ဖွံ့ဖြိုးဆဲ နိုင်ငံများအတွက် ဝတ်ဆင်နိုင်သည့် နည်းပညာ ထုတ်ကုန်များ ဖန်တီးရန် ARM နှင့် Unicef ပူးေ

dsc0536.jpg

ဗြိတိန်ချစ်ပ် ကုမ္ပဏီ ARM နှင့် Unicef (United Nations Children’s Fund) သည် ဝေးလံခေါင်ဖျားသည့် ဒေသများတွင် နေထိုင်သည့် ဆင်းရဲနွမ်းပါးသူ အချို့အတွက် နည်းပညာ ထုတ်ကုန်များ ဖန်တီးရန် ပူးပေါင်းမှုများ ပြုလုပ်ခဲ့ကြောင်း သိရသည်။

၎င်းတို့ပူးပေါင်း ဆောင်ရွက်မှု၏ ပထမဆုံး အားထုတ်မှုအဖြစ် ဖွံ့ဖြိုးဆဲနိုင်ငံများအတွင်း နေထိုင်သည့် လူများအတွက် ဝတ်ဆင်နိုင်သည့် ထုတ်ကုန်သစ်များ  ဖန်တီးနိုင်ရန် ဒီဇိုင်နာများကို ဖိတ်ခေါ်ပြီး “Wearables for Good” ပြိုင်ပွဲ ကျင်းပခဲ့သည်။ ဝတ်ဆင်နိုင်သည့် ထုတ်ကုန်များ ထုတ်လုပ်လိုသည့် ရည်ရွယ်ချက်မှာ လိုချင်မှုကြောင့် မဟုတ်ဘဲ လိုအပ်ချက်ရှိသော လူများအတွက် ဖန်တီးလိုသောကြောင့် ဖြစ်ကြောင်း Unicef Innovation အကြီးအကဲ အီရစ်ကာကိုချီက နယူးယောက် သိပ္ပံအကယ်ဒမီ၌ ပြုလုပ်ခဲ့သည့်ပွဲ၌ ပြောကြားခဲ့သည်။

အမျိုးသမီးနှင့် ကလေးများကို ကူညီပေးမည့် Unicef ၏အဆင့်မြင့် နည်းပညာလုပ်ငန်းများ ဆောင်ရွက်ပေးသော Unicef  Innovation သည် ဒီဇီုင်နာများအနေဖြင့် လူများကို မီးသတိပေးခြင်း၊ ကျန်းမာရေး လိုအပ်ချက် ရောဂါရှာဖွေ ပေးရေးနှင့် လက်ဆေးခြင်းကဲ့သို့ အပြုအမူဆိုင်ရာ ပြောင်းလဲရန် တိုက်တွန်းခြင်းနှင့်  အမေနှင့်၎င်း၏ သန္ဓေသားအတွက် လိုအပ်သော အချိန်နှင့်တစ်ပြေးညီ အချက်အလက်များ ပါဝင်သော ဝတ်ဆင်နိုင်သည့် နည်းပညာထုတ်ကုန်ကို ဖန်တီးရန် မျှော်လင့်လျက်ရှိကြောင်း ကိုချီက ပြောကြားခဲ့သည်။ ဝတ်ဆင်နိုင်သည့် ထုတ်ကုန်အများစုကို ဒုက္ခသည် စခန်းများ သို့မဟုတ် အဓိကျသည့် အခြေခံ အဆောက်အအုံများမှ ဝေးလံသည့် ဒေသများ သို့မဟုတ် ဆေးကုခြင်းနှင့် သက်ဆိုင်သည့် နေရာများတွင် အသုံးပြုသွားမည် ဖြစ်သည်။

အဆိုပါ ပူးပေါင်းမှု ပြုလုပ်ထားသည့် အဖွဲ့နှစ်ခုသည် နိုဝင်ဘာလတွင် ပြိုင်ပွဲမှ အနိုင်ရရှိသူ နှစ်ဦးကို ထုတ်ပြန်ပေးမည်ဖြစ်ကာ တစ်ဦးလျှင် ကန်ဒေါ်လာ ၁၅,၀၀၀ အပြင် ARM နှင့် ဒီဇီုင်းကုမ္ပဏီ Frog မှ ဆရာအဖြစ် အသိအမှတ်ပြုသော လက်မှတ်လည်း ရရှိမည်ဖြစ်သည်။

Ref : CNET