ဇွန်လတွင် လူမှုရေး ကွန်ရက်တစ်ခု ပါဝင်သည့် Apple Music ဝန်ဆောင်မှု စတင်သွားမည်ဟုဆို

beatsmusicdrdre1_1020.0.jpg

Apple အနေဖြင့် Apple Music ဝန်ဆောင်မှုကို စတင်သွားမည် ဖြစ်ကြောင်း ကုမ္ပဏီ၏ Worldwide Developers Conference တွင် ကြေညာခဲ့ကြောင်း 9to5Mac ၏သတင်း ရင်းမြစ်တစ်ခုက ပြောကြားခဲ့သည်။

Apple သည် Beats Music ကို အခြေခံထားသည့် ၎င်းဝန်ဆောင်မှုကို လာမည့်လ နှောင်းပိုင်းတွင် iOS ၌ ဖြန့်ချိရန် စီစဉ်နေကြောင်း သတင်းက ဖော်ပြခဲ့သည်။ အဆိုပါ Apple Music ဝန်ဆောင်မှုကို ဒီဇိုင်းပိုင်း ပြန်လည် ပြင်ဆင်ထားသည့် Music app ဗားရှင်းတွင် ပါဝင်လာဖွယ်ရှိသည်။ Apple Music ကို Mac နှင့် Android ဗားရှင်း များတွင်လည်း ဖြန့်ချိပေး သွားဖွယ်ရှိသည်။ ထို့အပြင် Apple သည် iTunes တွင် Ping ဝန်ဆောင်မှုနှင့်အတူ လူမှုရေးကွန်ရက် ပါဝင်လာသည့် ပုံစံအတိုင်း Apple Music တွင်လည်း လူမှုရေး ကွန်ရက်တစ်ခု ပါဝင်လာဖွယ် ရှိသည်။

သို့သော်လည်း Apple Music သည် Ping နှင့်မတူဘဲ အနုပညာရှင်များအတွက် အာရုံစိုက်ဖန်တီး သွားဖွယ်ရှိသည်။ ၎င်းဝန်ဆောင်မှုတွင် အနုပညာရှင် တစ်ဦးချင်းစီ၏ profile များရှိမည်ဖြစ်ပြီး အနုပညာ ရှင်များအနေဖြင့် ၎င်းတို့အချင်းချင်း content များကို ဝေမျှခြင်းနှင့် နမူနာသီချင်းများကို တင်ခြင်းတို့ ပြုလုပ်နိုင်မည် ဖြစ်ကြောင်း သတင်းက ဖော်ပြခဲ့သည်။ ထို့အပြင် သုံးစွဲသူများ အနေဖြင့် ၎င်းတို့၏  iTunes account များ အသုံးပြု၍ အနုပညာရှင်များ၏ လုပ်ဆောင်ချက်များတွင် မှတ်ချက်ရေးခြင်း သို့မဟုတ် like လုပ်ခြင်းတို့ ပြုလုပ်နိုင်မည် ဖြစ်ကြောင်း 9to5 Mac ကဖော်ပြခဲ့သည်။

Ref: TheVerge