အင်တာနက်တီဗီ content အတွက် ဒေါ်လာ ၁ ဘီလီယံ Xiaomi ရင်းနှီးမြှုပ်နှံမည်

xiaomi.jpg

တရုတ်မိုဘိုင်း ထုတ်ကုန် ထုတ်လုပ်သည့် ကုမ္ပဏီဖြစ်သော Xiaomi သည် အင်တာနက်တီဗီ content အတွက် အမေရိကန်ဒေါ်လာ ၁ ဘီလီယံ ရင်းနှီးမြှုပ်နှံရန် စီစဉ်နေကြောင်း တရုတ်လူမှုရေး မီဒီယာဆိုက် Weibo ၏ blog post တစ်ခုတွင် ပြောကြားခဲ့သည်။

အဆိုပါ blog post တွင် ဖော်ပြချက်အရ တရုတ်အခြေစိုက် အင်တာနက် ကုမ္ပဏီ Sina မှအမှုဆောင်ဟောင်း ချန်တုန်နှင့် အင်တာနက် တီဗီထုတ်ကုန်များအတွက် Xiaomi ၏ ဒါရိုက်တာဖြစ်သူ ချွမ်ဝမ်တို့က content အတွက် ဦးဆောင်သွားမည်ဟု သိရသည်။

Xiaomi သည် မိုဘိုင်းဈေးကွက်တွင် အခိုင်အမာ ရပ်တည်နိုင်ခဲ့ပြီး နောက်ဆုံး သုံးလပတ်တွင်လည်း ကမ္ဘာ့တတိယ အကြီးဆုံး စမတ်ဖုန်း ထုတ်လုပ်သည့် ကုမ္ပဏီအနေဖြင့် Samsung နှင့် Apple တို့၏နောက်တွင် ရပ်တည်နိုင်ခဲ့သည်။ Xiaomi ကိုဈေးနှုန်း သက်သာသည့် စမတ်ဖုန်းနှင့် tablet ထုတ်လုပ်သူအဖြစ် လူသိများချိန်တွင် ကုမ္ပဏီအနေဖြင့် ဖျော်ဖြေရေးလုပ်ငန်း အတွင်းသို့ ဝင်ရောက်ရန် ပြင်ဆင်နေခြင်း ဖြစ်သည်။

Xiaomi သည် Mi TV နှင့် Mi-Box set-top-box အပါအဝင် စမတ်တီဗီ ထုတ်ကုန်အချို့ကို ရောင်းချလျက်ရှိသည့် ကုမ္ပဏီလည်းဖြစ်သည်။

-နောင်နောင်
Ref : CNET