Thingiverse ဝက်ဘ်ဆိုဒ်များတွင် ဒီဇိုင်းများနှင့် ပတ်သက်၍ ဖြန့်ဝေရယူ သုံးစွဲမှုများကို ပြုလုပ်နိုင်ပါသည်။

ပြီးခဲ့သော နှစ်ကတည်းက Shapeways အသင်းအနေဖြင့် အသင်းဝင်ဦးရေ နှစ်ဆခန့် တိုးလာပြီး လစဉ် 3D ဒီဇိုင်းပေါင်း တစ်သိန်းသုံးသောင်းခန့်ကို တီထွင်ပြုလုပ် လျက်ရှိသလို အခြားအသုံးပြု သူများမှ ဒီဇိုင်းပေါင်း တစ်သိန်းနှစ်သောင်းခန့်ကို အင်တာနက်တွင် တင်ပေးလျက် ရှိပါသည်။ အဆိုပါ ဒီဇိုင်းများတွင် ကြယ်တာရာ စစ်ပွဲများမှ ဇာတ်ကောင်များမှသည် Google မျက်မှန်ကဲ့သို့သော အသုံးအဆောင် များအထိပါဝင်လျက် ရှိပေသည်။ 3D ထုတ်လုပ်ရန်အတွက် အခြေခံကုန်ကြမ်းပေါင်း ၁၅ မျိုးရှိပြီး တန်ဖိုးရှိသော ငွေနှင့်ရွှေကိုပင် အသုံးပြုကာ ထုတ်လုပ်နိုင်သည်ဟု သိရသည်။

သို့သော် နိယာမ သဘောအတိုင်း မည်သည့်အရာတွင်မဆို အားသာချက်များ ရှိသလို အားနည်းချက် များလည်းရှိပါသည်။ 3D ထုတ်လုပ်ခြင်းသည် သာမန်ပုံနှိပ် ထုတ်ဝေခြင်း မဟုတ်သောကြောင့် အမှားအယွင်း ရှိလာပါက စက္ကူတစ်ရွက် ထက်စာလျင် ကုန်ကျမှုစရိတ်သည် ပိုမိုများပြားပါသည်။ ထို့အပြင် ထုတ်လုပ်မှု ဒီဇိုင်းပိုင်းနှင့် ပရင်တာ ဆော့ဖ်ဝဲအကြားတွင်လည်း အဆင်မပြေမှုများ ရှိနိုင်သလို ပရင်တာအနေဖြင့် စွမ်းအင်သုံးစွဲမှုလည်း ကြီးမားကာ သာမန်မိတ္တူ စက်များထက်လည်း အသံဆူညံမှု ပိုမိုပါသည်။

မည်သို့ပင် ဆိုစေကာမူ ယခုခေတ်တွင် 3D ရုပ်လုံးကြွ ထုတ်လုပ်လာ နိုင်သောကြောင့် ဆေးဘက်ဆိုင်ရာများ၊ အိမ်တွင်းအငယ်စား စီးပွားရေးဆိုင်ရာ များမှသည် အကြီးစားစက်မှု လုပ်ငန်းများတွင်ပါ တွင်ကျယ်စွာ အရေးပါလာသည်ကို လက်တွေ့ထုတ်လုပ် နေမှုများက သက်သေပြ နေသည်ကို ငြင်းပယ်၍ မရကြောင်းနှင့် မြန်မာနိုင်ငံတွင်လည်း 3D ထုတ်လုပ်မှု တွင်ကျယ်လာနိုင်မှုကို မျှော်လင့်နေကြောင်း ရေးသားရင်း နိဂုံးချုပ်အပ်ပါသည်။

(Lyndsev Gilpin ၏ How 3D printing is building a newfuture ဆောင်းပါးကို ဘာသာပြန်ပါသည်။)