ယနေ့ကံကြမ္မာ မိုဘိုင်း Application ထွက်ရှိ

11040504_10204447652932466_5605226034029458400_n.jpg

မိမိ၏ တစ်နေ့တာ ကံကြမ္မာကို ဖုန်းမှတစ်ဆင့် အလွယ်တကူ တွက်ချက်သိရှိနိုင်မည့် ယနေ့ကံကြမ္မာ မိုဘိုင်း Application ကို အခမဲ့ရယူ အသုံးပြုနိုင်မည်ဖြစ်ပြီး အဆိုပါ App ကို Android OS နှင့် iOS ဗားရှင်းနှစ်မျိုးစလုံးအတွက် ထုတ်လုပ်ထားကြောင်း သိရသည်။

“ဗေဒင်သွားမေးဖို့ အချိန်မပေးနိုင်တဲ့ သူတွေအနေနဲ့ နေ့စဉ် ဗေဒင်ဆရာတစ်ယောက် အနားမှာရှိသကဲ့သို့ မေးမြန်းနိုင်မယ့် “ယနေ့ကံကြမ္မာ” တားရော့ဗေဒင် ကိုဆရာမင်းသိမ်းခိုင်(ရွှေရမ်းထူးလင်း) ရဲ့ အကူအညီနဲ့ ရေးဆွဲထားတာပါ။ ဒီ App ရဲ့ တားရော့ဗေဒင် ကဏ္ဍမှာဆိုရင် စီးပွားရေး၊ ပညာရေး၊ အချစ်ရေးနှင့် ကျန်းမာရေး စတာတွေကို နေ့စဉ်မေးမြန်းနိုင်မှာပါ။ Android နှင့် iOS နှစ်မျိုးစလုံးအတွက် အသုံးပြုနိုင်ပါတယ်” ၎င်း Application ကို ရေးသားသည့် GetChance Team မှ ပြောသည်။

ဗေဒင်ဝါသနာ ပါသူများအတွက် တားရော့ဗေဒင်နှင့် ဂဏန်းဗေဒင်တို့ကို ကိုယ်တိုင်တွက်ချက် ကြည့်ရှုနိုင်မည်ဖြစ်ပြီး ဗေဒင်ဆရာတစ်ယောက် ရှိနေသကဲ့သို့ ကံကြမ္မာ အဆိုးအကောင်း အကျိုးအကြောင်းများ တွက်ချက်ကြည့်ရှုနိုင်မည် ဖြစ်သည်။ Android ဖုန်း အသုံးပြုသူများအနေဖြင့် “ယနေ့ကံကြမ္မာ” ကို အသုံးပြုမည်ဆိုပါက Adobe Air Application ကို ထပ်မံထည့်သွင်း အသုံးပြုရန်လိုအပ်မည် ဖြစ်သည်။ Android ဖုန်းသုံးသူများအနေဖြင့် https://play.google.com/store/apps/details…နှင့် iOS စနစ်သုံး ဖုန်းများအတွက်https://itunes.apple.com/…/app/daily-fortune-t…/id988266632… တို့တွင် ရယူနိုင်မည်ဖြစ်သည်။