ကွန်ပျူတာ များထက် မိုဘိုင်းတွင် Google ရှာဖွေမှု ပိုမိုပြုလုပ်လာ

152807970.jpg

မိုဘိုင်း ထုတ်ကုန်များတွင် Google ရှာဖွေမှုများ ပြုလုပ်သည့် အရေအတွက်သည် အမေရိကန်နိုင်ငံရှိ တစ်ကိုယ်ရေသုံး ကွန်ပျူတာများတွင် ရှာဖွေမှု ပြုလုပ်သည့် အကြိမ်ရေထက် သာလွန်သွားပြီ ဖြစ်ကြောင်း သိရသည်။

ပြီးခဲ့သည့်ရက် အနည်းငယ်ခန့်က Google သည် ဂျပန်နှင့် အခြားအမည်မဖော်ပြသည့် နိုင်ငံများတွင် တစ်ရက်လျှင် ရှာဖွေမှု ဘီလီယံဝက်ကျော် ရှိကြောင်း ထုတ်ပြန်ခဲ့ပြီး ၎င်းအရေအတွက်သည် ဆက်လက် တိုးတက်နေဆဲ ဖြစ်ကြောင်း ထုတ်ပြန်ခဲ့သည်။  Google အနေဖြင့် တစ်လလျှင် ရှာဖွေမှု ၁၀၀ ဘီလီယံကို မြင်တွေ့နေရကြောင်း Associated Press မှ ဖော်ပြခဲ့သည်။ ထိုသို့ Google အနေဖြင့် သမိုင်းတင် နိုင်ခဲ့ရခြင်းမှာ စမတ်ဖုန်းအတွင်း built-in search engine တစ်ခုအဖြစ် ပါဝင်သည့် Android သုံးစွဲသူများကြောင့် ဖြစ်သည်။ Google ၏မိုဘိုင်း ရှာဖွေမှုများအပေါ်တွင် အာရုံစိုက်သည့် လုပ်ငန်းသည် အောင်မြင်မှုများ ရရှိနေပြီး ကုမ္ပဏီ အနေဖြင့် ဧပြီလက ဖုန်းနှင့် tablet များတွင် ရှာဖွေမှု ပြုလုပ်သည့်အခါ မိုဘိုင်းနှင့် ကြည့်ရှုရာတွင် သင့်တော်မည့် ဝက်ဘ်ဆိုက်များ ဖော်ပြပေးရန် “mobile-geddon” feature ကိုစတင်ခဲ့သည်။

ထိုသို့ Google က mobile geddon feature ထည့်သွင်း ပေးလိုက်ခြင်းသည် သေးငယ်သော မျက်နှာပြင်များအတွက် ဒီဇိုင်းပိုင်း ဖန်တီးထားသည့် ဆိုက်များများကို ဦးစားပေးဖော်ပြ ပေးမည်ဖြစ်သလို အခြားမိုဘိုင်းဆိုက် မဟုတ်သည့် အရာများကို ရှာဖွေမှုများတွင် လျှော့ချဖော်ပြ ပေးမည်ဖြစ်သည်။

Ref: CBSNews