မြန်မာကျောင်းသူတစ်ဦး ယူကေ တက္ကသိုလ်ကြီး ခြောက်ခုမှ ကျောင်းဝင်ခွင့်နှင့် ပညာသင်ဆုများ ကမ်း

IMG_9868.jpg

မြန်မာနိုင်ငံမှကျောင်းသူ တစ်ဦး ယူကေတက္ကသိုလ်ကြီးခြောက်ခုမှ ကျောင်းဝင်ခွင့်နှင့် ပညာသင်ဆုများ ကမ်းလှမ်းခံရကြောင်း သိရသည်။

အဆိုပါကျောင်းသူ၏ အမည်မှာ မကြည်ဆုမွန်ဖြစ်ပြီး CROWN Education တွင် American College Program (Global Assessment Certificate – GAC) ကို တက်ရောက်ပြီးသော ကျောင်းသူတစ်ဦးဖြစ်ကြောင်း သိရသည်။

“ပညာရေးဘာသာရပ်နဲ့က ၂ ကျောင်း၊ ဗိသုကာဘာသာရပ်နဲ့က ၄ ကျောင်း Acceptance Letter ရထားပါတယ်။ GAC ကို ၂၀၁၄ ဖေဖော်ဝါရီကနေ ဒီဇင်ဘာ ၂၀၁၄ ထိ CROWN Education မှာ တက်ခဲ့တယ်။ အမှတ်က GPA 3.6 ရရှိပြီး Outstanding Award ကိုလည်း ရရှိခဲ့ပါတယ်” ဟု မကြည်ဆုမွန်က ပြောသည်။

မကြည်ဆုမွန်အား ယူကေရှိUniversity of Chichester, University of Hertfordshire, University of the West of England Bristol, University of Portsmouth, University of Huddersfield နှင့် Universtiy of Central Lancashire အစရှိသည့် တက္ကသိုလ်ကြီးများမှ Bachelor of Science with Architecture, BEng(Hons) Architecture and Environmental Engineering, BA (Hons) Architecture များကို တက်ရောက်သင်ကြားရန် အတွက် ကျောင်းဝင်ခွင့်ပေးသည့်အပြင် ပညာသင်ထောက်ပံ့ဆုကြေး အဖြစ် တစ်နှစ်လျှင် စတာလင်ပေါင် ၁,၅၀၀ မှ ၂,၀၀၀ အထိထောက်ပံ့ပေးရန် ကမ်းလှမ်းထားခြင်းဖြစ်ကြောင်းသိရသည်။

“သမီးက Diplomatic School Yangon ကနေ ၁၀ တန်းပြီးတာပေါ့။ အရင်က သြစတြေးလျကိုသွားဖို့ စဉ်းစားထားခဲ့ပေမယ့် နောက်တော့ အချိန်အတိုဆုံး၊ အနီးဆုံး တက်နိုင်မယ့် အင်္ဂလန်ကျောင်းတွေကို ရွေးလျှောက်ဖြစ်တယ်။ GAC အားသာချက်က Level One မှာတုန်းက ကျောင်းသားတွေအကုန်လုံးက အခြေခံတွေ အကုန် သင်ရတယ်။ Level Two မှာ သမီးကမေဂျာ ၂ ခုယူလိုက်တယ်။ တခြား Foundation မှာဆိုရင် Double Majour ကို သင်လို့မရဘူး။ ဒီမှာတော့ အဲ့လိုစမ်းလုပ် ကြည့်ခွင့် ရတော့ လုပ်လိုက်တယ်၊ Level 3 ကျတော့မှ ကိုယ့်ကိုယ်ကိုလည်းသိလာတော့ ဆုံးဖြတ်ချက်ချလိုက်ပြီး သိပ္ပံယူလိုက်တယ်။  ဗိသုကာဘာသာရပ်နဲ့ ပတ်သက်တဲ့ တက္ကသိုလ်တွေကို လျှောက်ဖို့အတွက် Portfolio တွေ လုပ်ဖို့ကိုလည်း ကိုယ်တိုင်လေ့လာခဲ့တယ်။ သူများတက္ကသိုလ်တွေမှာ  ဘယ်လိုလုပ်တယ်၊ နောက်ပြီး ပန်းချီတို့ဘာတို့တော့ တစ်နှစ် နှစ်နှစ်လောက် သင်ယူခဲ့တယ်” ဟု ၎င်းကပြောသည်။

CROWN Education တွင် American College Program (Global Assessment Certificate) သင်တန်း၏ Foundation Program ကို တက်ရောက်နေ သည့် ကျောင်းသား၊ ကျောင်းသူ ၉၀ ဦးခန့်ရှိပြီး အချို့သော ကျောင်းသား၊ ကျောင်းသူများမှာလည်း အမေရိကန်နိုင်ငံကျောင်းများမှ ကမ်းလှမ်းသည့် ပညာသင်ဆုများကို ရ ရှိထားကြောင်း သိရသည်။

“ဒီ GAC မှာ သမီး ကောင်းကောင်း လုပ်တတ်သွားတာဆိုရင် Academic Research & Report ကို လုပ်တတ်သွားတယ်။  အရင်တုန်းကသိပေမယ့် အခုလောက် Format ကျကျ မလုပ်တတ်ဘူး၊ High School နဲ့ College နဲ့ မတူဘူးလေ။ အကိုးအကားတွေ ဘယ်လိုထည့်ရတယ်ဆိုတာတွေ အသေအချာ သိသွား တယ်ပေါ့။ မြန်မာကျောင်း သားတွေ သေချာမသိတာ Social Science နက်နက်နဲနဲ မသင်ဖူးဘူး။ CROWN Education GAC မှာကတော့ မျက်စိပွင့်နားပွင့် ဖြစ်သွားတယ်။ ကိုယ်သွား တက်မယ့် နိုင်ငံတစ်ခုရဲ့ လူမှုရေး စီးပွားရေးတွေ သိသွားတာပေါ့။ ကျောင်းသားတွေက နယ်ပယ်စုံကလာတာဆိုတော့ မတူတဲ့ ပတ်ဝန်းကျင်လေး တွေက ဆိုတော့ သူတို့ရဲ့စိတ်တွေ ကြိုးစားတာတွေကိုသိလာရပြီး ချိန်ထိုးနိုင်သွားတယ်” ဟု မကြည်ဆုမွန်က ပြောသည်။

၎င်းအနေဖြင့် နိုင်ငံတကာတက္ကသိုလ်များသို့ တက်ရောက်နိုင်သည့် ရွေးချယ်ခွင့်လမ်းကြောင်း အခွင့်အလမ်း ပိုများသည့်အတွက် American College Program (Global Assessment Certificate) ကို ရွေးချယ်ခဲ့ခြင်း ဖြစ်သည်ဟုပြောသည်။

CROWN Education သည် အမေရိကန်နိုင်ငံ ACT Education Solution, Limited ၏ မြန်မာနိုင်ငံ၏ တစ်ဦးတည်း ကိုယ်စားလှယ်အဖြစ် ၂၀၁၃ ခုနှစ် ဇူလိုင်လ ၅ ရက် တွင် တာဝန်ပေးအပ်ခြင်း ခံရပြီး American College Program (Global Assessment Certificate) သင်တန်းကို ၂၀၁၃ ခုနှစ် စက်တင်ဘာတွင် စတင် ဖွင့်လှစ် ခဲ့ခြင်းဖြစ်သည်။ American College Program (Global Assessment Certificate) သင်တန်းနှင့် ပတ်သက်၍ အသေးစိတ် ထပ်မံသိရှိလိုပါက CROWN Education, အမှတ် (၂၇၀)၊ ပထမထပ်၊ အခန်းနံပါတ် (1B), ပြည်လမ်း၊ ဒဂုံစင်တာ(၂)နှင့် ကမ္ဘောဇဘဏ်အကြား၊ မြေနီကုန်းသို့ လူကိုယ်တိုင်ဖြစ်စေ၊ ဖုန်း-၀၉-၇၃၂၅၆၉၆ ၅ နှင့် ၀၉- ၂၅၄၈ ၂၈၃၁၁  သို့ ဆက်သွယ် မေးမြန်းနိုင်သည်။